The Rebel

അങ്ങനെ തീരുമാനമായി - സ്ത്രീകള്‍ വീട്ടിലിരുന്നാ മതി.

2010-07-16T11:38:00.004+05:30

ആംഗ്ലിക്കന്‍ സഭ ചരിത്രപരമായ ഒരു തീരുമാനത്തിലൂടെ വാര്‍ത്തകളില്‍ നിറഞ്ഞ ഒരു സമയമായിരുന്നു ഇത്. അവര്‍ സ്ത്രീകള്‍ക്ക് ബിഷപ്പ് പദവി വരെ നല്‍കാന്‍ തീരുമാനിച്ചു. പൊതുവെ എല്ലാ സഭകളും കാലാ കാലങ്ങളായി സ്ത്രീകളോടു കാണിച്ചു വരുന്ന അവഗണനയും അവരെ പൊതുവെ രണ്ടാം തരക്കാരായി പരിഗണിക്കുന്ന നിലയും ഇതൊടെ പരിശോധനകള്‍ക്കും മാറ്റങ്ങള്‍ക്കും വിധേയമാകും എന്ന ഒരു പ്രതീക്ഷ ചിലര്‍ക്കെങ്കിലും ഉണ്ടായിരുന്നു. എന്നാല്‍ ഇതിനെ എല്ലാം തകിടം മറിച്ചുകൊണ്ട് വത്തിക്കാന്‍ തീരുമാനം എടുത്തു കഴിഞ്ഞു.. സ്ത്രീകള്‍ പുറത്തിരുന്നാല്‍ മതി.
വാര്‍ത്ത ഇവിടെ.

"Federico Lombardi, the Vatican spokesman, underscored how the ordination of women is “a crime against sacraments,” while paedophilia should be considered a “crime against morals” and both would fall under the jurisdiction of the CDF. The organisation, which was once known as the Holy Office of the Inquisition, was previously headed by the current Pope when he was Cardinal Joseph Ratzinger." മാര്‍പ്പാപ്പ ആയിട്ടും പഴയ പീഡന ഓഫീസിന്റെ സുഖം അങ്ങ് വിട്ടിട്ടില്ല എന്ന് തോന്നുന്നു.

The new rules put attempts at ordination of women among the "most serious crimes," along with paedophilia, updating a 2007 CDF decree according to which those who attempt to ordain women — and the women concerned — are subject to automatic excommunication.
സ്ത്രീ പൌരോഹിത്യം എന്ന മഹാ പാപത്തിനെ എന്തിനോടു ആണ് താരതമ്യം ചെയ്തു തുല്യ പദവി കൊടുത്തിരിക്കുന്നത്‌ എന്ന് കണ്ടു ഉണ്ടായ നടുക്കം ഞാന്‍ ഇവിടെ രേഖപ്പെടുത്തുന്നു.

അപ്പൊ അങ്ങനെ ആണ് സംഭവം. സ്ത്രീകള്‍ ബഹളം ഉണ്ടാക്കതിരിക്കാനാണ് ഞങ്ങള്‍ കുറേ ഏറെ ചര്‍ച്ചകള്‍ നടത്തി മറിയം കന്യക ആണെന്ന് തീരുമാനിക്കുകയും അത് വിശ്വാസ സത്യമായി പ്രഖ്യാപിക്കുകയും ചെയ്തിട്ടുള്ളത്. വല്ലതും പറയാനുണ്ടെങ്കില്‍ അങ്ങോട്ട്‌ പറഞ്ഞു മിണ്ടാതെ ഇരിക്കണം. ഇവിടം ഭരിക്കുന്നത്‌ ഞങ്ങള്‍ തന്നെ ആണ്. കാര്യം ഇടവക വികാരി ഇടവകക്കാരുടെ ശമ്പളക്കാരന്‍ ഒക്കെ ആയിരിക്കും. പക്ഷെ നിങ്ങള്‍ വിശ്വാസികള്‍ ഒന്നിനും പ്രാപ്തി ഇല്ലാത്തവരാണ്. ആയതിനാല്‍ നിങ്ങളുടെ കാശ് കൊണ്ട് ഉണ്ടാക്കിയിട്ടുള്ള പള്ളിയും പള്ളിക്കൂടവും പള്ളിമേടയും ഒക്കെ ഞങ്ങള്‍ മാത്രം അനുഭവിച്ചു കൊള്ളും. ഞങ്ങള്‍ ഭരിക്കും. നിങ്ങളുടെ ചെലവില്‍ എന്നും ജീവിക്കുകയും രാഷ്ട്രീയം മുതല്‍ കിടപ്പറ വരെ നിങ്ങളുടെ എല്ലാ കാര്യത്തിലും ഞങ്ങള്‍ തീരുമാനം എടുക്കുകയും ചെയ്യും. നിങ്ങള്‍ അനുസരിക്കുകയും ഞങ്ങള്‍ക്കെതിരെ ആരെങ്കിലും മിണ്ടിയാല്‍ തെരുവിലിറങ്ങുകയും മാത്രം ചെയ്താല്‍ മതി. അല്ലാതെ സംഭാവന കൊടുത്തു എന്ന് പറഞ്ഞു കോളേജില്‍ മക്കള്‍ക്ക്‌ സീറ്റ് ചോദിക്കുകയോ പെണ്ണുങ്ങളെ പട്ടക്കാരി ആക്കണമെന്ന് പറയുകയോ ഞങ്ങളെ ചോദ്യം ചെയ്യുകയോ ഒന്നും വേണ്ട. ഞങ്ങള്‍ സ്വയം തെരഞ്ഞെടുക്കപ്പെട്ടവരും നിങ്ങളെ എക്കാലവും ഭരിക്കാനുള്ള അധികാരം ജന്മനാ കിട്ടിയവരും ആണ്. ഞങ്ങള്‍ ഉണ്ടാക്കുന്ന നിയമം അനുസരിച്ചാല്‍ ഇവിടെ മര്യാദക്ക് ജീവിക്കാം. അല്ലെങ്കില്‍ മക്കളുടെ കല്യാണം ബന്ധുക്കളുടെ ശവമടക്ക് ഒക്കെ ഞങ്ങള്‍ തടഞ്ഞു കളയും. പരലോകത്ത് നിങ്ങള്‍ ജീവിക്കുകയോ ജീവിക്കാതിരിക്കുകയോ ചെയ്യ്. പിന്നെ ഞങ്ങള്‍ മാത്രമാണ് മര്യാദക്കാര്‍. ആയതിനാലാണ് നിങ്ങള്‍ വിശ്വാസികളുടെ സ്വത്ത് കൈകാര്യം ചെയ്യാനും അത് വത്തിക്കാന്റെ അടിയിലാക്കാനും ഞങ്ങള്‍ നിന്നിട്ടും ഗവണ്‍മെന്റ് പോലും ഒന്നും ചോദിക്കുകയോ ദേവസ്വം ബോര്‍ഡ് പോലെ ഒന്നും ഉണ്ടാക്കുകയോ ചെയ്യാത്തത്. അതുകൊണ്ട് പറയുന്ന കേട്ടാ മതി. ചോദ്യം വേണ്ട.

എന്നിട്ടും മിണ്ടാന്‍ മടിക്കാത്ത വിശ്വാസീ നിന്നെ കുറിച്ചോര്‍ത്തു ഞാന്‍ ലജ്ജിക്കുന്നു.

ഹാക്കിങ്ങും ക്രാക്കിങ്ങും

2010-04-24T19:36:00.005+05:30

ഈ പോസ്റ്റ്‌ കണ്ടപ്പോള്‍ ഒരു ചെറിയ മനപ്രയാസം തോന്നി. ഹാക്കിങ്ങും ക്രാക്കിങ്ങും ഇപ്പോള്‍ പൊതുവേ ഒരേ അര്‍ത്ഥത്തില്‍ തന്നെ ഉപയോഗിക്കപ്പെടുന്ന രണ്ടു വാക്കുകള്‍ ആണ്. എന്നാല്‍ ഇത് രണ്ടും ഒരിക്കലും ഒന്നല്ല എന്ന് മാത്രമല്ല തമ്മില്‍ നൈതികമായ വലിയ വ്യത്യാസങ്ങള്‍ ഉണ്ടുതാനും.

ആദ്യമേ തന്നെ ക്രാക്കിംഗ് എന്താണെന്ന് പറയാം. ഈ പരിപാടി പൊതുവേ ചെയ്യുന്നവര്‍ അവരെ തന്നെ ഹാക്കര്‍മാര്‍ എന്ന് വിളിക്കുന്നതുകാരണം ഈ വാക്ക്‌ പൊതുവേ ഉപയോഗിക്കപ്പെടുന്നില്ല. ഒരു ക്രാക്കര്‍ പൊതുവേ:

മറ്റുള്ളവരെ ഉപദ്രവിക്കുക എന്നാ ഉദ്ദേശ്യത്തോടെ കമ്പ്യൂട്ടറുകളില്‍ നുഴഞ്ഞു കയറുകയും വിവരങ്ങള്‍ മോഷ്ടിക്കുകയും ചെയ്യുന്നു.
ഓണ്‍ലൈന്‍ ബാങ്കിങ്ങിന്റെയും മറ്റും വിവരങ്ങള്‍ കരസ്ഥമാക്കുകയും പണം മോഷ്ടിക്കുകയും ചെയ്യുന്നു.
ഓര്‍ക്കുട്ടിലും ഫെയിസ് ബുക്കിലും മെയിലുകളിലും മറ്റും നുഴഞ്ഞു കയറി അവയിലെ യഥാര്‍ത്ഥ അക്കൌണ്ട് ഉടമകള്‍ക്ക്‌ അപകീര്‍ത്തികരമായ രീതിയില്‍ വ്യക്തിപരമായ വിവരങ്ങള്‍ (പലപ്പോഴും തെറ്റായവ) നല്‍കുകയും അവരുടെ മെയില്‍ അക്കൌണ്ടുകള്‍ ദുരുപയോഗം ചെയ്യുകയും ചെയ്യുന്നു.
പണം നല്‍കി വാങ്ങേണ്ടുന്ന സോഫ്റ്റ്‌വെയര്‍ ലൈസന്‍സുകള്‍ റിവേഴ്സ് എങ്ങിനീയറിംഗ് വഴി ഉണ്ടാക്കുകയോ പണം നല്‍കാതെ തന്നെ അവയെ ഉപയോഗിക്കാവുന്ന രീതിയിലേക്ക് മാറ്റുകയോ ചെയ്യുന്നു.
വ്യാജമായ വെബ്‌ പേജുകള്‍ ഉണ്ടാക്കി വിവരങ്ങള്‍ വഴി തിരിച്ചു വിടുന്നു. (വ്യാജമായ ലോഗിന്‍, ഷോപ്പിംഗ്‌ പേജുകള്‍ )
കീ ലോഗര്‍ പ്രോഗ്രാമുകള്‍ ഉപയോഗിച്ച് പാസ്‌വേഡ് പോലെ ഉള്ള വിവരങ്ങള്‍ ചോര്‍ത്തി എടുക്കുകയും അവ ദുരുപയോഗം ചെയ്യുകയും ചെയ്യുക.

ഇവ കൂടാതെ വയര്‍ലെസ്സ്‌ നെറ്റ്വര്‍ക്കുകളുടെ പാസ്‌വേഡ് കണ്ടുപിടിക്കുകയും അവ അനധികൃതമായി ഉപയോഗിക്കുകയും ചെയ്യുക എന്നതൊക്കെ ഇതില്‍ പെടും. മറ്റുള്ളവരെ ഉപദ്രവിക്കുക എന്ന ഉദ്ദേശ്യത്തോടുകൂടി കമ്പ്യൂട്ടറുകള്‍ ഉപയോഗിച്ച് പൊതുവേ നടത്തുന്ന ആക്രമണങ്ങള്‍ ആണ് ഇവ. ഈ അടുത്ത കാലത്ത്‌ ചൈനയിലെ ഗൂഗിള്‍ സെര്‍വറുകളില്‍ നടന്ന നുഴഞ്ഞു കയറ്റങ്ങള്‍ ഒക്കെ ഇവയില്‍ പെടും. ഇതിനെ ഒക്കെ ഹാക്കിംഗ് എന്ന് വിളിക്കുന്നത്‌ ഒരു വലിയ സമൂഹത്തിനോട് ചെയ്യുന്ന ക്രൂരമായ അപമാനം ആണ്.

A cracker is someone who breaks into someone else's computer system, often on a network; bypasses passwords or licenses in computer programs; or in other ways intentionally breaches computer security. A cracker can be doing this for profit, maliciously, for some altruistic purpose or cause, or because the challenge is there. Some breaking-and-entering has been done ostensibly to point out weaknesses in a site's security system.

The term "cracker" is not to be confused with "hacker". Hackers generally deplore cracking. However, as Eric Raymond, compiler of The New Hacker's Dictionary notes, some journalists ascribe break-ins to "hackers." ( from http://searchsecurity.techtarget.com)

ഇതില്‍ നിന്നും തികച്ചും വ്യത്യസ്തമായ കാര്യങ്ങള്‍ ആണ് ഹാക്കര്‍മാര്‍ ചെയ്യുന്നത്. ഹാക്കര്‍ ആകുവാന്‍ കമ്പ്യൂട്ടറില്‍ ആഴത്തിലുള്ള അറിവ്‌ അത്യാവശ്യമാണ്. ഒരു കണക്കിന് പറഞ്ഞാന്‍ ഓപ്പണ്‍ സോഴ്സ് മേഖലയില്‍ പ്രവര്‍ത്തിക്കുന്ന പലരും ഹാക്കര്‍മാര്‍ ആണ്. റിച്ചാര്‍ഡ്‌ സ്റ്റാള്‍മാന്‍, ലിനസ്‌ ടോര്‍വാള്‍ഡ്സ് ഒക്കെ. നിലവിലുള്ള ഒരു സംവിധാനത്തെ ആഴത്തില്‍ പഠിക്കുകയും അതിന്റെ പ്രവര്‍ത്തനങ്ങള്‍ കൃത്യമായി മനസ്സിലാക്കുകയും അതിനെ പരിഷ്കരിക്കുകയും ഒക്കെ ഹാക്കര്‍മാരുടെ പ്രവര്‍ത്തികളില്‍ പെടുന്നു. ഒരു കമ്പനി അവരുടെ ഉല്‍പന്നങ്ങളെ പറ്റിരഹസ്യമായി വയ്ക്കുന്ന പല കാര്യങ്ങളും ഇവര്‍ കണ്ടെത്തി പുറത്തു കൊണ്ടുവരുന്നു. ഇതില്‍ ആ ഉല്പന്നത്തിന്റെ സുരക്ഷാ പാളിച്ചകളും ഉപഭോക്താവിന്റെ അവകാശങ്ങള്‍ക്ക് മേലെ ഉള്ള കടന്നുകയറ്റങ്ങളും ഒക്കെ ഉണ്ടാകും. ഡോസ് ഓപറേറ്റിംഗ് സിസ്റ്റത്തില്‍ ഉണ്ടായിരുന്ന റ്റി എസ് ആര്‍ സംവിധാനം പുറത്തു കൊണ്ടുവന്നത് ഹാക്കര്‍മാര്‍ ആയിരുന്നു. മൈക്രോസോഫ്റ്റ്‌ ഒരു പ്രിന്‍റ് സ്പൂളറിനു മാത്രം ആദ്യം ഉപയോഗിച്ചിരുന്ന ഈ സംവിധാനം ഡോസില്‍ പിന്നീട് ഉപയോഗപ്രദമായ പല പ്രോഗ്രാമുകളും ഉണ്ടാകുന്നതിന് വഴിവച്ചു. ഇതുകൊണ്ട് മൈക്രോസോഫ്റ്റിന് നഷ്ടങ്ങള്‍ ഒന്നും ഉണ്ടായതായി ആരും പറഞ്ഞു കേട്ടില്ല.

ഹാക്കിങ്ങിനെയും ഹാക്കര്‍മാരെയും പറ്റി കൂടുതല്‍ അറിയാന്‍ ഇത് കൂടി വായിക്കുക. ഒരു നല്ല സംസ്കാരത്തെ അതിന്റെ ഭാഗമെന്നു സ്വയം അവകാശപ്പെടുന്ന ഒരു കൂട്ടം വക്ര ബുദ്ധികളുടെ തന്തയില്ലായ്മ കാരണം വെറുക്കരുത്. ഹാക്കര്‍മാര്‍ തങ്ങളുടെ പരിജ്ഞാനവും കഴിവുകളും ഒരു സമൂഹത്തിന്റെ നന്മക്കും മെച്ചപ്പെടുതലുകള്‍ക്കും വേണ്ടി ഉപയോഗിക്കുന്നവര്‍ ആണ്. നെറ്റ്വര്‍ക്കുകളുടെ സുരക്ഷാ പരിശോധനകള്‍ക്കായി അവര്‍ തയ്യാറാക്കിയ പല പ്രോഗ്രാമുകളും ആണ് ക്രാക്കര്‍ മാരുടെആയുധം എന്നുകൂടി അറിയുക. എയര്‍ക്രാക്കും വയര്‍ഷാര്‍ക്കും ഒക്കെ ഇങ്ങനെ ദുരുപയോഗം ചെയ്യപ്പെടുന്നവയില്‍ മുന്‍പിലാണ്. മറ്റുള്ളവരുടെ നല്ല പ്രവര്‍ത്തികള്‍ സ്വന്തം ലാഭത്തിനു വേണ്ടി ദുരുപയോഗം ചെയ്യുന്ന ഒരു സമൂഹത്തെ ആദ്യത്തെ ആളുകളുടെ ഗണത്തില്‍ പെടുത്തി എല്ലാവരെയും ഒരുമിച്ചു വെറുക്കുന്ന ഈ ഒരു അവസ്ഥ മാറേണ്ടത് തന്നെ ആണ്.

ഉബുണ്ടു 10.04 വരവായി

2010-04-11T14:54:00.013+05:30

ലോകമാകമാനം സ്വതന്ത്ര സോഫ്റ്റ്‌വെയര്‍ ഉപഭോക്താക്കള്‍ക്കിടയില്‍ വന്‍ തോതിലുള്ള സ്വീകാര്യത നേടിക്കഴിഞ്ഞ ഒരു ലിനക്സ് അധിഷ്ഠിത ഓപറേറ്റിംഗ് സിസ്റ്റം ആണ് ഉബുണ്ടു ലിനക്സ്. ആദ്യ പതിപ്പ്‌ പുറത്ത്‌ ഇറങ്ങിയത് മുതല്‍ ലിനക്സ് ഉപഭോകതാക്കളുടെ ഇഷ്ട ഡിസ്ട്രിബ്യൂഷന്‍ ആകാന്‍ ഉബുണ്ടുവിന് സാധിച്ചു. ലിനക്സ് അധിഷ്ഠിതമായ മറ്റ് പല ഓപറേറ്റിംഗ് സിസ്റ്റങ്ങളെയും ഉബുണ്ടു സ്വീകാര്യതയുടെ കാര്യത്തില്‍ ബഹുദൂരം പിന്നിലാക്കി കഴിഞ്ഞു. എല്ലാ വേര്‍ഷനുകളും എന്നും സൌജന്യം ആയിരിക്കും എന്ന വാഗ്ദാനവുമായി വന്ന ഉബുണ്ടു ഇത് എന്നും പാലിക്കാറും ഉണ്ട്. പന്ത്രണ്ടാമത്തെ പതിപ്പ്‌ പുറത്തിറക്കുമ്പോളെക്കും നിലവിലുള്ള വാണിജ്യാടിസ്ഥാനത്തിലുള്ള ഓപറേറ്റിംഗ് സിസ്റ്റങ്ങളുമായി സ്ഥിരതയുടെ കാര്യത്തിലായാലും ഉപയോഗക്ഷമതയുടെ കാര്യത്തിലായാലും ഒട്ടും പിന്നില്‍ അല്ല ഇന്ന്‍ ഉബുണ്ടു. സജ്ജീകരിക്കപ്പെട്ടതിനു ശേഷം നെറ്റ് വര്‍ക്ക്‌ , ഡിസ്പ്ലേ തുടങ്ങിയവ പ്രവര്‍ത്തനക്ഷമം ആക്കുക എന്നതിലെ വിഷമങ്ങള്‍ ലിനക്സ് അധിഷ്ഠിത ഓപറേറ്റിംഗ് സിസ്റ്റങ്ങള്‍ ഉപയോഗിക്കുന്നത് സാധാരണക്കാര്‍ക്ക് ഒരു പരിധി വരെ വിഷമം ആക്കി തീര്‍ത്തിരുന്നു. എന്നാല്‍ വിന്‍ഡോസ് പോലെയുള്ള ഓപറേറ്റിംഗ് സിസ്റ്റങ്ങള്‍ ചെയ്യുന്നത് പോലെ സ്വമേധയാ ഉപഭോക്താവിനായി ഇത്തരം കാര്യങ്ങള്‍ ചെയ്യാന്‍ ഇന്ന് ഉബുണ്ടുവിനു കഴിയുന്നു. ഉദാഹരണത്തിന് കുറച്ചു കാലം മുന്‍പ് വരെ മൊബൈല്‍ ഫോണ്‍ ഉപയോഗിച്ച് ഇന്റര്‍നെറ്റ് കണക്ഷന്‍ എടുക്കുന്നത് ലിനക്സ് അധിഷ്ഠിത സംവിധാനങ്ങളില്‍ വിഷമം പിടിച്ചതും ഈ മേഖലയില്‍ പരിചയം ഉള്ള ആളുകള്‍ക്ക് മാത്രം പൊതുവേ സാധിക്കുന്ന ഒന്ന് മാത്രവും ആയിരുന്നു. എന്നാല്‍ ഇപ്പോള്‍ ഉബുണ്ടുവില്‍ ഇതിനു വേണ്ടി ചെയ്യേണ്ടത് മൊബൈല്‍ ഫോണ്‍ കംപ്യൂട്ടറുമായി ബന്ധിപ്പിക്കുകയും അപ്പോള്‍ തുറന്നു വരുന്ന മെനുവില്‍ നിന്നും വേണ്ട സെറ്റിങ്ങുകള്‍ തെരഞ്ഞെടുക്കുകയും മാത്രമാണ്. വിന്‍ഡോസില്‍ ചെയ്യുന്നത് പോലെ ഡ്രൈവറുകള്‍ ഇന്‍സ്റ്റാള്‍ ചെയ്യുകയോ പി സി സ്യൂട്ട് പോലെയുള്ള സംവിധാനങ്ങള്‍ ഉപയോഗിക്കുകയോ ചെയ്യേണ്ട ആവശ്യം ഇല്ല.

ഒരു അടിസ്ഥാന സജ്ജീകരണത്തിന് ശേഷം പൊതുവേ വിന്‍ഡോസ് ഉപഭോക്താക്കള്‍ക്ക് ഡ്രൈവറുകള്‍ സജ്ജീകരിക്കുകയും ഓഫീസ് സോഫ്റ്റ്‌വെയര്‍ സജ്ജീകരിക്കുകയും ഒക്കെ ചെയ്യേണ്ടി വരിക സാധാരണയാണ്. എന്നാല്‍ ഉബുണ്ടു ലിനക്സിന്റെ അടിസ്ഥാന സജ്ജീകരണം തന്നെ ഒരു സാധാരണ ഉപഭോക്താവിന് ആവശ്യമായ എല്ലാ സോഫ്റ്റ് വെയറുകളും ഉള്‍ക്കൊള്ളുന്നതാണ്. ഇന്ന് മാര്‍ക്കറ്റില്‍ ലഭ്യമായ കമ്പ്യൂട്ടര്‍ ഉപകരണങ്ങള്‍ എല്ലാം തന്നെ പ്രത്യേക ഡ്രൈവറുകള്‍ ഒന്നും ഇല്ലാതെ തന്നെ ലിനക്സില്‍ പ്രവര്തിക്കുന്നവയും ആണ്. ഇതിനു ഉള്ള ചില അപവാദങ്ങള്‍ conexant modem, broadcom wireless cards, nvidia ATI graphics cards തുടങ്ങിയവ മാത്രം ആണ്. ഇവക്കുള്ള ഡ്രൈവറുകള്‍ ഉബുണ്ടു തന്നെ ആധികാരികമായി നല്‍കുന്നുമുണ്ട്. ഇന്റര്‍നെറ്റ് കണക്ഷന്‍ ഉണ്ടെങ്കില്‍ പാക്കേജ് മാനേജര്‍ സംവിധാനം വഴി ഇവ സജ്ജീകരിക്കാന്‍ സെക്കന്റുകള്‍ മതിയാകും. സാധാരണ ഉബുണ്ടു പതിപ്പുകള്‍ പുറത്തിറങ്ങിയ ശേഷം ഒരു വര്‍ഷം വരെ ആണ് സൌജന്യമായി സപ്പോര്‍ട്ട് ചെയ്യപ്പെടുക. എന്നാല്‍ 8.04,10.04 തുടങ്ങിയ ലോങ്ങ്‌ ടേം സപ്പോര്‍ട്ട് എഡിഷനുകള്‍ അഞ്ചു വര്‍ഷം വരെ സൌജന്യമായി സപ്പോര്‍ട്ട് ചെയ്യപ്പെടുന്നു. ഇതിനു പുറമേ ഉബുണ്ടുവിന് ഒരു വളരെ വലിയ ഉപഭോക്തൃ സമൂഹം ഉണ്ട്. ഇത് ഒരു പതിപ്പിലെ പിഴവുകള്‍ വേഗം തന്നെ കണ്ടെതപ്പെടുന്നതിനും അവ വേഗത്തില്‍ പരിഹരിക്കപ്പെടുന്നതിനും സഹായകമാണ്. പൊതുവേ ഉബുണ്ടു ഉപയോഗിക്കുന്നവര്‍ അതിന്റെ ഫിലോസഫി കൂടി മനസ്സില്‍ സൂക്ഷിക്കുകയും ഇത് ഉപയോഗിക്കുന്നതിനു മറ്റുള്ളവരെ സഹായിക്കാന്‍ തയ്യാറായിരിക്കുകയും ചെയ്യാറുണ്ട്. പുതിയ ഉപഭോക്താക്കളുടെ സംശയങ്ങളും വിഷമങ്ങളും വേഗത്തില്‍ പരിഹരിക്കപ്പെടാന്‍ ഇത് സഹായിക്കുന്നു. ഡെബിയന്‍ ലിനക്സ് അധിഷ്ഠിതമായി പുറത്തിറക്കപ്പെട്ട ഉബുണ്ടുവിനെ അടിസ്ഥാനമാക്കി ഇന്ന് കുറെ ഏറെ പതിപ്പുകള്‍ പുറത്തിറങ്ങിയിട്ടുണ്ട്. ഈ മേഖലയില്‍ പോലും മതങ്ങള്‍ അതിന്റെ അപകടകരമായ സ്വാധീനം ചെലുത്തുന്നു എന്നതിന്റെ തെളിവെന്നോണം ക്രിസ്ത്യന്‍ പതിപ്പുകളും മുസ്ലീം പതിപ്പുകളും വരെ ഇറങ്ങിക്കഴിഞ്ഞു.

ഓരോ പതിപ്പുകളിലും പുതുമയുമായി ആണ് ഉബുണ്ടു വരാറുള്ളത്. ഏറ്റവും പുതിയ സ്വതന്ത്ര സോഫ്റ്റ്‌വെയര്‍ പതിപ്പുകള്‍ ഇതില്‍ ഉള്‍പ്പെടുത്താന്‍ എന്നും കാനോനിക്കല്‍ ഫൌണ്ടേഷന്‍ ശ്രദ്ധിച്ചു പോരുന്നു. ഇതിനു പുറമേ ആധുനിക സങ്കേതങ്ങളായ ക്ലൌഡ് കമ്പ്യൂട്ടിംഗ് തുടങ്ങിയവ കൂടി ഉബുണ്ടുവിന്റെ സെര്‍വര്‍ എഡിഷനുകളില്‍ ഉള്‍പ്പെടുത്തിയിട്ടുണ്ട്. ആയിരക്കണക്കിനു ആളുകള്‍ തങ്ങളുടെ ആവശ്യങ്ങളും ആശയങ്ങളും ഉബുണ്ടു ബ്രെയിന്‍ സ്റ്റോമിലൂടെ നിര്‍മ്മാതാക്കളെ അറിയിക്കുന്നു. ഓരോ പതിപ്പിനും നിര്‍മ്മാതാക്കള്‍ ഉബുണ്ടുവിന് നല്‍കുന്ന പേരുകള്‍ വരെ രസകരമാണ്. മൃഗങ്ങളുടെ പേരുകള്‍ ആണ് സാധാരണയായി നല്കപ്പെടാറുള്ളത്. എന്നാല്‍ ഈ പേരുകള്‍ പ്രാസമൊപ്പിച്ചു തന്നെ നല്‍കിയിരിക്കുന്നത് മുകളിലെ ലിങ്കില്‍ കാണാം.

ഏറ്റവും പുതിയ ലിനക്സ് കെര്‍ണല്‍ , പുതുക്കിയ തീമുകള്‍ ,നിറങ്ങള്‍ ഒക്കെ പുതിയ പതിപ്പില്‍ ഉണ്ട്. ഇത് കൂടാതെ കുറഞ്ഞ ഇന്‍സ്റ്റാലേഷന്‍ , സ്റ്റാര്‍ട്ട് അപ് സമയം, മലയാളം ഉള്‍പ്പെടെ അനവധി ഭാഷകളില്‍ ടൈപ്പ്‌ ചെയ്യാന്‍ സഹായിക്കുന്ന ഐ-ബസ്‌ തുടങ്ങിയവ പുതിയ പതിപ്പുകളില്‍ ഉണ്ട്. ഐ ബസ്‌ കാര്‍മിക് പതിപ്പില്‍ തന്നെ വന്നിരുന്നു. ഗ്നോം, ഓപ്പണ്‍ ഓഫീസ്‌ തുടങ്ങിയവയുടെ പുതിയ പതിപ്പുകള്‍, ആകര്‍ഷകമായ വാള്‍ പേപ്പറുകള്‍ എന്നിവയും ലഭ്യമാണ്. വി എല്‍ സി മീഡിയ പ്ലയര്‍ , അമറോക്ക് ഓഡിയോ പ്ലയര്‍, മോസില്ല ഫയര്‍ ഫോക്സ്, ഓപറ തുടങ്ങി പ്രസിദ്ധമായ എല്ലാ സോഫ്റ്റ്‌വെയറുകളും ലഭ്യമാണ്. അടിസ്ഥാന സജ്ജീകരണത്തില്‍ ഇല്ലാതാവ സിനാപ്റ്റിക് പാക്കേജ്‌ മാനേജര്‍ സോഫ്റ്റ്‌വെയര്‍ സെന്‍റര്‍ തുടങ്ങിയവ വഴി എളുപ്പത്തില്‍ ക്രമീകരിക്കാവുന്നതാണ്. ട്വിറ്ററും ഫെയിസ് ബുക്കും ഒക്കെ ഡെസ്ക്ടോപ്പില്‍ നിന്ന് തന്നെ ഉപയോഗിക്കാനായി ഗ്വിബ്ബര്‍ എന്ന സംവിധാനം ലൂസിഡിന്റെ പ്രധാന ആകര്‍ഷകത്വം ആണ്. ഗൂഗിള്‍ ടോക്ക്‌, യാഹൂ മെസ്സഞ്ചര്‍ തുടങ്ങി അനവധി പ്രോട്ടോക്കോളുകള്‍ ലഭ്യമായ എമ്പതി, Pidgin തുടങ്ങിയ പ്രോഗ്രാമുകള്‍ പതിവുപോലെ ഇതില്‍ ഉണ്ട്. കൂടാതെ ഒരു വീഡിയോ എഡിറ്ററും. ജിമ്പ് ലൂസിഡില്‍ ഇല്ല.

മലയാളം ഉള്‍പ്പെടെ അനേകം ഭാഷകളില്‍ ഉബുണ്ടു ഉപയോഗിക്കാം. ഇതിനെ നമ്മുടെ മാതൃഭാഷയിലേക്ക്‌ തര്‍ജ്ജിമ ചെയ്യുന്നതിന് ആര്‍ക്കു വേണമെങ്കിലും സഹായിക്കാവുന്നതാണ്. ഇതിനായി ഒരുവിധ സാങ്കേതിക ജ്ഞാനവും ആവശ്യമില്ല. മലയാളം നന്നായി അറിയണം, പിന്നെ ഇംഗ്ലീഷില്‍ തന്നിരിക്കുന്നത് മലയാളത്തില്‍ ആക്കി ഒന്ന് ടൈപ്പ് ചെയ്‌താല്‍ മതി. ഗൂഗിള്‍ ഇന്‍ഡിക്, വരമൊഴി, ഐ ബസ്‌ തുടങ്ങിയ എന്ത് വേണമെങ്കിലും ഉപയോഗിക്കാം.

പ്രവര്‍ത്തന മികവുകൊണ്ട് വിന്‍ഡോസിനെ വരെ കവച്ചു വക്കാന്‍ പ്രാപ്തിയുള്ള ഉബുണ്ടുവും പിന്നെ എണ്ണിയാലൊടുങ്ങാത്ത സ്വതന്ത്ര സോഫ്റ്റ്‌വെയറുകളും ഈ രംഗത്തെ കുത്തകകളുടെ നേരെ വലിയ വെല്ലുവിളികളായി മാറിക്കഴിഞ്ഞു. വിലയുടെ കാര്യത്തിലായാലും മികവിന്റെയും സഹായ ലഭ്യതയുടെ കാര്യത്തില്‍ ആയാലും സ്വതന്ത്ര സോഫ്റ്റ്‌വെയറുകള്‍ മികച്ചു നില്‍ക്കുന്ന കാഴ്ചകള്‍ ആണ് ഇന്ന് കാണുന്നത്. ഈ ഒരു സാഹചര്യത്തില്‍ ഈ മുന്നേറ്റങ്ങളില്‍ പങ്കാളികള്‍ ആകാതെ ഇരിക്കുന്നതും ഫ്രീ ആയ ആള്‍ട്ടര്‍നെറ്റിവുകള്‍ ഉള്ളപ്പോള്‍ കുത്തക സോഫ്റ്റ്‌വെയറുകള്‍ക്കായി ആയിരങ്ങള്‍ ചെലവിടുന്നതും മണ്ടത്തരങ്ങള്‍ ആയിപ്പോകുമെന്നതില്‍ സംശയമില്ല.

ദൈവവിളിയും കരി ഓയിലും കമ്യൂണിസവും

2010-02-06T20:20:00.003+05:30

കുര്യാക്കോസ്‌ കുമ്പളക്കുഴി ആരാണ്‌ എന്ന്‌ എനിക്കറിയില്ല. അങ്ങനെ ഒരാൾ ഉണ്ടോ അതോ അത്‌ വെറിമൂത്ത ഏതെങ്കിലും പുരോഹിതന്റെ തൂലികാ നാമം ആണോ എന്നും എനിക്ക്‌ സംശയം ഉണ്ട്‌. ഇങ്ങനെ ഉള്ള സംശയങ്ങൾ മുൻപേ ഇല്ലായിരുന്നു. ചില പോസ്റ്റുകളിൽ കമന്റിടുമ്പോൾ ഒരൊരുത്തർ ഞാൻ ഞാനല്ല എന്നൊക്കെ പറഞ്ഞു തുടങ്ങിയപ്പോൾ തുടങ്ങിയ സശയം ആണ്‌. പിന്നെ കാളിദാസൻ പേരു മാറി എഴുതിയതാണ്‌ എന്ന്‌ പറഞ്ഞതു കൊണ്ട്‌ ചെറിയ സമാധാനം.. വല്ല കെ പി സുകുമാരൻ എന്നോ മറ്റോ വിളിച്ചിരുന്നെങ്കിൽ.. ഹോ.. എങ്ങനെ സഹിച്ചേനെ..

അതല്ല പ്രശ്നം.. കുര്യാക്കോസ്‌ കുമ്പളക്കുഴി എന്ന ഒരാൾ ഉണ്ട്‌. മിക്കവാറും വ്യക്തികളുടെ ആത്മകഥകൾ അയാൾക്ക്‌ മനപാഠമാണ്‌. ജീവചരിത്രം എഴുതുന്ന ആളുകൾ അടുത്ത പരിചയക്കാരും. അങ്ങനെ ആരും കേൾക്കാത്ത കുറേ ഏറെ കഥകൾ ഇദ്ദേഹത്തിന്‌ മനപാഠമാണ്‌. ഈ കഥകൾ കേരളത്തിലെ കത്തോലിക്കരെ ആകമാനം നല്ല വഴി കാണിച്ച്‌ ഉടലോടെ സ്വർഗ്ഗത്തിൽ എത്തിക്കാൻ കച്ച കെട്ടി ഇറങ്ങിയ അച്ചന്‌ ചുളുവിലക്ക്‌ നൽകി മേൽപ്പറഞ്ഞ കത്തോലിക്കരെ നരകത്തിനർഹരാക്കുന്ന, സർവ്വ്വോപരി പുരോഹിതന്മാരെ തീരെ ബഹുമാനമില്ലാത്ത കമ്യൂണിസ്റ്റുകളിൽ നിന്നും അവരെ മോചിപ്പിക്കുന്ന പുണ്യകർമ്മത്തിൽ മേൽപ്പടിയാൻ ആവേശപൂർവ്വ്വം പങ്കു ചേരുന്നു.

കുമ്പളക്കുഴി രാവിലേ ഉണരും. അന്ന്‌ ഫ്രൈ ചെയ്യണ്ട കമ്യൂണിസ്റ്റ്‌ നേതാവിനെ നറുക്കിട്ടെടുക്കും. പിന്നെ ഒരു ചിന്തയാണ്‌. ദൈവ വിളി എന്നൊക്കെ പറയുന്ന ഒരു സംഭവം അപ്പൊ ഉണ്ടാകും. അശരീരികൾ കൊണ്ട്‌ അന്തരീക്ഷം ആകെ നിറയും.. അങ്ങനെ ഇന്ദിരാ ഗാന്ധിയോട്‌ ജ്യോതി ബസുവിന്‌ ഉണ്ടായിരുന്ന ഒരു വല്ലാത്ത അറ്റാച്ച്‌മന്റ്‌, ഇ എം എസ്‌ തന്റെ സ്വത്ത്‌ നഷ്ടപ്പെടാതെ ഭാര്യയുടെ പേരിലാക്കി രഹസ്യ സമ്പാദ്യം കൈക്കലാക്കി വച്ച കഥകൾ.. ഹോ വായിക്കണം.. ക്രൈമിൽ പോലും വരില്ല ഇതൊക്കെ. നേരത്തെ പറഞ്ഞ ജ്യോതി ബസു കഥ ഒന്ന്‌ ഇരുത്തി വായിച്ചാൽ ഒരു ഉത്തരാധുനിക മഞ്ഞമസാല ആണ്‌ കേട്ടൊ..

"അഭിജാത വംശത്തിൽ ജനിച്ചുവളർന്ന്‌, വിദേശത്തുപോയി ഉന്നത വിദ്യാഭ്യാസം നേടി മടങ്ങിയെത്തിയ അദ്ദേഹം ഉള്ളിന്റെയുള്ളിൽ പാവങ്ങളുമായി താദാത്മ്യം പ്രാപിച്ചിരുന്നുവോ? അതല്ല, വിപ്ലവാഭിമുഖ്യവും നിസ്വവർഗ പ്രണയവും ഒരലങ്കാരംപോലെ എടുത്തണിഞ്ഞതേയുള്ളോ!"

"അദ്ദേഹം സൂചിപ്പിക്കുന്ന 'ദ്വന്ദ്വഭാവം' സത്യസന്ധമായ ഒരു വ്യക്തി കമ്യൂണിസ്റ്റായിരിക്കാൻ നിർബന്ധിതനാകുമ്പോൾ നിരന്തരം അനുഭവിക്കേണ്ടിവരുന്ന ആത്മസംഘർഷത്തിന്റെ അടയാളമാണ്‌."

ഹൊ.. എന്താല്ലേ.. ഇതൊക്കെ നമ്മൾ ആരെങ്കിലും അറിഞ്ഞതാണോ? ദൈവവിളി ഇതായിരിക്കുമോ?

അപ്പോ കുമ്പളക്കുഴി ഒരു കമ്യൂണിസ്റ്റ്‌ വേട്ടക്കാരൻ മാത്രമാണ്‌. ടിയാൻ കമ്യൂണിസ്റ്റ്‌ നേതാക്കളുടെ അല്ലാതെ ആരുടെയും ജീവചരിത്രമോ ആത്മകഥയോ വായിക്കാറില്ല. ഗാന്ധിയുടെ ആത്മകഥയോ ബൈബിളൊ കണ്ടിട്ടു പോലുമില്ല. അല്ല, അതൊക്കെ വായിക്കുന്നുണ്ടേൽ അവരെ ആരേം കുറ്റം പറഞ്ഞ ലേഖനങ്ങളും കാണണ്ടതല്ലേ? ആത്മകഥയിൽ ഗാന്ധി തന്നെ കുമ്പളക്കുഴിക്ക്‌ മസാലക്ക്‌ വക നൽകാൻ ഇഷ്ടം പോലെ സംഭവങ്ങൾ എഴുതിയിട്ടുണ്ടല്ലോ.. പണ്ട്‌ ഏതൊ പെണ്ണുങ്ങൾക്ക്‌ ഗാന്ധി വസ്ത്രങ്ങൾ ഒക്കെ നൽകിയ സംഭവം ഒരു രഹസ്യ പുടവ കൊടുക്കൽ ഒക്കെ ആക്കാൻ കുഴിസാറിന്‌ ഒരു പ്രയാസവും ഉണ്ടാകില്ലല്ലോ.. പിന്നെ ചെകുത്താന്റെ പരീക്ഷണ സമയത്ത്‌ മനുഷ്യൻ അപ്പം കൊണ്ടു മാത്രമല്ല ജീവിക്കുന്നത്‌ അതിന്‌ വചനം ആയാലും മതി എന്ന്‌ പറഞ്ഞ ജീസസ്‌ അയ്യായിരം പേരെ ഒന്നിച്ച്‌ കണ്ടപ്പോൾ അവർക്കെല്ലാം അപ്പം കൊടുത്തത്‌ ഒറ്റയടിക്ക്‌ ഹീറോ ആകാനാണെന്നും പറഞ്ഞു കണ്ടില്ല. അല്ലെങ്കിൽ തന്റെ പ്രസംഗം കേട്ട്‌ ബോറടിച്ച്‌ ആളുകൾ പിരിഞ്ഞുപോകാതെ ഇരിക്കാനാണെന്നത്‌ ഒരു നല്ല ന്യായം ആകുമായിരുന്നു. അദ്ഭുതം കാണിച്ച്‌ ആളെ ഞെട്ടിച്ച്‌ നേതാവാകുന്ന സ്വഭാവം അങ്ങേർക്കുണ്ടായിരുന്നെങ്കിൽ അങ്ങേർ കുരിശിൽ നിന്ന്‌ ഇറങ്ങി വന്ന്‌ ഒറ്റയടിക്ക്‌ ലോകം മുഴുവനേയും വിശ്വാസികൾ ആക്കില്ലായിരുന്നോ? അല്ലാതെ ആരും കാണാതെ ഉയർക്കുകയും ഒളിച്ചും പാത്തും സ്വർഗ്ഗത്തിലേക്ക്‌ മുങ്ങി അവിശ്വാസികൾക്ക്‌ അവിശ്വസിക്കാൻ ഒരു കാരണം കൊടുക്കാൻ മെനക്കെടുമോ? പക്ഷേ ഇതൊക്കെ വായിച്ചാൽ ഷെവലിയാർ ആകാൻ കുടുമ്പത്തിൽ നിന്നും കാശു കൊടുക്കണ്ട അവസ്ഥ വരും. മേലനങ്ങാതെ സ്വയം നേതാക്കന്മാരായി തിന്നു കുടിച്ച്‌ ആർമാദിക്കുന്നവന്റെ കാലുനക്കാൻ ഒരു കാശു ചെലവും ഇല്ലെന്ന്‌ മാത്രമല്ല പലവിധ ആനുകൂല്യങ്ങൾ കിട്ടുകയും ചെയ്യും. അൽമായരുടെ ഇടയിൽ ചാരപ്പണി ചെയ്യുന്നവന്‌ അരമനയിൽ സ്ഥാനം വലതു വശത്ത്‌ തന്നെ ആണ്‌. അല്ലാത്തവന്‌ തൊലിച്ചുകൊണ്ട്‌ എച്ചിലു തിന്നാം. അതായത്‌ ളോഹയിട്ടാൽ അധികാരം സുഖജീവിതം. അൽമായ ചാരന്മാർക്ക്‌ കത്തോലിക്കർ എന്ന പേര്‌. അല്ലാത്ത വിശ്വാസിക്ക്‌ എല്ലാം കാണാം ബാക്കി വല്ലതും ഉണ്ടെങ്കിൽ നക്കാം.. എതിർക്കുന്നവർക്ക്‌ സലിം കുമാർ പറഞ്ഞ പോലെ അൽ ഫത്തലൂ.. അതായത്‌.. തീ നരകം..

ചുമ്മാ അല്ല കാർന്നോന്മാർ പറയുന്നത്‌ കാശുള്ളവൻ ക-ത്തോലിക്കൻ, കാ ഇല്ലെങ്കിൽ വെറും തൊലിക്കാൻ..

ഇനിയും അവസാനിക്കാത്ത അടിമത്തം

2010-01-29T19:06:00.000+05:30

ലോകത്തിൽ അനേകം സ്വേച്ഛാതിപതികൾ ഉണ്ടായിരുന്നു. ഇന്ന്‌ അവരെല്ലാം ചരിത്രമായി കഴിഞ്ഞു. തങ്ങളുടെ ഭരണാധികാരികളെ ജനങ്ങൾ തന്നെ തെരഞ്ഞെടുക്കുന്ന വ്യവസ്ഥിതി വ്യാപകമായി കഴിഞ്ഞു, ചുരുക്കം ചില രാജ്യങ്ങളിൽ ഒഴികെ. എന്നാൽ തങ്ങളാൽ തെരഞ്ഞെടുക്കപെടുന്ന നേതാക്കളാൽ നയിക്കപ്പെടാൻ ഒരിക്കലും ഭാഗ്യം ലഭിക്കാത്ത ഒരു വിഭാഗമാണ്‌ കത്തോലിക്കർ. തങ്ങൾ കയ്യാളുന്ന അധികാരം ദൈവദത്തമാണ്‌ എന്ന്‌ എക്കാലവും വിശ്വാസികളെ പറഞ്ഞു വിശ്വസിപ്പിച്ച്‌ കാൽച്ചുവട്ടിലാക്കി ഒരു അധികാരി വർഗ്ഗം തന്നെ വിശ്വാസികളുടെ ചെലവിൽ സുഖിച്ച്‌ താമസിക്കുന്നു. സാധാരണ വിശ്വാസിക്ക്‌ തങ്ങളിലൂടെ അല്ലാതെ ദൈവവുമായി നേരിട്ട്‌ ഒരിടപാടും സാധ്യമല്ല എന്ന്‌ ആവർത്തിച്ച്‌ പറഞ്ഞ്‌ അവർ തങ്ങളുടെ സ്ഥാനമാനങ്ങൾ സംരക്ഷിച്ച്‌ നിർത്തിപ്പോരുന്നു. ഇവരോട്‌ മറുത്ത്‌ പറയാൻ വിശ്വാസികൾക്ക്‌ ഇന്നും ഭയമാണ്‌ അങ്ങനെ ആളുകളെ ഭീഷണിപ്പെടുത്തി വാങ്ങിയെടുക്കുന്ന ബഹുമാനവുമേറ്റ്‌ അവർ സസുഖം വാഴുന്നു, സധാരണ വിശ്വാസികൾ അവർക്ക്‌ വേണ്ടി അടിമവേല നിരന്തരം ചെയ്യുന്നു. സാധാരണ വിശ്വാസികൾ എന്ന്‌ എടുത്ത്‌ പറയാൻ കാര്യമുണ്ട്‌. സമ്പന്ന വിശ്വാസികൾക്ക്‌ അധികാരികളുടെ മുന്നിൽ പ്രത്യേക സ്ഥാനം തന്നെ ഉണ്ട്‌. ഇങ്ങനെ രൂപപ്പെടുന്ന ഒരു അധികാര കേന്ദ്രത്തിന്റെ അടിയിൽ ആണ്‌ സാധാരണ വിശ്വാസികളുടെ സ്ഥാനം. അവരുടെ മേലെ ഒരു ന്യൂനപക്ഷത്തിന്റെ തീരുമാനങ്ങൾക്ക്‌ എന്നും കയ്യടിക്കാനുള്ള ബാധ്യത അടിച്ചേൽപ്പിക്കപ്പെട്ടിരിക്കുന്നു.

എന്റെ ഒരു പഴയ പോസ്റ്റിൽ കത്തോലിക്കാ സഭയിലും ബൈബിളിലും സ്ത്രീകൾക്ക്‌ കൊടുത്തിരിക്കുന്ന വളരെ മോശമായ പരിഗണനയെക്കുറിച്ച്‌ പരാമർശം ഉണ്ടായപ്പോൾ ഞാൻ പിച്ചും പേയും പറയുന്നു എന്ന മട്ടിൽ സഭയിലെ വിശുദ്ധകളുടെ സെൻസസും ഒക്കെ ആയി ചിലർ മുന്നോട്ട്‌ വന്നിരുന്നു. എന്നാൽ സ്ത്രീകളെ എന്നും രണ്ടാം നിരയിൽ മാത്രം കാണുന്ന കത്തോലിക്കാ അധികാരികൾ അടിച്ചമർത്തപ്പെട്ട മുറുമുറുപ്പുകൾക്ക്‌ ശബ്ദം കൂടി വരുന്നത്‌ തിരിച്ചറിഞ്ഞ്‌ സ്ത്രീ ശാക്തീകരണ പരിപാടികളുമായി കുറെ നാളുകൾക്കു മുൻപേ മുതൽ തന്നെ വിശ്വാസികളുടെ കണ്ണിൽ പൊടി ഇടാനുള്ള ശ്രമങ്ങൾ തുടങ്ങിയിരുന്നു. 2008 ഫെബ്രുവരിയിൽ തന്നെ സ്ത്രീ ശാക്തീകരണത്തിനുള്ള നിരവധി തീരുമാനങ്ങൾ സി ബി സി ഐ കൈക്കൊണ്ടിരുന്നു. കുടുംബത്തിലും സമൂഹത്തിലും സഭയിലും ലിംഗ തുല്യത എന്നതായിരുന്നു തീരുമാനങ്ങളുടെ കാതൽ. ഇതിലെ നിർദ്ദേശങ്ങളിൽ ഇങ്ങനെയും പറഞ്ഞിരിക്കുന്നു: സ്ത്രീകളെ എല്ലാവിധ പ്രവർത്തനങ്ങളിലും അംഗമാക്കുക, പുരുഷന്മാരുടെയും സ്ത്രീകളുടെയും മനസ്സിൽനിന്നും ലിംഗ വേർതിരിവ്‌ മാറ്റി എടുക്കുക. സഭയിൽ തീരുമാനങ്ങൾ എടുക്കുന്ന എല്ലാ വിഭാഗത്തിലും സ്ത്രീകൾക്ക്‌ തുല്യ പങ്കാളിത്തം നൽകുക, ബൈബിളിൽ സ്ത്രീകളെ താഴ്ത്തിക്കെട്ടി പറയുന്ന ഭാഗങ്ങൾ പള്ളിയിലെ വായനകളിൽ നിന്ന്‌ ഒഴിവാക്കുക,വൈദികരും സന്യസ്തരും സ്ത്രീകളും പുരുഷന്മാരും തുല്യരാണെന്ന വിധത്തിൽ പ്രസംഗിക്കുകയും പെരുമാറുകയും ചെയ്യുക അങ്ങനെ ധാരാളം. (അവലംബം:13 ജനുവരി 2010 ലെ സത്യദീപത്തിൽ വന്ന ഗ്രേയ്സ്‌ മങ്കുഴിക്കരി തേറാട്ടിലിന്റെ ലേഖനം)

സ്ത്രീ ശാക്തീകരണത്തിന്‌ ലോകത്തെമ്പാടും ഉള്ള ഗവൺമെന്റുകൾ പല രീതിയിലും ശ്രമിച്ചുകൊണ്ടിരിക്കുന്ന സാഹചര്യത്തിൽ തന്നെ ആണ്‌ ഇതും നടക്കുന്നത്‌. എന്നാൽ ശുപാർശകളോ തീരുമാനങ്ങളോ അധികാരികൾ കണ്ടിട്ടില്ല എന്നു വേണം മനസ്സിലാക്കാൻ. ഇന്നും സ്ത്രീകളുടെ അവസ്ഥ അങ്ങനെ തന്നെ. മേലെ പ്രതിപാദിച്ച ലേഖനത്തിൽ ഇടവക ട്രസ്റ്റികൾ പുരുഷന്മാർ മാത്രം ആകുന്നതിനെയും ശുശ്രൂഷികളായി ആൺകുട്ടികളെ മാത്രം തെരഞ്ഞെടുക്കുന്നതിനെയും വിൻസെന്റ്‌ ഡി പോൾ തുടങ്ങിയവയിൽ സ്ത്രീകൾക്ക്‌ അംഗത്വം നൽകാത്തതിനെയും പള്ളികളിൽ പുരുഷന്മാർക്കും സ്ത്രീകൾക്കും ആരാധന നടത്തുന്നതിന്‌ വെവ്വേറെ സ്ഥലങ്ങൾ തീരുമാനിച്ചിട്ടുള്ളതിനെയും ഒക്കെ ലേഖിക വിമർശിച്ചിട്ടുണ്ട്‌. സ്ത്രീ പൗരോഹിത്യം സ്വപ്നം പോലും കാണാൻ സാധിക്കാത്തതിനാൽ ആണെന്നു തോന്നുന്നു അവർ അത്‌ പരാമർശിച്ച്‌ കണ്ടില്ല. പക്ഷെ ലേഖികയെപ്പോലെ ചിന്തിക്കാൻ ശ്രമിക്കാത്ത സ്ത്രീകളൊട്‌ ആരാഞ്ഞാൽ അവരുടെ അഭിപ്രായം വ്യത്യസ്തമാകാൻ സാധ്യത ഉണ്ട്‌. ഇതിന്റെ കാരണം വളരെ മനോഹരമായി ആസൂത്രണം ചെയ്ത്‌ അവതരിപ്പിക്കപ്പെട്ട ഒരു നാടകമാണ്‌. സ്ത്രീകളുടെ നോട്ടത്തിൽ മാതൃവേദി തുടങ്ങിയ സംഘടനകൾ പള്ളികൾ കേന്ദ്രീകരിച്ച്‌ പ്രവർത്തിക്കുന്നുണ്ട്‌. മദ്യസ്ഥയായി കന്യകാ മറിയം ഉണ്ട്‌ ( കന്യകാ മറിയത്തിന്റെ കന്യകാത്വം എന്നത്‌ കുറെ നാളുകൾക്ക്‌ മുൻപെ കത്തോലിക്കാ സഭ വിശ്വാസ സത്യം ആയി അംഗീകരിച്ചതാണ്‌. കുറേ ഏറെ ചർച്ചകൾക്ക്‌ ശേഷം. ഇതിന്റെ കാരണം തന്നെ പുരുഷ മേധാവിത്തം മടുത്ത്‌, മന്ത്രവാദിനി വേട്ടയിലും ഒക്കെ മനം നൊന്ത്‌ അകന്ന്‌ പോയിക്കൊണ്ടിരുന്ന സ്ത്രീ വിശ്വാസികളെ തിരിച്ച്‌ കൊണ്ടുവരാൻ വേണ്ടി ആയിരുന്നു എന്നൊരു വാദവും ഉണ്ട്‌ ). പക്ഷെ മാതൃവേദി പോലുള്ള സംഘടനകൾ അൽമായ സ്ത്രീകൾക്ക്‌ വീണ്ടൂം അടിമത്തം തന്നെ ആണ്‌. ഇതിന്റെ സർവ്വാധികാരി വീണ്ടും പുരോഹിതൻ തന്നെ ആണ്‌. സ്ത്രീകളുടെ തുറന്ന ചിന്തകൾക്ക്‌ അവസരം കൊടുക്കാതെ അവരിലൂടെ അധികാരികളുടെ പുതിയ തീരുമാനങ്ങൾ കുടുംബങ്ങളിൽ എളുപ്പത്തിൽ എത്തിക്കാൻ സാധിക്കും. പ്രതിഷേധ പ്രകടനങ്ങൾ, വിശ്വാസ പ്രഘോഷണ പരിപാടികൾ തുടങ്ങിയവയിൽ പുരുഷന്മാരെ പങ്കെടുപ്പിക്കാൻ സ്ത്രീകൾ വിചാരിച്ചാൽ എളുപ്പം സാധിക്കും, അതിന്‌ പുരുഷനെ നിർബന്ധിക്കാൻ ഒറ്റപ്പെടുത്തൽ പോലെ ഉള്ള്‌ കാര്യങ്ങളും മക്കളുടെ പഠനത്തിനും വിവാഹത്തിനും ഒക്കെ തടസ്സം ഉണ്ടാകുമെന്നും പ്രത്യക്ഷമല്ലാത്ത ഭീഷണികളിലൂടെ സ്ത്രീകളെ അറിയിക്കും. ഇതിനായി കന്യാസ്ത്രീകളെയും ഉപയോഗിക്കും. പോയില്ലെങ്കിൽ പിന്നെ വലിയ പ്രശ്നമാകും ചേച്ചി എന്ന്‌ വളരെ ന്യൂട്രലായി കാര്യം ബോധിപ്പിക്കും. പിന്നെ ഇടദിവസങ്ങളിലെ പ്രത്യേക പ്രാർത്ഥനകളും ഒക്കെ ആകുമ്പോൾ ശരാശരി സ്ത്രീകൾ സമ്പൂർണ്ണ ചട്ടുകങ്ങൾ ആയി മാറിയിരിക്കും. ഗ്രെയ്സ്‌ പറഞ്ഞ കാര്യങ്ങൾ ചിന്തിക്കുന്നത്‌ പോയിട്ട്‌ അധികാരികൾക്കെതിരെ പുരുഷന്മാർ സംസാരിക്കുമ്പോൾ പോലും കണ്ണീരൊഴുക്കുന്ന ഒരു സ്ത്രീ വിശ്വാസി സമൂഹം അങ്ങനെ സൃഷ്ടീക്കപ്പെടൂം, അല്ല സൃഷ്ടിക്കപ്പെട്ടുകൊണ്ടിരിക്കുന്നു.

കുട്ടികളെ സ്കൂളിൽ ചേർക്കുന്നതിനൊപ്പം തന്നെ മതബോധന ക്ലാസ്സുകളിലും ചേർക്കണം. മതബോധന ക്ലാസ്സുകളിൽ ശാസ്ത്രത്തിനും, പുരോഗമന ചിന്തകൾക്കും എതിരെ കുട്ടികളെ പാകപ്പെടുത്തി എടുക്കൽ തന്നെ ആണ്‌ നടക്കുന്നത്‌. പരിണാമ സിദ്ധാന്തവും മറ്റും ശുദ്ധ മണ്ടത്തരമാണെന്നും അല്ലെങ്കിൽ മനുഷ്യൻ എന്താ മറ്റു ജീവികൾ ഒന്നും ആയി മാറാത്തതെന്നും ഒക്കെയുള്ള പാഠങ്ങൾ കുഞ്ഞു മനസ്സുകളിൽ കുത്തി നിറക്കപ്പെടുന്നു. പരിണാമം നടക്കുന്നത്‌ പൊതുവെ ഭൗതിക സാഹചര്യങ്ങളിൽ മാറ്റം ഉണ്ടാകുമ്പോൾ ആണ്‌ എന്നും അതിന്‌ ലക്ഷക്കണക്കിന്‌ വർഷങ്ങൾ വേണമെന്നും മനുഷ്യ പരിണാമം ഇന്നും പൂർത്തിയായില്ലെന്നും, അല്ലെങ്കിൽ വിവിധ സ്ഥലങ്ങളിൽ ജീവിക്കുന്ന മനുഷ്യർക്ക്‌ ആ സ്ഥലത്തെ സാഹചര്യത്തിനനുസരിച്ച്‌ ശരീര ഘടനയും കഴിവുകളും ഒക്കെ ഉള്ളത്‌ എന്തുകൊണ്ട്‌ എന്നും വാദിച്ച കുട്ടിക്ക്‌ കിട്ടിയ മറുപടി ചുട്ട അടിയായിരുന്നു. മനുഷ്യ ലൈംഗികത പ്രത്യുൽപാദനത്തിനു വേണ്ടി മാത്രം ഉള്ള അതി വിശുദ്ധമായ ഒന്നാണെന്നും അതിനെ സുഖാസ്വാദനത്തിന്‌ വേണ്ടി ഉപയോഗിക്കുന്നത്‌ മാരകമായ പാപം ആണെന്നും കുട്ടി പഠിക്കുന്നു. സംശയങ്ങൾ അനുവദിക്കപ്പെടുകയില്ല. ഈ ഒരു പാഠ്യ രീതി അവലംബിക്കുന്നത്‌ കൊണ്ടാണ്‌ എസ്‌ എസ്‌ എ യിലും മറ്റും വന്ന പരിഷ്കരിച്ച പാഠ്യ പദ്ധതിയെ കത്തോലിക്കാ അധികാരികൾ എതിർക്കുന്നത്‌. കുട്ടികൾ ചിന്തിച്ച്‌ വളരുന്നതോ അധ്യാപകനോട്‌ ചോദ്യം ചോദിക്കുന്നതോ അവർക്ക്‌ സഹിക്കാൻ സാധിക്കില്ല. അതിന്റെ കൂടെ ആണ്‌ കുട്ടികളെ തല്ലരുത്‌ എന്ന്‌ കൂടി പറയുന്നത്‌. ഇതിനൊക്കെ എതിരെ പലതവണ തങ്ങളുടെ ബ്ലോഗുകളിലും പ്രസ്താവനകളിലും അവർ വിഷം ചീറ്റുന്നത്‌ നമ്മൾ എല്ലാവരും കണ്ടതാണ്‌. നളിനി ജമീലയുടെ പുസ്തകം ഒരു കുട്ടി വായിക്കുന്നത്‌ കൊണ്ട്‌ ഇവിടെ അല്ലെങ്കിൽ ഏത്‌ ആകാശമാണ്‌ ഇടിഞ്ഞു വീഴാൻ പോകുന്നത്‌? ഇതിലൊക്കെ നമ്മൾ മനസ്സിലാക്കേണ്ടത്‌ കത്തോലിക്കാ അധികാരികളുടെ അഹങ്കാരം നിറഞ്ഞ അസഹിഷ്ണുതയാണ്‌.

മുൻ കാലങ്ങളിൽ ഈ അധികാര സ്ഥാനങ്ങളെ ചോദ്യം ചെയ്യുന്നവരെ കൊന്നു തള്ളുക തന്നെ ആയിരുന്നു കത്തോലിക്കാ സഭയുടെ രീതി. പിശാച്‌ ബാധ ആരോപിച്ച്‌ കന്യാസ്ത്രീയെ കുരിശിൽ തറച്ച പുരോഹിതന്‌ റുമാനിയയിൽ തടവ്‌ ശിക്ഷ കൊടുത്ത വാർത്ത വായിച്ചിട്ട്‌ അധികം വർഷങ്ങൾ ആയില്ല. ഇരുപത്തൊന്നാം നൂറ്റാണ്ടിൽ പിശാച്‌ ബാധ! ആ സ്ത്രീ പുരോഹിതനെ എത്തിർത്തത്‌ തന്നെ ആയിരിക്കണം. ഒരു പക്ഷെ ഈ സർവാധിപത്യത്തിനെതിരെ സംഘടിതമായ ഒരു സ്വരം കേൾക്കരുത്‌ എന്ന ഉദ്ദേശ്യത്തോടെ ആയിരിക്കണം അൽമായ കൂട്ടായ്മകളെ വരെ പുരോഹിതന്മാരുടെ അധികാരത്തിന്റെ കീഴിൽ ആക്കിയിരിക്കുന്നത്‌. പൊതുവെ സാമൂഹിക നെറികേടുകൾക്കെതിരെ എന്നും ഉയർന്നു കേൾക്കുന്നത്‌ യുവജന ശബ്ദം ആണ്‌. എന്നാൽ കെ സി വൈ എം പോലുള്ള ക്രിസ്തീയ യുവജന സംഘടനകൾ ഇന്ന്‌ ഈ അധികാരികളുടെ വെറും ചട്ടുകവും സർവ്വോപരി മാറിവരുന്ന സഭയുടെ രാഷ്ട്രീയ നിലപാടുകളിൽ വോട്ടു പിടുത്തത്തിന്റെ റോൾ മാത്രവും ഉള്ളവർ ആയി അധപതിച്ച്‌ കഴിഞ്ഞിരിക്കുന്നു. രാഷ്ട്രീയത്തിൽ കൂടുതൽ ഇടപെടലുകൾ നടത്താനും പഞ്ചായത്ത്‌ തെരഞ്ഞെടുപ്പുകളിൽ സ്വന്തം സ്ഥാനാർഥികളെ നിർത്താനും കെ സി വൈ എം എടുത്തിട്ടുള്ള പുതിയ തീരുമാനം ജാതി രാഷ്ട്രീയം പയറ്റുക എന്നതിനപ്പുറം കോൺഗ്രസ്സുമായി സഭക്കുള്ള അവിശുദ്ധ വോട്ട്‌ ബാങ്ക്‌ സഖ്യത്തിന്‌ കൂടുതൽ ഉപകാരങ്ങൾ ചെയ്യുക എന്ന ലക്ഷ്യം മുൻ നിർത്തി ഉള്ളതാണ്‌ എന്ന്‌ വ്യക്തം. ഗുരുനാഥനെ ചവിട്ടിക്കൊല്ലുന്നത്‌ വരെ ഒരു പാഠ പുസ്തക വിവാദത്തെ എത്തിച്ചിട്ടും അത്‌ വേണ്ടത്ര ഗുണം ചെയ്തില്ല എന്ന്‌ മനസ്സിലാക്കിയവർ മടുത്ത്‌ തുടങ്ങിയ വിശ്വാസികളെ തിരികെ കൊണ്ടുവരാൻ പുതിയ നാടകങ്ങൾ രചിക്കുന്നത്‌ നമുക്ക്‌ കാണേണ്ടിവരും എന്ന്‌ തീച്ച.

വിശ്വാസികളുടെ വിയർപ്പിന്റെ ഉൽപന്നങ്ങളായ കൊട്ടാരം പോലെ ഉള്ള പള്ളികളും അതിനോടനുബന്ധിച്ചുള്ള സ്വത്ത്‌ വകകളും വിശ്വാസികൾക്ക്‌ ഒരു അവകാശവും ഇല്ലാത്തതും മെത്രാന്റെയും അതു വഴി മാർപ്പാപ്പയുടെയും ഉടമസ്ഥതയിൽ വരുന്നതും ആണ്‌. ഒരു രാജ്യത്ത്‌ വിശേഷാവകാശങ്ങൾ അനുഭവിക്കുകയും കൂടുതൽ കിട്ടുന്നതിനു വേണ്ടി മുറവിളി കൂട്ടുകയും ചെയ്യുന്ന ഒരു വിഭാഗത്തിന്റെ അധ്വാന ഫലം പൂർണ്ണമായും മറ്റൊരു രാജ്യത്തിന്റെ തലവന്റെ അധികാരത്തിൽ വരുന്ന ഈ സവിശേഷ അവസ്ഥ വേറെ ഒരു സമൂഹത്തിലും കാണാൻ സാധിക്കുകയില്ല. ഉദയംപേരൂർ സൂനഹദോസ്‌ വഴി കേരളത്തിലെ ക്രിസ്തീയ വിശ്വാസികളെ വത്തിക്കാന്റെ കീഴിൽ കൊണ്ടുവന്ന കഥ ഒക്കെ ചരിത്രം. ഈ അധികാര നെറികേടുകൾക്കെതിരെ ഒന്നും ശബ്ദിക്കാതെ വിശ്വാസികളെ പ്രാർഥനയിലും വർഗ്ഗീയതയിലും മുക്കി ഒതുക്കി ഇരുത്തുന്നതിലും ശബ്ദിക്കുന്നവരെ ഒക്കെ മുളയിലേ ഒതുക്കുന്നതിലും ഇവർ നേടിയ വിജയം അദ്ഭുതാവഹം തന്നെ. ഒരു അൽമായ ഉയർത്തെഴുന്നേൽപ്പ്‌ എന്ന്‌ കാണാൻ കഴിയും എന്നത്‌ ഇനിയും നൂറ്റാണ്ടുകൾ ഉത്തരം കിട്ടാത്ത ചോദ്യമായിത്തന്നെ അവശേഷിക്കും എന്നതിൽ സംശയമില്ല. അടിച്ചേൽപ്പിക്കപ്പെടുന്ന അച്ചടക്കങ്ങളെ കുറിച്ചുള്ള ഈ അധികാരികളുടെ മുതലക്കണ്ണീർ കൂടി കാണേണ്ടിവരുന്നു എന്നത്‌ നമ്മുടെ ദുർ വിധിയും.

എന്തിനു കത്തോലിക്കാ അധികാരികള്‍ പേടിക്കുന്നു?

2010-01-21T10:22:00.002+05:30

ദീപികയുടെ ഈ ദിവസങ്ങളിലെ എഡിറ്റോറിയലുകൾ വായിക്കുമ്പോൾ ( പ്രത്യേകിച്ച്‌ 20/01/2010 ) തോന്നിപ്പോകുന്ന ചില കാര്യങ്ങൾ കുറിക്കണം എന്നു തോന്നി. കെ എസ്‌ മനോജ്‌ സി പി എം വിട്ടതും അതിനെ ചുറ്റിപ്പറ്റി ഉയർന്നുവന്ന വാദങ്ങളും നിരത്തി ലേഖകൻ സമർത്ഥിക്കുന്ന ചില കാര്യങ്ങൾ ചില കമന്റുകളിൽ ഒരു കത്തോലിക്കാ ബ്ലോഗറും പറഞ്ഞവയാണ്‌. ലേഖകൻ പറയുന്ന വാക്കുകളുടെ ചുരുക്കം ഇങ്ങനെ.. പാർട്ടിയിലേക്ക്‌ വിശ്വാസികൾക്ക്‌ വരുന്നതിന്‌ ഒരു തടസ്സവും ഇല്ല എന്ന്‌ അഖിലേന്ത്യാ സെക്രട്ടറി പറയുന്നു. എന്നാൽ പാർട്ടിക്ക്‌ വിശ്വാസികളെ വേണ്ടത്‌ അക്രമം നടത്താനും കൊടി പിടിക്കാനും വേണ്ടി മാത്രം. സ്ഥാനമാനങ്ങൾ ഒക്കെ അവിശ്വാസികളായ നേതാക്കൾക്ക്‌ മാത്രം. വിശ്വാസികൾക്ക്‌ മന്ത്രി സ്ഥാനമോ ഇലക്ഷനിൽ സീറ്റോ ഒന്നും നൽകപ്പെടുകയില്ല. അവർ പാർട്ടിയിൽ വേലക്കാരും അടിമകളും ആയിരിക്കും. പിന്നെ പാർട്ടിയിൽ വിശ്വാസി ചേർന്നാൽ അവനെ നിരീശ്വരവാദി ആക്കി എടുക്കാൻ പാർട്ടി തയ്യാറാണ്‌. ശാസ്ത്രീയ വിശ്വാസം എന്നാണ്‌ പാർട്ടിക്കാർ നിരീശ്വര ഭൗതിക വാദത്തെ വിളിക്കുന്നത്‌. എന്നാൽ ശാസ്ത്രീയം എന്ന വാക്ക്‌ അവർ ആവശ്യത്തിനും അനാവശ്യത്തിനും ഒക്കെ ഉപയോഗിക്കുന്ന ഒരു വാക്കാണ്‌.

ഈ ലേഖനം മുഴുവനും കമ്യൂണിസ്റ്റ്‌ പാർട്ടിക്കെതിരെ വിഷം ചീറ്റുന്നതും വിശ്വാസികളെ പുരോഹിത അടിമത്വത്തിലേക്ക്‌ തിരിച്ചു വരേണ്ടതിന്റെ ആവശ്യകത ഓർമ്മിപ്പിക്കുന്നതും ആണ്‌. ഏതെങ്കിലും പുരോഗമന ഇടതുപക്ഷ പ്രസ്ഥാനത്തിൽ അൽപമെങ്കിലും പ്രവർത്തിച്ച ആർക്കും ഈ ലേഖനത്തിൽ ആരോപിക്കപ്പെടുന്ന കാര്യങ്ങളുടെ സത്യാവസ്ഥ എന്താണെന്ന്‌ അറിയാൻ സാധിക്കും. എന്നാൽ ഭയ ഭക്തി ബഹുമാനങ്ങളൊടെ പുരോഹിതന്മാർ പറയുന്നത്‌ അപ്പാടെ വിഴുങ്ങുന്ന സാധാരണക്കാരനായ വിശ്വാസികൾക്ക്‌ ഇത്‌ വായിക്കുമ്പോൾ തോന്നുക കത്തോലിക്കാ സഭ ആകമാനം ഇന്നു വലിയ അപകടത്തിൽ ആണ്‌ എന്നാകും. വിശ്വാസികളെ ഇളക്കിവിട്ട്‌ വിമോചന സമരം നടത്താൻ പണ്ടും കേരളത്തിലെ സഭ പ്രയോഗിച്ച തന്ത്രം ഇതുതന്നെ ആണ്‌. അന്നത്തെ സഭാ മേലധികാരികളുടെ ലക്ഷ്യങ്ങൾ എന്തൊക്കെ ആയിരുന്നു എന്ന കാര്യം പകൽ പോലെ വ്യക്തമാണല്ലോ. കത്തോലിക്കർക്കു നേരെ നടക്കുന്ന അതിക്രമങ്ങളിൽ പ്രതിഷേധിച്ചും അവരുടെ അവകാശങ്ങൾ നിഷേധിക്കപ്പെട്ടതും ആണു കാരണങ്ങൾ എങ്കിൽ കത്തോലിക്കർക്ക്‌ ജീവിക്കാനുള്ള അവകാശങ്ങൾ പോലും നിഷേധിക്കപ്പെട്ട ഒറീസ്സയിൽ വിമോചന സമരങ്ങൾ നടക്കേണ്ടതാണല്ലോ. സമരങ്ങൾ പോയിട്ട്‌ ഒരു പ്രതിഷേധക്കുറിപ്പു പോലും അധികാരികൾ ഇറക്കിയില്ല, പ്രാർഥനാ ആഹ്വാനങ്ങൾ ഒന്നും നടന്നില്ല. പോരാത്തതിന്‌ മലയാളത്തിൽ പ്രതിഷേധിച്ചാൽ ഒറീസ്സക്കാർക്ക്‌ മനസ്സിലാകില്ലല്ലോ എന്നൊരു ന്യായവും കേട്ടു.
ഈ ലേഖനങ്ങൾ മുഴുവൻ സൂചിപ്പിക്കുന്നത്‌ ഒന്ന്‌ മാത്രമാണ്‌. കത്തോലിക്കാ മേലധികാരികൾ നന്നായി ഭയന്നിരിക്കുന്നു. ഈ ഭയത്തിന്റെ കാരണം എന്താണെന്ന്‌ മനസ്സിലാകുന്നില്ല. ഈ പറയുന്നവ കേരളത്തിലെ കത്തോലിക്കാ അധികാരികളെ മാത്രം ഉദ്ദേശിച്ചാണ്‌. കർണ്ണാടക അടക്കം ഉള്ള നിരവധി ക്രിസ്ത്യൻ ആരാധനാലയങ്ങൾ ഈ വർഷങ്ങളിൽ തകർക്കപ്പെട്ടു. പലയിടത്തും കത്തോലിക്കർക്കെതിരെ അക്രമങ്ങൾ ഉണ്ടായി. ഇതിനെതിരെ ഒരു ചെറുവിരൽ അനക്കാൻ പോയിട്ട്‌ എതിർത്ത്‌ ഒരു പ്രസ്താവന ഇറക്കാൻ പോലും കേന്ദ്രത്തിലെ കോൺഗ്രസ്സ്‌ തയ്യാറായില്ല. പക്ഷെ സി പി ഐ(എം) പ്രശ്നങ്ങളിൽ വ്യക്തത ഉള്ള നിലപാടുകൾ സ്വീകരിച്ചിരുന്നു. പാർട്ടി ഓഫീസുകളിൽ കുർബാന നടത്താൻ അനുവദിച്ചതടക്കം ശക്തമായ നിലപാടുകൾ. സി ബി സി ഐ ഇതിന്റെ ഒക്കെ നന്ദി കാണിക്കുകയും ചെയ്തിരുന്നു.കെ സി ബി സി കഴിഞ്ഞ തെരഞ്ഞെടുപ്പ്‌ കാലത്ത്‌ കമ്യൂണിസ്റ്റ്‌ പാർട്ടികൾക്കെതിരെ ഉറഞ്ഞുതുള്ളലുകളുമായി വന്നപ്പോളും ഇടയലേഖനങ്ങളിലൂടെ അവർ കോമരം തുള്ളിയപ്പോളും സി ബി സി ഐ കമ്യൂണിസ്റ്റ്‌ പാർട്ടികൾക്കെതിരെ ഒരു നിലപാടും സ്വീകരിക്കാതെ മനസ്സാക്ഷി വോട്ടിന്‌വിശ്വാസികളെ ആഹ്വാനം ചെയ്തതിന്റെ കാരണവും മറ്റൊന്നല്ല. വടക്കെ ഇന്ത്യയിൽ മിഷനറി പ്രവർത്തനം നടത്തുന്ന നിരവധി വൈദികർ ഇടതുപക്ഷ പ്രസ്ഥാനങ്ങൾ ചെയ്തു കൊടുത്ത സഹായങ്ങൾ നന്ദിയോടെ സ്മരിക്കുന്നതും ഞാൻ കേട്ടിട്ടുണ്ട്‌. പക്ഷെ കേരളത്തിലെ സഭാ അധികാരികൾക്ക്‌ മാത്രം എന്താണ്‌ കമ്യൂണിസ്റ്റ്‌ പാർട്ടികളെ ഇത്ര ഭയം? റുബിൻ പോലുള്ള ബ്ലോഗർമാർ കോമാളികൾ എന്നല്ലാതെ കമ്യൂണിസ്റ്റുകളെ പറയാറില്ല. ആരാലും തെരഞ്ഞെടുക്കപ്പെടാതെ നേതാക്കളായി സ്വയം ചമഞ്ഞ്‌ വിശ്വാസിക്കളുടെ ചെലവിൽ ഉണ്ടുറങ്ങി ഇരിക്കുന്നവന്റെ തീൻ കുത്തൽ ആയിരിക്കാം ഇതൊക്കെ. മറ്റു പല സംസ്ഥാനങ്ങളിലും സ്വസ്ഥമായി ജീവിക്കാൻ പോലും ഉള്ള സ്ഥിതി ഇല്ലെന്നിരിക്കെ കേരളത്തിൽ നിർഭയം വർഗ്ഗീയ വിഷം തുപ്പി ലാഭം കൊയ്യാൻ ഉള്ള സൗകര്യ്ം എങ്ങനെ ഉണ്ടായി എന്ന്‌ ഇക്കൂട്ടർ ഒരിക്കലും ചിന്തിക്കുന്നില്ല. ചിലപ്പോ പറഞ്ഞേക്കും അത്‌ ഭരണഘടന ഉറപ്പ്‌ നൽകിയ ന്യൂനപക്ഷ അവകാശം ആണെന്ന്‌. ചിരിക്കാം എന്നല്ലാതെ എന്ത്‌ പറയാൻ.. ഒറീസ്സയിലും മറ്റും കത്തോലിക്കാ സ്ഥാപനങ്ങൾ തീയിലെരിഞ്ഞപ്പോ ന്യൂനപക്ഷ അവകാശം ഫാത്തിമയിൽ തീഥാടനത്തിനു പോയിരുന്നോ? ന്യൂനപക്ഷ അവകാശം മാനിക്കുന്ന, ന്യൂനപക്ഷ അഹങ്കാരം സഹിക്കുന്ന ഒരു ഭൂരിപക്ഷം കേരളത്തിൽ ഉണ്ടായതിന്റെ ക്രെഡിറ്റ്‌ മൊത്തം ഇനി ദൈവത്തിനു വിട്ടു കൊടുക്കുമോ ആവൊ..
ആഗോള കത്തോലിക്കാ സഭ വലിയ ഒരു പ്രതിസന്ധിയെ നേരിട്ടുകൊണ്ടിരിക്കുന്ന അവസരം ആണ്‌ ഇത്‌. വിശ്വാസികളുടെ കൊഴിഞ്ഞു പോക്ക്‌. പെന്തക്കോസ്ത്‌ അടക്കം ഉള്ള വിഭാഗങ്ങളിലേക്ക്‌ നിരവധി വിശ്വാസികൾ ചേക്കേറുന്നു. പാശ്ചാത്യ രാജ്യങ്ങളിൽ അടക്കം യുവാക്കൾ വിശ്വാസ്ങ്ങളെ തള്ളിപ്പറയുന്നു. സെമിനാരികളിലും മറ്റും പോകാൻ ആളില്ലാത്തതിനാൽ മൂന്നാം ലോക രാജ്യങ്ങളിൽ നിന്നും പുരോഹിതന്മാരെ സപ്ലൈ ചെയ്യേണ്ട ഗതികേട്‌ വന്നിരിക്കുന്നതിന്റെ ഇടയിൽ ആണ്‌ ഇത്തരം പൃശ്നങ്ങൾ. ദേവസ്യ മുല്ലക്കര, യോഹന്നാൻ തുടങ്ങിയ സുവിശേഷകരുടെ പുറകെ വിശ്വാസികൾ പോകുന്നു. ഒരു ക്രിസ്തീയ പ്രസിദ്ധീകരണമായ സത്യദീപത്തിൽ (പുസ്തകം 83, ലക്കം 22, 2010 ജനുവരി 13, പേജ്‌ 3) തന്നെ ഈ അടുത്ത്‌ ഇതിനെ സംബന്ധിച്ച ഒരു ലേഖനം കണ്ടിരുന്നു. കാലഹരണപ്പെട്ട ആചാരങ്ങളും പുരോഹിത - അധികാരി വർഗ്ഗത്തിന്റെ ധാർഷ്ട്യം നിറഞ്ഞ നിലപാടുകളും ആളുകളെ ഇങ്ങനെ പോകാൻ പ്രേരിപ്പിക്കുന്നതായി കത്തോലിക്കൻ ആയ ലേഖകൻ പറയുന്നു. ദേവസ്യ മുല്ലക്കര വലിയ ഒരു ധ്യാനഗുരു ആയി പേരെടുത്തിട്ട്‌ അധികം ഒന്നും ആയില്ല. അദ്ദേഹത്തിന്‌ വർദ്ധീച്ച്‌ വന്ന വിശ്വാസ്യതയും, പിന്നെ അതിൽ നിന്നും ഉള്ള കാശുവരവ്‌ തലശ്ശേരി രൂപതാ അധികാരികളുമായി പങ്കു വക്കുന്നതിൽ അദ്ദേഹം കാട്ടിയ വിമുഖതയും സഭയിൽ നിന്നും അദ്ദേഹം പുറത്താക്കപ്പെടാൻ കാരണമായി. അദ്ദേഹത്തിനും ഇന്ന്‌ ധാരാളം അനുയായികൾ ഉണ്ട്‌. സംഘ പരിവാർ അക്രമം ഒക്കെ പേടി ഉള്ളതിനാൽ പാൽപ്പൊടിയും അരിയും കാശും വാങ്ങി മതം മാറുന്ന ആളുകളുടെ എണ്ണവും കുറഞ്ഞു. പുരോഹിത ധാർഷ്ട്യവും അടിമകളൊടെന്നപോലെ വിശ്വാസികളോട്‌ പെരുമാറുന്നതും സഹിക്കാൻ കഴിയാത്ത പലരും കമ്യൂണിസ്റ്റ്‌ ആശയങ്ങൾ ഭാഗികമായി സ്വീകരിക്കുകയും പാർട്ടിയോട്‌ ചേർന്ന്‌ പ്രവർത്തിക്കുകയും അതെ സമയം ദൈവ വിശ്വാസികൾ ആയി തുടരുകയും ചെയ്യുന്നു. ഇപ്പോൾ ഇവരെ സമ്പൂർണ്ണ അടിമത്വത്തിലേക്ക്‌ തിരിച്ച്‌ കൊണ്ടുവരാൻ ഉള്ള ശ്രമം വ്യാപകമായി നടക്കുന്നു, പ്രത്യേകിച്ച്‌ കഴിഞ്ഞ നിയമസഭാ തെരഞ്ഞെടുപ്പിനു ശേഷം. നിരന്തരമായ പ്രചരണങ്ങളും കുത്തുവാക്കുകളും ഒറ്റപ്പെടുത്തലുകളും ഇതിനായി ഉപയോഗിക്കപ്പെടുന്നു. ഇപ്പോൾ ദീപികയും റുബിനും പൗവ്വത്തിലും ഒക്കെ ഉന്നയിക്കുന്ന കഴമ്പില്ലാത്ത ആരോപണങ്ങളും വ്യാജ പ്രചരണങ്ങളും ഒക്കെ വെകിളി പിടിച്ചു പോയ അധികാര മോഹികളുടെ ജൽപനങ്ങൾ മാത്രം. സാമൂഹിക പ്രവർത്തനവും സേവനവും ഒക്കെ ഇക്കൂട്ടർക്ക്‌ അധികാരത്തിലേക്കുള്ള കുറുക്കുവഴികൾ മാത്രമാണെന്ന്‌ തെളിയിക്കാൻ ഈ കമന്റ്‌ തന്നെ അധികമായിരിക്കും . പക്ഷെ നിസ്വാർഥ സേവനം ലക്ഷ്യമാക്കിയ പലരുടെയും വെളിച്ചം സ്വന്തം സമൂഹത്തിലും മനസ്സിലും തല്ലിക്കെടുത്തുകയാണ്‌ ഇവർ സത്യത്തിൽ ചെയ്യുന്നത്‌.

പുരോഹിത ഭാവനയുടെ ആളി കത്തലുകള്‍

2009-10-08T18:45:00.003+05:30

ആര് പറഞ്ഞു കത്തോലിക്കാ പുരോഹിതന്മാര്‍ക്ക് സര്‍ഗാത്മകത ഒക്കെ കുറവാണെന്ന്? രോഗശാന്തി അത്ഭുതങ്ങളും കണ്ണീരൊഴുക്കുന്ന മാതാവിനെ വിവരിക്കുമ്പോലും ഇതൊക്കെ നമ്മള്‍ കണ്ടിട്ടുള്ളതാണ്. എന്നാല്‍ എന്തെഴുതിയാലും വിശ്വാസികള്‍ ഒന്നും ചോദിക്കാതെ വിശ്വസിക്കും എന്ന് അടിയുറച്ചു വിശ്വസിക്കുന്ന ആധുനിക കത്തോലിക്കാ പാതിരി ഇവിടെയും ഭാവന കൊണ്ടു വിശ്വാസികളെ കോള്‍മയിര്‍ കൊള്ളിക്കുന്ന കാഴ്ച ഒന്നു കാണൂ..

ചോര ചിന്താന്‍ കിട്ടിയ അവസരം ആദ്യം ഉ പയോഗിച്ചത്‌ എഐഎസ്‌എഫ്‌- എഐവൈഎഫ്‌ പ്രവര്‍ത്തകരായിരുന്നു. എസ്‌എഫ്‌ഐ, ഡിവൈഎഫ്‌ഐ പ്രവര്‍ത്തകര്‍ക്ക്‌ ഇക്കാര്യ ത്തില്‍ മേല്‍ക്കൈ കിട്ടരുതെന്നൊരു വാശികൂടി ഉണ്ടായിരുന്നു അവര്‍ക്ക്‌. അതു നന്നായി അറിയാവുന്ന എസ്‌എഫ്‌ഐ യും ഡിവൈഎഫ്‌ഐയും അവരെ ഇഞ്ചിനു പോലും മുന്നോട്ട്‌ വിടില്ലെന്നായി. സംസ്ഥാന നേതാക്കള്‍ തന്നെ ഇരുകൂട്ടരേയും നയിക്കാന്‍ എത്തിയതിനാല്‍ പ്രവര്‍ത്തകരും കൂറു തെളിയിക്കാന്‍ മല്‍സരിച്ചു.

ഹാ രോമാഞ്ചം. ഇതേ സംഭവത്തില്‍ ആളുകള്‍ എത്തിച്ചേര്‍ന്ന സമയവും സ്ഥിതി വിവര കണക്കും ഒക്കെ മനോരമ പത്രത്തില്‍(ബാംഗ്ലൂര്‍ എഡിഷന്‍) കണ്ടു. അപ്പൊ അച്ചന്റെ തത്സമയ വിവരണം എവിടെ ഒക്കെയോ അങ്ങ് ഒക്കുന്നില്ല. ആദ്യം അവസരം മുതലാക്കിയത് ഇടതുപക്ഷം ആണെന്ന് അച്ഛന്‍ പറയുന്നു. പക്ഷെ മനോരമ വാര്‍ത്ത..

അവര് പറയുന്നു ഇടതു പക്ഷക്കാര്‍ ഉച്ച കഴിഞ്ഞാണ് വന്നതെന്ന്. അപ്പൊ ആര് പറയുന്നതാണ് സത്യം? ബ്ലോഗര്‍ അച്ചന്‍ കാര്യങ്ങള്‍ വ്യക്തമായി മനസ്സിലാക്കി മാത്രം പോസ്ടിടുന്ന ആളാണെന്നു നമുക്കൊക്കെ അറിയാമല്ലോ. ഞാന്‍ മുന്‍പും അച്ചനെ അനുമോദിക്കാന്‍ പോസ്റ്റുകള്‍ ഇട്ടിരുന്നു. പിന്നെ ഈ മനോരമയുടെ ഒരു കാര്യം..

എന്നാലും അച്ചാ എസ് എഫ്‌ ഐ ക്കോ ഡി വൈ എഫ്‌ ഐ ക്കോ ചുവന്ന കൊടി ഇല്ല എന്ന് അച്ചന് അറിയില്ലേ..

സ്വാശ്രയകോളജുകള്‍ എന്നു കേട്ടാല്‍ കലിതുള്ളുന്ന ഇടതു വിദ്യാര്‍ഥി സംഘടനകള്‍ക്കു തന്നെ മേല്‍ക്കൈ കിട്ടി. ചെങ്കൊടികള്‍ പൊടിതട്ടിയെടുത്ത്‌ രംഗത്തിറങ്ങി.

ഹി ഹി ..

സമരങ്ങള്‍ എന്ന് പറഞ്ഞാല്‍ പാതിരികള്‍ക്ക് എന്നും വെകിളി പിടിക്കും.. സമരം അവര്ക്കു കാശുവരവ് കുറഞ്ഞതിനു അല്ലെങ്കില്‍ മാത്രം. ഇതൊക്കെ അധികാരികളുടെ നാവിനെ ചോദ്യം ചെയ്യുന്നവരുടെ ശബ്ദം ആണല്ലോ.. അത് മാത്രം അവര്ക്കു സഹിക്കാന്‍ കഴിയുന്നതിനും അപ്പുറം ആണല്ലോ. സമരം ചെയ്തു എങ്കിലും കെ എസ് യു വിനെ ന്യായീകരിക്കാന്‍ കിണഞ്ഞു ശ്രമിക്കുന്ന അയാളുടെ മനസ്സും പോസ്റ്റില്‍ വളരെ വ്യക്തം ആണല്ലോ.

ഈ കശാപ്പുശാലകള്‍ അടച്ചു പൂട്ടുന്നതുവരെ വിശ്രമിക്കില്ലെന്നും നേതാക്കള്‍ ആക്രോശിച്ചു. ഇത്‌ തുടക്കം മാത്രമാണെന്ന്‌ മുന്നറിയിപ്പും നല്‍കി. ഇത്രയൊക്കെയായപ്പോള്‍ യൂത്തുകോണ്‍ഗ്രസുകാരും കെഎസ്‌യുക്കാരും എങ്ങനെ അടങ്ങിയിരിക്കും. അവരും കൊടിതോരണങ്ങളുമായെത്തി. പക്ഷേ കാര്യങ്ങള്‍ക്ക്‌ അല്‍പം മയമുണ്ടായിരുന്നെന്നു മാത്രം. അവര്‍ വന്നതുപോലെ മടങ്ങുകയും ചെയ്തു. കോളജിന്റെ ചാരം കണേ്ടമടങ്ങൂ എന്നവാശി ഇടതു സംഘടനകള്‍ക്കായിരുന്നു. അവര്‍ വീണ്ടും ചുരമാന്തിക്കൊണ്ട്‌ നിന്നു.

സാഹിത്യം.. ഈ ചുര മാന്തല്‍ എന്താണെന്ന് എനിക്കറിയില്ല. ഹിന്ദി ആയിരുന്നു സെക്കന്ഡ് ലാംഗ്വേജ്. ക്ഷമിക്കുക. ഈ സമരത്തിനെ ഞാന്‍ തീര്‍ച്ചയായും ന്യായീകരിക്കും. സമരങ്ങള്‍ നടന്നത് കൊണ്ടു കാര്യങ്ങള്‍ക്ക് ചൂടു വരുന്നതും കേസുകള്‍ പലതും തെളിയുന്നതും ഒക്കെ നമ്മള്‍ മുന്പ് കണ്ടിട്ടുണ്ട്. അടുത്ത കാലത്തു വരെ. മറ്റു പല കേസുകളിലും ആക്ഷന്‍ സമിതിയും ഒക്കെ ഉണ്ടാകുന്നതിനെ ആരും കുറ്റം പറയുന്നതു കേളക്കാറില്ലല്ലോ. സമരം കത്തോലിക്കരുടെ കാശുവരവിനു കുറവുണ്ടാക്കുംപോള്‍ മാത്രം അതിനെ ആഭാസമാക്കുന്ന, സമരം ചെയ്യുന്നവരുടെ ഉദ്ദേശ്യത്തെ വളച്ചൊടിച്ചു മാത്രം ആളുകളെ ബ്രയിന്‍ വാഷ് ചെയ്യുന്ന ഇവരെ പോലുള്ളവര്‍ തന്നെ ആണ് തീര്‍ച്ചയായും കേരളത്തിന്റെ ശാപം. ഒരു വിദ്യാര്ത്ഥി സംഖടനയും ഇവിടെ കത്തോലിക്കരുടെ കോളേജ്‌ ആയതിനാല്‍ അത് അടച്ചു പൂട്ടണം എന്ന് പറഞ്ഞു സമരം ചെയ്തതായി എനിക്കറിയില്ല. പക്ഷെ ചോദ്യം ചെയ്യലുകള്‍ ഒരിക്കലും ഇഷ്ടപ്പെടാത്തവര്‍ ഇങ്ങനെ കുരച്ചുകൊണ്ടേ ഇരിക്കും.

കൊതിക്കെറുവും ചീത്തവിളിയും പിന്നെ..

2009-09-23T12:19:00.002+05:30

ഈ കൊതിക്കെറുവ് എന്ന വാക്കു പൊതുവെ തെക്കന്‍ കേരളത്തില്‍ ആണ് ഉപയോഗിക്കുന്നത് എന്ന് തോന്നുന്നു. അതായത് എന്തെങ്കിലും വേണം അല്ലെങ്കില്‍ ചെയ്യണം എന്നൊക്കെ വല്ലാതെ ആശിച്ചിട്ടു അത് നടക്കാതെ വരുമ്പോള്‍ തോന്നുന്ന തീവ്രമായ നിരാശ, അതില്‍ നിന്നും ഉയര്ന്നു വരുന്ന ദേഷ്യം, പിന്നെ കണ്ടവരെ ഒക്കെ ചീത്ത വിളിക്കുക.. അങ്ങനെ ഒക്കെ.

ഇതൊന്നും അല്ലെങ്കില്‍ പിന്നെ പവ്വത്തില്‍-റുബിന്‍ കൂട്ടുകെട്ട് ഇങ്ങനെ ഒരു സാഹസത്തിനു നില്‍ക്കുമോ?

നമ്മുടെ വിരമിച്ച മെത്രാന്‍ വെറുതെ ഇരുന്നു മടുത്തപ്പോള്‍ കര്‍ത്താവിന്റെ കരുണയില്‍ വലിയ വെളിപാടുകള്‍ കൊണ്ടു അനുഗ്രതീതന്‍ ആകുകയും, അങ്ങനെ വലിയ അപകടത്തിലേക്ക് പോകുന്ന കേരള വിശ്വാസി - അവിശ്വാസി സമൂഹത്തെ ആകെമാനം രക്ഷിക്കാന്‍ കത്തോലിക്കാ ദൈവം മാത്രം മുന്‍കൈ എടുത്തു തയ്യാറാക്കിയ ഒരു വലിയ പദ്ധതിയില്‍ സ്വയം സമര്‍പ്പിക്കുകയും ചെയ്തു. അങ്ങനെ ഇന്ത്യയിലെ കമ്യൂണിസ്റ്റു പാര്‍ട്ടിയുടെ പോളിറ്റ്‌ ബ്യൂറോ അംഗങ്ങള്‍ക്ക്‌ മാത്രം അറിയാമായിരുന്നതും പദ്ധതിയുടെ രഹസ്യ സ്വഭാവം നിമിത്തം സംസ്ഥാന കേന്ദ്ര കമ്മിറ്റികളെ പോലും അറിയിക്കാതിരുന്നതും ഭൂലോകത്തെ ബ്ലോഗര്‍മാരായ ബ്ലോഗര്‍മാരൊക്കെ, പത്തു തലകള്‍ ഉള്പ്പെടെ ഉള്ളവര്‍ ഒക്കെ തങ്ങള്‍ക്കുള്ള ബുദ്ധി മുഴുവന്‍ ഉപയോഗിച്ചിട്ടും കണ്ടെത്താന്‍ കഴിയാതെ പോയ ആ മഹാ രഹസ്യം കര്‍ത്താവ്‌ നേരിട്ടു വെളിപ്പെടുത്തി കൊടുത്തിരിക്കുന്നു.
(ഡൂംസ് ഡേ അടുത്തിരിക്കുന്നു എന്നൊക്കെ ലേഖനങ്ങളും വീഡിയോകളും ഒക്കെ കണ്ടു. ൨൦൧൨ ഇല്‍ ആണ് പോലും. അപ്പൊ ഇതൊക്കെ അവസാന കാലത്തിന്റെ എന്ന് പറഞ്ഞ അടയാളങ്ങള്‍ ആയിരിക്കും.)

നമ്മള്‍ വളരെ ചെറിയ ബുദ്ധി മാത്രം ഉള്ള കുറെ ബ്ലോഗര്‍മാര്‍, വരികള്‍ക്കിടയില്‍ വായിക്കാനോ, കൂട്ടി വായിച്ചു അര്ത്ഥം മനസ്സിലാക്കാനോ കഴിവില്ലാത്തവര്‍ ഇനി മുതല്‍ തപസ്സു ചെയ്യേണ്ടാതാകുന്നു. അങ്ങനെ നമുക്കും ബ്രേക്കിംഗ് ആയ വെളിപാടുകള്‍ കിട്ടിയേക്കും..

ഇതിനെ ഞാന്‍ കൊതിക്കെറുവ് എന്ന് വിളിക്കാനുള്ള കാരണം അവിടെ കമന്റില്‍ പറഞ്ഞിട്ടുണ്ട്.

അഭയ കേസ്‌: നാര്‍ക്കോ അനാലിസിസ്‌ വീഡിയോകള്‍, ലാഭം ആര്‍ക്കു?

2009-09-16T16:17:00.002+05:30

അഭയ കേസിന്റെ നാര്‍ക്കോ അനാലിസിസ്‌ വീഡിയോകള്‍ പുറത്തു വന്നു. ആരാണ് പുറത്തു വിട്ടത് എന്ന് എനിക്കറിയില്ല. ശരി അത് ഞാന്‍ അന്വേഷിക്കുന്നുമില്ല. എന്നാലും ചില പോസ്റ്റുകള്‍ കണ്ടപ്പോള്‍ പുതിയ സാധ്യതകള്‍ തെളിഞ്ഞു വരുന്നതായി തോന്നി. ഒരു ബ്ലോഗറുടെ ആരോപണം ഇന്നലെ വായിച്ചത് പോള്‍ വധക്കേസില്‍ നിന്നും ശ്രദ്ധ തിരിക്കാന്‍ തല്‍പ്പര കക്ഷികള്‍ ചെയ്തതാണ് ഈ വീഡിയോ പുറത്തു വിടല്‍ എന്ന ആരോപണം ശ്രദ്ധയില്‍ പെട്ടു. ലോജിക്കല്‍ ആയി നോക്കിയാല്‍ ഇതു ഒരു സാധ്യത തന്നെ ആണ്. നമ്മുടെ മാധ്യമങ്ങളുടെ പൊതു സ്വഭാവം അനുസരിച്ച് പുതിയ ഒരു വാര്‍ത്ത കിട്ടുമ്പോള്‍ പഴയത് അങ്ങനെ തന്നെ കുഴിച്ചു മൂടുന്ന സ്വഭാവം ദ്രിശ്യവും ആണ്. അഭയ കേസിന്റെ വാര്‍ത്തകള്‍ ഇതിന്റെ തൊട്ടു മുന്‍പ്‌ വാര്‍ത്തകളില്‍ നിറഞ്ഞു തുടങ്ങിയ സമയത്ത് പലവിധ പ്രശ്നങ്ങള്‍ ഉയര്ത്തി കൊണ്ടുവരാനും, ഭീകര ബഹളങ്ങള്‍ ഉണ്ടാക്കി (പൌവ്വത്തിലിനെ മുന്നില്‍ നിര്‍ത്തി) മാധ്യമ ആക്രമണം ഇടതു പക്ഷത്തിനു നേരെ തിരിക്കാനും കത്തോലിക്കാ സഭക്ക് കഴിഞ്ഞു . ലാവലിന്‍ കേസ് ആളിപ്പടര്‍നപ്പോളും പിന്നെ ഇലക്ഷന്‍ ചൂടും ഒക്കെ ആയപ്പോള്‍ അക്കാര്യങ്ങള്‍ ഒരുവിധം മാധ്യമങ്ങള്‍ ഒക്കെ മറന്നു.
ഇലക്ഷന്‍ സമയത്ത് കണ്ണൂരില്‍ സുധാകരന്‍ ഗുണ്ടകളെ കൊണ്ടുവന്നത് ചെറിയ വാര്‍ത്ത ആയി. ഒരു വിഭാഗം മാധ്യമങ്ങള്‍ പാലിച്ച മനപൂര്‍വമായ മൌനവും കുറ്റാരോപിതനായ പിണറായിയും പാര്‍ടിയിലെ പ്രശ്നങ്ങളും ഒക്കെ ആ വാര്‍ത്തകള്‍ വേഗം തന്നെ മറഞ്ഞു പോകാന്‍ ഇടയാക്കി. അല്ലെങ്കിലും വാര്‍ത്ത ഇടതു പക്ഷതിനെതിരല്ലെകില്‍ അതിന്റെ ആയുസ്സ് വളരെ ചെറുതാണല്ലോ.
ഇപ്പോളത്തെ പ്രധാന വാര്‍ത്തയായ പോള്‍ സംഭവവും ഏതാണ്ട് ആയുസ്സെത്തിയ നിലയില്‍ നില്‍ക്കുമ്പോള്‍ ആണ് വീഡിയോ പ്രശ്നങ്ങള്‍ വരുന്നതു. പ്രതികള്‍ക്ക് പകര്‍പ്പ് നല്‍കിയതിനു ശേഷം ആണ് വീഡിയോ പുറത്തു വന്നത് എന്നും കേട്ട്‌.
ഈ വീഡിയോകള്‍ കണ്ട പലരും നാര്‍ക്കോ അനാലിസിസിന്റെ വിശ്വാസ്യതയും അതിന്റെ പല വശങ്ങളും ചര്ച്ച ചെയ്തു. ഡോക്ടര്‍ അടക്കം ഉള്ള ബ്ലോഗര്‍മാര്‍ അതിന്റെ നെഗറ്റീവ് വശവും അതില്‍ കൃത്രിമം നടന്നിരിക്കാനുള്ള സാധ്യതയും കമന്റുകളില്‍ പ്രകടിപ്പിച്ചു. വാര്‍ത്തകളില്‍ മിക്കവാറും വീഡിയോയില്‍ എഡിറ്റിംഗ് നടന്നത് വ്യക്തമാണെന്ന് നല്ല പ്രാധാന്യം കൊടുത്തു പറയുന്നതും കേട്ട്‌. കൂടിയ നിലയില്‍ സെടെഷന്‍ നല്‍കി കുറ്റസമ്മതം അവരെക്കൊണ്ടു നടത്തിച്ചതാണ് എന്നും, അവര്‍ പറയുന്നതു തുടര്‍ച്ചയായി മയക്കത്തില്‍ അവരെ പറഞ്ഞു പറഞ്ഞു പറയിച്ചതാനെന്നും ഉള്ള നിലയില്‍ പ്രചാരണങ്ങള്‍ ഉണ്ടായി. വീഡിയോയിലെ സംപ്രേക്ഷണം ചെയ്ത ഭാഗങ്ങള്‍ കാണുന്ന ആരും ആദ്യത്തെ ആവേശവും ദേഷ്യവും ഒക്കെ ഒന്നടങ്ങിയ ശേഷം ആ വീഡിയോ ഒന്നുകൂടി കണ്ടാല്‍ പാതിമയക്കത്തില്‍ പിറുപിറുക്കുന്ന സന്യസ്തരുടെ മുഖത്തെ ദൈന്യത്തെ അല്പം അനുഭാവത്തോടെ നോക്കും എന്നതില്‍ സംശയം ഇല്ല. അപ്പൊ അവരോട് നല്ല അടുപ്പം ഉള്ളവര്‍ ഈ വീഡിയോകള്‍ കാണുമ്പോള്‍ ഉണ്ടാകുന്ന മനസ്ഥിതി എന്തായിരിക്കും? ഇവര്‍ കുറ്റക്കാരല്ലെന്ന പ്രചാരണങ്ങള്‍ അങ്ങനെ തന്നെ വിശ്വസിക്കുന്ന തെളിവ് ആവശ്യമില്ലാത്ത ഒരു വലിയ വിഭാഗം ഇതിനെ എങ്ങനെ കാണും? അപ്പോള്‍ ഒരുപക്ഷെ ഈ വീഡിയോകള്‍ പുറത്തു വിട്ടവരുടെ ഉദ്ദേശ്യവും ഇതു തന്നെ ആയിരിക്കില്ലേ?
അല്ലെങ്കില്‍ തന്നെ ജനം വായിച്ചു മടുത്തു ആയുസ്സെത്തി നില്ക്കുന്ന പോള്‍ കഥകള്‍ ഇപ്പൊ ആളുകള്‍ക്കിടയില്‍ വലിയ ചലനം ഒന്നും ഉണ്ടാക്കുന്നില്ല. മന്ത്രി പുത്രന്മാര്‍ക്കെതിരെ ഉള്ള ആരോപണങ്ങള്‍ പുതിയ സംഭവവും അല്ലല്ലോ.. അപ്പൊ കൃത്യ സമയത്ത് തന്നെ വീഡിയോ പുറത്തു വന്നു. പോള്‍ വധകെസില്‍ നിന്നും ശ്രദ്ധ തിരിക്കാനുള്ള അടവാണെന്ന് പ്രചാരണവും, കുറ്റാരോപിതരോടുള്ള സഹതാപ തരംഗവും ഒക്കെ കാണുമ്പോള്‍ വീണ്ടും സംശയം വരുന്നു.. ഇപ്പൊ വീഡിയോ പുറത്തു വന്നതില്‍ ശരിക്കും ആര്‍ക്കാ ലാഭം? കാര്യങ്ങള്‍ ഇത്ര തെളിവോടെ നേരിട്ടു കണ്ടല്ലോ ഇനിയെന്താ വേണ്ടത് എന്ന് തെല്ലൊരു അഹങ്കാരത്തോടെ ചിന്തിക്കുന്ന നമ്മള്‍ ഒന്നു കൂടി ആലോചിക്കേണ്ടിയിരിക്കുന്നു. അച്ചന്മാരുടെ വികാരപ്രകടനങ്ങള്‍ എന്നും വളരെ പിടിച്ചു കുലുക്കുന്ന ഒരു ദുര്‍ബല മനസ്ഥിതിയുള്ള വിശ്വാസി സമൂഹവും, ഭൂരിപക്ഷം സ്ത്രീ വിശ്വാസികളും ഒക്കെ ഇതിനെ വളരെ സെന്സിടീവ് ആയി കാണും. ന്യായമായും അവരുടെ ചിന്തകള്‍ സി ബി ഐ ക്കും സര്‍ക്കാരിനും ഒക്കെ എതിരെ തിരിയും.. ലാഭം.. ലാഭം..
(സ്ത്രീകള്‍ക്ക് ബൈബിളിലും കത്തോലിക്കാ ചരിത്രത്തിലും ഒക്കെ കൊടുത്തിരിക്കുന്ന സ്ഥാനം വളരെ മോശം ആണെങ്കിലും ഇപ്പൊ സ്ത്രീ കൂട്ടയ്മകള്‍ക്കാന് സഭയില്‍ കൂടുതല്‍ പരിഗണന. മാത്രുവെദിയുമ് അങ്ങനെ പലതും. അവരെ വിശ്വാസത്തിന്റെ പേരു പറഞ്ഞു സ്വാധീനിക്കാനും മക്കളുടെ ഭാവി പറഞ്ഞു ഭീഷനിപ്പെടുതാനും, പിന്നെ മൂക്ക് പിഴിഞ്ഞ് കാണിച്ചു സന്കടപ്പെടുതാനും ഒക്കെ എളുപ്പമാണ്. അവരിലൂടെ കുടുമ്പങ്ങളില്‍ നല്ല സ്വാധീനവും ഉണ്ടാക്കാം, പണ്ടു സഭ സ്ത്രീകളെ എങ്ങനെ ട്രീടു ചെയ്തു എന്നോ എന്തെ സ്ത്രീ പൌരോഹിത്യം അനുവദിക്കുന്നില്ല എന്നും ഒന്നും അവര്‍ അന്വേഷിക്കില്ല, പിന്നെ ഇങ്ങനെ ഉള്ള വിഷയങ്ങള്‍ വരുമ്പോള്‍ വേഗം വികാരം കൊള്ളാനും, ഭര്‍ത്താവിനോട് ബഹളമുണ്ടാക്കി മക്കളെയും എടുത്തു പ്രതിഷേധ പെരുന്നാളിന് മുന്നില്‍ നില്‍ക്കാനും അവര്‍ വരും. അപ്പൊ ഇതൊക്കെ ആയിരിക്കില്ലേ കഴിഞ്ഞ കുറെ നാളുകളായി വനിതാ കൂട്ടായ്മകളെ വളര്‍ത്താന്‍ അവര്‍ മുന്‍കൈ എടുക്കുന്നതിലെ കാര്യം? എല്ലാം നന്നായി പ്ലാന്‍ ചെയ്തതാണ് എന്ന് ഞാന്‍ ആരോപിക്കുന്നു. ദീര്‍ഖകാല ഫലങ്ങള്‍ ലക്ഷ്യം വച്ചു കൊണ്ടു.. ഇവിടെ ആരോപണം ഉന്നയിക്കുന്നവന് അത് തെളിയിക്കാന്‍ ബാധ്യത ഒന്നും ഇല്ലല്ലോ..)

ഒരു പാതിരിയുടെ വിലാപങ്ങള്‍

2009-09-15T12:55:00.002+05:30

ഇതാ റുബിനച്ച്ന്‍് ളോഹയും മടക്കിക്കുത്തി ഇറങ്ങിയിരിക്കുന്നു വീണ്ടും. ഇത്തവണത്തെ വിലാപം നമ്മുടെ പോലീസിനെ കുറിച്ചാണ്. ഞാന്‍ ആദ്യം കരുതി അഭയ കേസോ മറ്റോ തെളിഞ്ഞെന്നു. പിന്നെയാണ് ഓര്‍ത്തത്‌ അത് സി ബി ഐ യുടെ കൈയില്‍ ആണല്ലോ എന്ന്. കേരളാ പോലീസിന്റെ ദാസ്യ വൃത്തിയെ പറ്റി ആണ് ഇത്തവണ വിലാപം. കഴിഞ്ഞ ദിവസങ്ങളില്‍ ഇതു വിശ്വാസിയായ ന്യായാധിപനെ ആളുകള്‍ ചീതവിളിക്കുന്നതില്‍ ഉള്ള സങ്കടം ആയിരുന്നു. എല്ലാം ശരി, അച്ചന്‍ പറഞ്ഞാ ആടുകള്‍ (ചെറുതും വലുതും ) ഒക്കെ നിര്‍ബന്ധമായും വിശ്വസിച്ചിരിക്കണം. അപ്പൊ ഇത്തവണ നമ്മള്‍ വിശ്വസിക്കേണ്ടത് ഇതാകുന്നു. . .
"അതീവ രഹസ്യമായ മന്ത്രിസഭാ രേഖകള്‍ പോലും മോഷണം പോവുകയും അവ അത്യുന്നത നേതാക്കളുടെ പേരില്‍ സത്യവാങ്ങ്‌ മൂലത്തി ലൂടെ സുപ്രീംകോടതിയില്‍ വരെ എത്തുകയും ചെയ്യുന്ന വ്യവസ്ഥിതിയില്‍ നിയമവാഴ്ചയുടെ അസ്തിവാരമാണ്‌ ഇളകുന്നത്‌."
ഏതാണ് സംഭവം എന്ന് മനസ്സിലായിക്കാണുമല്ലോ. അപ്പൊ നമ്മള്‍ എന്ത് പറയണം? വിവരാവകാശ നിയമ പ്രകാരം പിണറായി വിജയന് രേഖകള്‍ ലഭിച്ചു എന്ന് പറഞ്ഞപ്പോള്‍ തന്നെ ആവക വിവാദത്തില്‍ മനോരമ പോലും മൌനം പാലിക്കുന്നു. കുമാരേട്ടന്‍ വരെ കാല് മാറി. പക്ഷെ ആ വാര്‍ത്ത ഇതുവരെ വിശുദ്ധ മഞ്ഞാപ്പത്രത്തില്‍ വന്നില്ല എന്ന് തോന്നുന്നു. നാട്ടില്‍ അല്ലാത്തതിനാല്‍ ഇതു ഉറപ്പിക്കാന്‍ വശമില്ല. ആര്‍ക്കെങ്കിലും വല്ല വിവരവും ഉണ്ടെങ്കില്‍ ദയവായി പള്ളിമേടയില്‍ ഒരു കോപി ഇടാന്‍ അപേക്ഷിക്കുന്നു. അപ്പൊ ഇത്രയും വ്യക്തമായി ജനങ്ങള്‍ വിവരങ്ങള്‍ അറിഞ്ഞ ശേഷവും ലജ്ജ, ഉളുപ്പ് തുടങ്ങിയ ഗുണങ്ങള്‍ അശേഷം കാണിക്കാതെ കള്ളം പറയുന്ന പ്രിയ പാതിരിയോടു താങ്ങല്‍ക്കെത്ര തന്തമാരാണ് എന്ന് മാത്രം ചോദിച്ചു ഞാന്‍ വിരമിക്കുന്നു.

ഈ മെത്രാനെ നമ്മള്‍ എന്ത് വിളിക്കും?

2009-09-14T15:42:00.006+05:30

ബൂലൊകത്തെ സഹൃദയരേ, ഞാന്‍ ഒരു വാര്‍ത്ത കണ്ടു. അതിന്റെ അവസാനം ലേഖകന്‍ എഴുതിയ കമന്റും വായിച്ചു. അപ്പൊ ഒരു സംശയം, ഈ മെത്രാനെ നമ്മള്‍ ഏത് വിഭാഗത്തില്‍ ഉള്‍പ്പെടുത്തും? വത്തിക്കാന്റെ നടപടികളെ വിമര്‍ശിക്കുന്ന ആളുകള്‍, അവര്‍ ആരായാലും ഒരു പാഠം പഠിക്കും എന്നതായിരുന്നു പണ്ടത്തെ അവസ്ഥ. ഇപ്പോള്‍ ഇതിനുള്ള അവസ്ഥയൊന്നും സിംഹങ്ങല്‍ക്കില്ല. പല്ലൊക്കെ പോയി. കുറെ ഗുണ്ടകള്‍ ഉണ്ടായിരുന്നവരെ ഒക്കെ വിശുദ്ധരാക്കി. ആധുനിക ഗുണ്ടകള്‍ ഒക്കെ കമ്യൂണിസ്റ്റുകാരും ആയിപ്പോയി. പാവങ്ങള്‍ക്ക് ഇപ്പൊ ആകെയുള്ള വജ്രായുധം ഇടയലേഖനവും ആകെ ഉള്ള ഒരു ബഹളക്കാരന്‍ വിരമിച്ച ഒരു മെത്രാനും ആണല്ലോ. പിന്നെ ഒരു വാല്യക്കാരന്‍ ഉണ്ടായിരുന്നത് എപ്പോളും ബ്ലോഗിലും. എഴുതി എഴുതി ഇപ്പൊ ആരും വായിക്കാതെയും കമന്റാതെയും ആയി. എന്നാലും എഴുതുന്നു. അപ്പോളാണ് പുതിയ ചില ആളുകള്‍ ഉള്ളില്‍ നിന്നും ബഹളവും ആയി വരുന്നത്. മാര്‍പ്പാപ്പ യുവജനവുമായി സംവദിക്കാന്‍ എന്നും പറഞ്ഞു യു ടുബും തുറന്നിരിപ്പാണ്. ട്വിട്ടരിലും ഫേസ് ബുക്കിലും ഒക്കെ നോക്കി അങ്ങേരു സമയം കൊല്ലുന്നു. സഭയെ വളര്‍ത്താനും സംരക്ഷിക്കാനും ഇവിടെ പാവം വയസന്മാര്‍ പാടു പെടുന്നതൊക്കെ അങ്ങേര്‍ക്കു കാണാന്‍ സമയം എവിടെ? കഷ്ടം തന്നെ.. ഓരോ മെത്രാന്‍ മാര്‍ ഇങ്ങനെ ഒക്കെ തുടങ്ങിയാല്‍, അതോ ഇനിയിപ്പോ പുതിയ ഒരു സഭയുടെ പിറവി ആണോ വരാന്‍ പോകുന്നത് എന്ന് എനിക്കൊരു സംശയം.. അല്ല ഈ കിട്ടുന്ന അധികാരങ്ങള്‍ പോര എന്ന് തോന്നുമ്പോ (കാശും) പുതിയ സഭ തുടങ്ങി സ്വയം അവരുടെ മാര്‍പ്പാപ്പ ആകുന്ന പരിപാടി ഒക്കെ ഉണ്ടല്ലോ.. ഇനി ഇപ്പൊ അങ്ങനെ വല്ലതും ആണോ? ഈ ആധുനിക കാലത്തെ തീവ്ര വിശ്വാസ സമൂഹമായ ഒപസ് ഡി പോലെ എന്തെങ്ങിലും? എന്തായാലും, ഇനിയിപ്പോ പേജുകള്‍ ഒക്കെ വേഗം കിട്ടാന്‍ തുടങ്ങും, ലക്ഷക്കണക്കിന്‌ ആളുകള്‍ അല്ലെ ഓര്‍ക്കുട്ടും ഫേസ് ബുക്കും യു ടുബും ട്വിട്ടരും ഒക്കെ ബഹിഷ്കരിക്കാന്‍ പോകുന്നത്.. ഹൊ ഇനി വേണം കുറെ സിനിമ ഡൌണ്‍ലോഡ് ചെയ്യാന്‍..

കത്തോലിക്കാ തീവ്രവാദ വിവാദങ്ങള്‍

2009-08-28T12:05:00.020+05:30

കുറേ ദിവസങ്ങള്‍ക്കു മുന്പ് മാതൃഭൂമിയില്‍ പ്രസിദ്ധീകരിച്ച ഒരു കത്തിന്റെ അടിസ്ഥാനത്തില്‍ കത്തോലിക്കാ നേതാക്കന്മാരുടെ ഉറഞ്ഞുതുള്ളലുകള്‍ അങ്ങനെ ബ്ലോഗില്‍ തുടരുകയാണ്‌. പൌവ്വത്തില്‍ തന്നെ നേരിട്ടു ഇറങ്ങിക്കഴിഞ്ഞു. സഹിക്കാന്‍‍ പറ്റുന്നില്ല കാലാകാലങ്ങളായി കൈയില്‍ വന്നുകൊണ്ടിരിക്കുന്ന കാശിനാണ് ചിലരൊക്കെ തുരങ്കം വക്കാന്‍ നോക്കുന്നത്. പതിവുപോലെ സിദ്ധാന്തക്കാരെ കുറേ ചീത്തയും വിളിച്ചപ്പോള്‍ കിളവനു സമാധാനം. പോസ്റ്റു ചെയ്യുന്ന പുത്തന്‍ കത്തനാര്‍ക്ക് നിര്‍വൃതി. അല്ല കത്തനാരെ ഈ പത്രത്തില്‍ ആരോ ഒരു ലേഖനം എഴുതിയതിന് ഇവിടത്തെ കമ്യൂണിസ്റ്റുകള്‍ എന്ത് പിഴച്ചു? തെറ്റ് ലേഖകന്റെ ഭാഗത്ത് അല്ലെ അല്ല , അതൊക്കെ ഇടതു പക്ഷക്കാരുടെ തലയില്‍ തന്നെ. സിദ്ധാന്തക്കാര്‍ എന്നാണു പുതിയ വാക്കു. ഈ ലേഖനം, പത്രത്തില്‍ വന്ന ലേഖനം, അത്ര നീളമുള്ള ലേഖനം ഒന്നുമായിരുന്നില്ല. അതില്‍ ചോദിച്ചിരിക്കുന്ന ചോദ്യങ്ങള്‍ പലപ്പോഴും ഞാനടക്കം പലരും ചോദിച്ചിട്ടുള്ളത് തന്നെ ആണു. എങ്കിലും കുറച്ചുകൂടി വിശദമായി ചോദിയ്ക്കാന്‍ ഒരു ആഗ്രഹം.
ഹിന്ദു ക്ഷേത്രങ്ങള്‍ ദേവസ്വം ബോര്‍ഡിന്റെ കീഴില്‍ വരുന്നു. അവിടെ നിന്നും കിട്ടുന്ന വരുമാനം പൊതു ഖജനാവിലേക്ക് പോകുന്നു. മുസ്ലിം വ്യക്തി നിയമ ബോര്‍ഡ്‌ തുടങ്ങി ഇസ്ലാം മതത്തിന്റെ പ്രവര്‍ത്തനങ്ങളെ നിരീക്ഷിക്കുന്ന ഒന്നിലധികം കമ്മിറ്റികള്‍ ഇവിടെ ഉണ്ട്. പക്ഷെ ക്രിസ്തിയാനികളെ നിയന്ത്രിക്കാന്‍ മാത്രം ഒരു നിയമവും ഇല്ല. മെത്രാന്‍ ബ്ലോഗില്‍ എഴുതിയിട്ടുള്ളത് ന്യൂനപക്ഷ അവകാശം എന്നത് കല്പാന്തകാലം വരെ നില നില്ക്കുന്ന ഒന്നാണെന്നും ഒക്കെ ആണു. പിന്നെ ആ എഴുത്തില്‍ ചില സത്യങ്ങള്‍ കൂടി അങ്ങേര്‍ അറിയാതെ കടന്നു വന്നിട്ടുണ്ട്.
"നമ്മുടെ ഭരണഘടനാപരമായ മതേതരത്വം ഒരു മതത്തിനുവേണ്ടി മാത്രമായിരുന്നില്ല. എല്ലാ മതങ്ങളോടും തുല്യസമീപനം പുലര്‍ത്താന്‍ വേണ്ടിയായിരുന്നു."
വേണ്ടി ആയിരുന്നു.. ആണ് എന്നല്ല. എല്ലാ മതങ്ങള്‍ക്കും തുല്യ അവകാശം എന്നതിന് ഇവര്‍ എന്തെങ്കിലും വില കൊടുക്കുന്നുണ്ടോ എന്ന കാര്യം നമ്മള്‍ എല്ലാവര്‍ക്കും നന്നായി അറിയാം. എന്തിലും ഇതിലും തങ്ങള്‍ക്കു ലാഭമുള്ളത് മാത്രം എടുത്ത ശേഷം ബാക്കിയെല്ലാം മഹാ പാപം എന്ന മനോഭാവം ഇവര്‍ എന്നും കൊണ്ടു നടക്കുന്നു. മാതൃഭൂമിയില്‍ വന്ന ലേഖനത്തില്‍ ലേഖകന്‍ ഒരു ചെറിയ പ്രസ്താവന നടത്തിയിരുന്നു. അധ്യാപക നിയമനത്തിന് കാശ് വാങ്ങാന്‍ മാനേജമെന്റും അവര്ക്കു ശമ്പളം കൊടുക്കാന്‍ സര്‍ക്കാറും എന്ന ഭ്രാന്ത് ഇവിടെ അല്ലാതെ വേറെ എവിടെയും കാണില്ല എന്നാണ് ലേഖകന്‍ പറഞ്ഞത്. ഇതു ശരിയല്ലേ എന്ന് ചോദിക്കുന്നവര്‍ക്കുള്ള മറുപടി മൌനമോ അല്ലെങ്കില്‍ ചീത്തവിളിയോ ആകുകയാണ് പതിവു. കാരണം തങ്ങളുടെ കാശുവരവിന് തടസ്സം വരുന്നത് മാത്രം ആണ് മെത്രാന്മാര്‍ക്ക് സഹിക്കാന്‍ പറ്റാത്ത ഒരേ ഒരു കാര്യം. ഇക്കാര്യം ഒറീസ്സ സംഭവങ്ങള്‍ നടന്ന കാലത്തും ഇവിടെ വായിക്കപ്പെട്ട ഇടയ ലേഖനങ്ങള്‍ ഊട്ടി ഉറപ്പിക്കുന്നുണ്ടല്ലോ.
ബ്ലോഗില്‍ നിന്നും മറ്റൊരു ഭാഗം : "ന്യൂനപക്ഷാവകാശം കേവലം വിദ്യാഭ്യാസ അവകാശം മാത്രമാണ്‌. എന്നാല്‍ സംവരണം വിദ്യാഭ്യാസരംഗത്തും സര്‍ക്കാര്‍ ഉദ്യോഗങ്ങളിലും എല്ലാമുള്ള പ്രത്യേക പരിഗണനയാണ്‌. അതുപോലെ, ന്യൂനപക്ഷാവകാശം ഭാഷാമതന്യൂനപക്ഷങ്ങള്‍ തങ്ങളുടെ പണംമുടക്കി സ്ഥാപിച്ചുനടത്തുന്ന വിദ്യാലയങ്ങളില്‍ പരമാവധി അവരുടെ വിദ്യാര്‍ത്ഥികളെ പ്രവേശിപ്പിക്കാനും തങ്ങളുടെ അധ്യാപകരെ നിയമിച്ചുനടത്തിക്കൊണ്ടുപോകുവാനുമുള്ള അവകാശമാണ്‌".
ദയവായി ഒന്നുകൂടി ഇതു വായിക്കുക. എനിക്കിതു ശരിക്കും മനസ്സിലായില്ല. ഇതിന്റെ അവസാനത്തെ ഭാഗത്തില്‍ ആണ് ചോദ്യത്തിനുള്ള ഉത്തരം. പക്ഷെ തങ്ങളുടെ അധ്യാപകരെ കാശ് വാങ്ങി നിയമിക്കാനുള്ള അവകാശം എന്നേതായാലും പറഞ്ഞിട്ടില്ല. സമാധാനം. ഇതിന്റെ അവസാന ഭാഗം വിദ്യാലയങ്ങളുടെ ന്യൂന പക്ഷ പദവി സംബന്ധിച്ച വിവാദങ്ങള്‍ നടക്കുമ്പോള്‍ കേട്ട കുരകളുമായി ഒന്നു ചേര്ത്തു വായിക്കേണ്ടതാണ്.
ക്രോസ് സബ്സിഡി പാടില്ല എന്ന കോടതി വിധി ഇവര്‍ പാടി നടക്കാറുണ്ട്. അതിന്റെ അവരുടെ ഭാഷയിലെ വിശദീകരണം ഇങ്ങനെയാണ്. ഒരു സമുദായത്തിലെ കുട്ടികളുടെ ചെലവില്‍ മറ്റു സമുദായത്തിലെ കുട്ടികള്‍ പഠിക്കരുത്. ഞാന്‍ പറഞ്ഞതില്‍ തെറ്റുണ്ടോ ? ഇതുതന്നെ ആണ് അവര്‍ വിശ്വാസികളെ ഇളക്കി വിടാനും പറഞ്ഞിരുന്നത്. ഓരോ കത്തോലിക്കനും തങ്ങളുടെ മക്കള്‍ക്കൊപ്പം രണ്ടു അന്യ മതക്കാരായ കുട്ടികളെക്കൂടി പഠിപ്പിക്കേണ്ടി വരും എന്ന്. അത് പറയുമ്പോളും ഇവിടെ കാലാ കാലങ്ങളായി നടന്നു വരുന്ന ഒരു ക്രോസ് സബ്സിഡി അവര്‍ മനപൂര്‍വ്വം മറക്കുന്നു. ഇവിടത്തെ ന്യൂന പക്ഷത്തിന്റെ അവകാശപ്പെരുമഴയില്‍ അവരെ എന്നും പോറ്റുക എന്ന കടമ ഏറ്റെടുക്കേണ്ടി വന്ന ഭൂരിപക്ഷത്തെ കുറിച്ച്. വിദേശത്ത് നിന്നും വരുന്നതടക്കം ഇവിടത്തെ കത്തോലിക്കാ പള്ളികളിലെ വരുമാനം ആരും പരിശോധനകള്‍ക്ക് വിധേയമാക്കാറില്ല. പള്ളികളില്‍ നേര്‍ച്ചയായി കിട്ടുന്ന പണവും വിവിധ വിദ്യാഭ്യാസ സ്ഥാപനങ്ങളില്‍ നിന്നും ലഭിക്കുന്ന ഫീസും പിന്നെ അധ്യാപക നിയമനത്തിന് കൈക്കൂലി വാങ്ങുന്ന കാശും ഒക്കെ പോകുന്നതു എങ്ങോട്ടാണെന്ന് ആര്‍ക്കറിയാം ? സാധാരണ വിശ്വാസി നിശ്ചിത തുക പള്ളിക്ക് നല്‍കണം. ഇതും അട്യാപകരോട് നിയമന സമയത്തു വാങ്ങുന്ന കൈക്കൂലിയും ഒക്കെ സ്ഥാപനങ്ങളില്‍ ശമ്പളം കൊടുക്കാനാണ് എന്ന് ഇവര്‍ ഒരു നല്ല വിഭാഗം വിശ്വാസികളെയും പറഞ്ഞു പഠിപ്പിച്ചു വച്ചിരിക്കുന്നു. എന്നാല്‍ കൈക്കൂലി മാനേജ് മെന്റിനും ശമ്പളം കൊടുക്കുന്നത് സര്‍ക്കാരും ആണെന്ന് ഇവര്‍ ഇന്നും പരസ്യമായി സമ്മതിക്കാറില്ല. ശബരിമലയില്‍ നിന്നും ഗുരുവായൂര് നിന്നും ഒക്കെ കിട്ടുന്ന പണം അങ്ങനെ അധ്യാപകര്‍ക്ക് ശമ്പളമായി കിട്ടുന്നു.. കത്തോലിക്കരായ അധ്യാപകര്‍ അതില്‍ ഒരു പങ്ക് പള്ളിയില്‍ കൊടുക്കണം.. അങ്ങനെ കാശ് മുഴുവന്‍ പീഡിത മര്‍ദ്ദിത അവശ ന്യൂനപക്ഷത്തിനു വന്ന് ചേരുന്നു. എന്നാല്‍ ഈ പണം കൊണ്ടു സാധാരണ വിശ്വാസികള്‍ക്ക് എന്തെങ്കിലും ഉപകാരം ഉണ്ടെന്നു ആരും വിചാരിക്കണ്ട.

കത്തോലിക്കരുടെ സ്വാശ്രയ കോളേജ് കളില്‍ അവര്‍ പാവപ്പെട്ട വിദ്യാര്‍ഥികളെ സൌജന്യമായി പഠിപ്പിക്കുന്നു എന്ന അവകാശവാദവും പച്ചക്കള്ളമാണ്. ഫീസുകൊടുക്കാന്‍ വശമില്ല എങ്കില്‍ അവര്‍ അവരുടെ പേരില്‍ വിദ്യാഭ്യാസ വായ്പ എടുക്കാറുണ്ട്. അല്ലാതെ സൌജന്യമായി ആരെയും ഇവര്‍ പഠിപ്പിക്കുന്നില്ല. കള്ളം പറയുകയും അത് വിശ്വാസികളെ നിര്‍ബന്ധിച്ചു വിശ്വസിപ്പിക്കുകയും ചെയ്യുന്നത് ഇവര്‍ ഒന്നാം നൂറ്റാണ്ട് മുതല്‍ തന്നെ തുടര്‍ന്ന് വരുന്ന ഒരു കാര്യം ആണല്ലോ. മത്തായി ചാക്കോ അന്ത്യ കൂദാശ സ്വീകരിച്ചാണ് മരിച്ചതെന്ന് വെളിപാടുണ്ടായ കഥയൊക്കെ വിശ്വാസികള്‍ അപ്പൊ തന്നെമറക്കുമല്ലോ .. ഇല്ലെങ്കില്‍ മറക്കണം എന്നൊരു ഇടയ ലേഖനവും വായിക്കാം. കാര്യം കഴിഞ്ഞു .

ഇങ്ങനെ അധികാരത്തിന്റെ മത്തുപിടിച്ച് ആകാശത്ത് നോക്കി ഓലിയിടുന്ന പിതാക്കന്മാരും അവര്‍ക്ക് ഓശാന പാടാന്‍ നടക്കുന്ന രുബിനെ പോലുള്ള പുത്തന്‍ പാതിരികളും ആണ് ക്രിസ്തിയാനികളുടെ ശബ്ദം എന്നൊക്കെ തെറ്റിദ്ധരിക്കപ്പെടുമ്പോള്‍ ഒരീസ്സകള്‍ ഇനിയും ഉണ്ടാകും. എതിര്‍ക്കുന്നവരെ ഒന്നടങ്കം കൊന്നൊടുക്കി ശീലിച്ചവര്‍ എതിര്‍പ്പുകള്‍ക്ക് മറുപടി പറയാന്‍ ഇല്ലാതെ വരുമ്പോള്‍ എതിര്‍ക്കുന്നവര്‍ക്ക് നേരെ വിഷം ചീറ്റുകയും എന്നും തലയാട്ടി ശീലിച്ച വിശ്വാസികളെ തെരുവിലിറക്കി ഭീഷണി മുഴക്കുകയും ചെയ്യുന്നതിനെ തീവ്രവാദം എന്ന് വിളിക്കുന്നതില്‍ എന്താണ് തെറ്റുള്ളത്? എത്ര കിട്ടിയാലും മതിയാകാതെ മുഴുവനും തങ്ങള്‍ക്കു തന്നെ വേണം എന്ന് വാശി പിടിക്കുന്നതിനെ ദൈവ വിശ്വാസത്തിന്റെ വിശേഷ രൂപം എന്നാണോ വിളിക്കേണ്ടത് ? അവരുടെ ബ്ലോഗു വായിക്കുന്നവര്‍ അതിന്റെ വശങ്ങളില്‍ എഴുതി വച്ചവയും പോസ്റ്റുകളിലെ ഉള്ളടക്കവും മെത്രാന്മാരുടെ ആനുകാലിക നിലപാടുകളും ഒന്നു താരതമ്യം ചെയ്യുന്നത് ഒരു ദിവസത്തേക്ക് ചിരിക്കാനുള്ള വക ഉണ്ടാക്കിത്തരും.

ചൈനയെ കുറിച്ചുള്ള ആശങ്കകളും വിമര്‍ശനങ്ങളും ബ്ലോഗില്‍ ഒരുപാടു കാണാന്‍ കഴിയും. ഇതിന്റെ കാരണം ചൈനയുമായുള്ള അതിര്‍ത്തി തര്‍ക്കവും ഒന്നും ആണെന്ന് തെറ്റിദ്ധരിക്കരുതേ.. അതിന്റെ കാരണം വേറെ ആണ്. ചൈനയില്‍ രണ്ടു വിഭാഗം ക്രിസ്തിയാനികള്‍ ഉണ്ട്. ഒന്നു ചൈനയോടും ദൈവത്തോടും പിന്നെ ക്രിസ്തീയതയോടും കൂറ് പുലര്‍ത്തുന്നവരും മറ്റൊന്ന് വത്തിക്കാനോടും അവരുടെ ധാര്‍ഷ്ട്യതോടും കൂറ് പുലര്‍ത്തുന്നവരും. രണ്ടാമത്തെ വിഭാഗത്തില്‍ സാധാരണ കത്തോലിക്കാ അധികാരികളില്‍ പ്രകടമായ ദേശസ്നേഹം ഇല്ലായ്മ നന്നായി ഉണ്ട്. ആദ്യത്തെ വിഭാഗം ചൈനീസ്‌ സര്‍ക്കാരിന്റെ നിയന്ത്രണത്തില്‍ ആണ്. അവരിലെ മെത്രാന്മാരെ നിയമിക്കുന്നത് സര്‍ക്കാര്‍ ആണ്. വത്തിക്കാന്റെ കൂറുകാര്‍ക്ക് ചോറും പ്രത്യേക അവകാശങ്ങളും കൊടുക്കുന്ന ഇന്ത്യയെക്കാള്‍ ഈ നില മെച്ചം തന്നെ അല്ലെ? ഇതു വത്തിക്കാന് സഹിക്കാന്‍ കഴിയില്ല. അവരുടെ കാലുനക്കികള്‍ക്കും. ഇല്ലെങ്കില്‍ ലക്ഷക്കണക്കിന്‌ ആളുകളെ കൂട്ടക്കൊല ചെയ്ത ചരിത്രം ഉള്ള കത്തോലിക്കര്‍ ചൈനയിലെ ജനാധിപത്യ ധ്വംസനങ്ങളെ പറ്റി കണ്ണീരോഴുക്കുന്നതിന്റെ കാര്യം മറ്റെന്താണ് ? വിശ്വാസികള്‍ മരിച്ചാല്‍ ഇനിയും ഉണ്ടാക്കാമെന്നും പള്ളി തകര്‍ത്താല്‍ വേറെ പണിയാമെന്നും പറഞ്ഞവരാണ് ഇതും പറയുന്നതു എന്നോര്‍ക്കണം.
കൊന്നു തള്ളി പ്രശ്നങ്ങള്‍ തീര്‍ത്തിരുന്ന സിംഹങ്ങള്‍ പല്ലു കൊഴിഞ്ഞപ്പോള്‍ പട്ടിയെപോലെ കുരക്കുന്നതിനെ നമ്മള്‍ എന്ത് വിളിക്കും?

പത്തു തലകളും വില്പനയ്ക്ക് ..

2009-08-05T13:24:00.001+05:30

കമന്റ് മോഡറേഷന്‍ വഴി നമ്മുടെ ജീര്‍ണലിസ്റ്റുകള്‍ സ്തുതിപാഠകരുടെ കീര്‍ത്തനങ്ങളും കേട്ട് സുഖിച്ചു ജീവിക്കുന്നു. അവരുടെ തെണ്ടിത്തരം തുറന്നു കാട്ടിയവര്‍ പര തെണ്ടികളായി അവശേഷിക്കുന്നു. പാവം സൂരജണ്ണന്‍.. വെറുതെ വീട്ടുകാരെയും ചീത്ത കേള്‍പിച്ചു. മാരീചനും റോബിയും ഒക്കെ നോട്ടപ്പുള്ളികളായി. മൂര്‍ത്തി അനഭിമതരുടെ പട്ടികയിലേക്ക് ഉയര്‍ത്തപ്പെട്ടു. മരത്തലയന് എന്ത് പ്രശ്നം.. കാല്‍കുലെടറിന്റെ ബാറ്ററി കുറെ തീര്‍ന്നു.
വ്യക്തിപരമായ ആരാധനകള്‍ ഇല്ലാത്തവനും മലീമസമാകാത്ത മനസാക്ഷിയുടെ ഉടമയും സര്‍വോപരി സമൂഹ മനസ്സാക്ഷിയുടെ കൂട്ടിക്കൊടുപ്പ്.. അയ്യോ.. കൂട്ടിവയ്പ്പ്കാരനും ഒക്കെ ആയ മെര്‍ക്ക് മഹാന്‍ ഇതാ ലങ്കയില്‍ വിരാജിക്കുന്നു. അസത്യവാദികള്‍, വെള്ളപൂശിയ ജീവിച്ചിരിക്കുന്ന ശവകുടീരങ്ങള്‍ തുടങ്ങിയ അഭിനവ രാമന്മാരെ ലങ്കയുടെ നാലയലത്ത്‌ അടുപ്പിക്കാതെ നോക്കാന്‍ ഗൂഗിള്‍ കനിഞ്ഞു നല്കിയ മോഡറേഷന്‍ പവറിനെയും പിന്നെ എണ്ണിയാല്‍ ഒടുങ്ങാത്ത സഹൃദയ വായനക്കാരെയും കാവല്‍ നിര്‍ത്തി അദ്ദേഹം ഉറഞ്ഞു തുള്ളുകയാണ്.
രാവണന്‍ എന്ന പഴയ രാജാവിന് അമളികള്‍ അധികമൊന്നും പറ്റിയതായി ജയ്‌ ഹനുമാനില്‍ ഒന്നും കണ്ടതായി ഓര്‍ക്കുന്നില്ല. സീതയെ കണ്ടു, ഇഷ്ടപ്പെട്ടു.. പിടിച്ചോണ്ട് പോന്നു. ആണുങ്ങള്‍ പോയി കഥയും കഴിച്ചു. എന്നാലും ആ രാവണന്‍ ഒന്നു യുദ്ധം ചെയ്തുതന്നെയാണ് മരിച്ചത്. നമ്മുടെ രാവണന് ഗറില്ല യുദ്ധം ആണ് വശം. കമന്റുകളുമായി ഓരോരുത്തരും ലങ്കക്കുള്ളില്‍ നുഴഞ്ഞു കയറുമ്പോള്‍ ഉടനെ തലക്കടിച്ചു വീഴ്ത്താം. ഈ രാവണന്‍ മേനോന്‍ ആണെന്ന് തോന്നുന്നു. കാരണം ഒരു കമന്റില്‍ ജാതിപ്പേര് വിളി ആണോ എന്ന് സംശയിച്ച് ഒന്നു ഗര്‍ജ്ജിച്ചു നോക്കി നാണം കേട്ട ചരിത്രവും ഉണ്ടായിട്ടുണ്ട്. മേനോന്‍ മാര്‍ അങ്ങനെ ആണെന്നല്ല ഞാന്‍ പറഞ്ഞതു. ദയവായി ക്രൂശിക്കരുത്. ഇങ്ങനെ തെറ്റിദ്ധാരണയുടെ പേരില്‍ വരെ ജാതിയെ കുറിച്ച് ഓര്‍ത്ത് ആകുലനാകുന്ന, വര്‍ഗീയ വാദി അല്ലെന്നു പ്രഖ്യാപിച്ച, കേരള രാജ്യത്തെ ബ്ലോഗര്‍മാരായ ബ്ലോഗര്‍മാരെ ഒക്കെ മര്യാദയും പെരുമാറ്റവും ചട്ടങ്ങളും പഠിപ്പിക്കുന്ന മഹാനായ സത്യസന്ധന്റെ അമളി കണ്ടു ഒന്നു ചിരിച്ചത് മാത്രം.
വ്യക്തിപരമായ അധിക്ഷേപം മഹാന്റെ മുഖമുദ്രയാണ്. ഇക്കാര്യം ഒന്നു ചൂണ്ടിക്കാണിക്കുന്നത് പോലും അദ്ദേഹത്തിന് സഹിക്കാത്ത കാര്യമാണ്. എവെആ സൂരജിനോടാണ് ദേഷ്യം ഒക്കെ തീര്‍ത്തത്. അങ്ങനെ ഇരിക്കുമ്പോളാണ് പുതിയ ചിന്ത ഉദിച്ചത്. കുറെ അവന്മാര്‍ കമ്യൂണിസ്റ്റ്‌ നേതാക്കളായി വിലസുന്നുണ്ട്. പത്തു തല ഉള്ളതുകൊണ്ട് രാഷ്ട്രീയ ചായ്‌വ് ഉള്ള കമ്യൂണിസ്റ്റ്‌ ബ്ലോഗര്‍മാര്‍ ഒരു വിഷയമേ അല്ല. പിന്നെ ഈ ചീള് കേസുകളോട് എന്തിന് വായിട്ടലക്കണം ? അപ്പൊ കൊടുക്കാം ഒരു പ്ലേറ്റ്, വലിയ നേതാവിനിട്ടു തന്നെ. അങ്ങനെ പ്രകാശ്‌ കാരാട്ടിന്റെ ജീവ ചരിത്രം ഒന്നു മാന്തി നോക്കി. കിളുന്തു ചെക്കന്‍.. അയ്യേ.. വേണ്ടത് തന്നെ കിട്ടി. കമ്യൂണിസ്റ്റ്‌ പാര്‍ടിയുടെ വലിയ പ്രശ്നം കാരാട്ടിന്റെ ജീവ ചരിത്രമാണ്. ഇതിലൂടെ അവര്‍ സ്ഥാപിക്കാന്‍ ശ്രമിക്കുന്നത് എന്താണെന്ന് മനസ്സിലായില്ല. ചിലപ്പോ വ്യക്തി ആരാധന സമ്മാനിച്ച അന്ധത്വം തന്നെ ആയിരിക്കും കാരണം. കമന്റുകള്‍ എഴുതിയവര്‍ക്കൊക്കെ കാര്യങ്ങള്‍ നന്നായി മനസ്സിലായിട്ടുണ്ട്. പലരും കമ്യൂണിസ്റ്റ്‌ പാര്‍ടി വലിയ ആപത്തില്‍ ആണെന്നും എന്തൊക്കെയോ സ്വപ്നങ്ങള്‍ കരിഞ്ഞു പോയിട്ടുണ്ടെന്നും ഒക്കെ പറയുന്നു. വി എസിനെ കുറിച്ചു മെര്‍ക്ക് പോലും കണ്ണീര്‍ ഒഴുക്കുന്നു. കണ്ടു നില്ക്കുന്ന എനിക്കും കരച്ചില്‍ വരുന്നു. ഇതിനൊക്കെ കാരണം ? കാരാട്ട് ലണ്ടനില്‍ പോയി പഠിച്ചു. റങ്കൂണില് ജനിച്ചു. ജനന തീയതി തെറ്റായി നല്കി. മണിയടി നടത്തി. അങ്ങനെ കമ്യൂണിസ്റ്റ്‌ പാര്‍ട്ടി ആകെ അപകടത്തിലായി. അതിന്റെ സ്വാധീനത്തില്‍ കുറവ് വന്നതില്‍ രാവണന് സംങ്കടം സഹിക്കാന്‍ കഴിയുന്നില്ല.
മഹാനായ വി എസിനെ പാര്‍ടി ചവിട്ടി താഴ്തുകയാണ്. സമൂഹ മനസ്സാക്ഷിയുടെ കൂട്ടിക്കൊടുപ്പുകാരന്‍ ഇതാ അര മുറുക്കി രംഗത്ത് എത്തിക്കഴിഞ്ഞു. ഇനി വി എസിന് ഒന്നും പേടിക്കാനില്ല. പാര്‍ടിയില്‍ സംഭവിച്ചതിന്റെ ഒക്കെ കാരണം എല്ലാവര്ക്കും മനസ്സിലായിക്കഴിഞ്ഞു. ഇനിയെന്ത് ? രാവണന്‍ കാരാട്ടിനോട് ഒരു വലിയ കരുണ കൂടി കാണിച്ചു. ചെറുപ്പത്തില്‍ നിക്കര്‍ മാത്രം ഇട്ടുനടന്ന കാലം ഒരു വലിയ ഇഷ്യൂ ആക്കി കാരാട്ട് ഒരു ബോഡി ബില്‍ടരും മോഡലും ഐടം ഡാന്‍സ് കാരനും ഒന്നും ആണെന്ന് സ്ഥാപിച്ചില്ല. രാവണന്‍ എങ്ങാനും പറഞ്ഞു പോയാല്‍ പിന്നെ മാറ്റമുണ്ടോ ? എതിര്‍ത്ത് പറയാനുള്ള തലയും വിവരവും നമ്മള്‍ക്ക് ആര്‍ക്കെങ്ങ്കിലും ഉണ്ടോ? പറഞ്ഞെങ്ങാനും പോയാല്‍ പിന്നെ വീട്ടിലുള്ളവര്‍ക്ക് സമാധാനം കിട്ടുമോ? ഹൊ ആശ്വാസം. ആ വലിയ മനസ്സു ഒന്നു കാണാന്‍ നമ്മള്‍ ആരെങ്ങ്കിലും ഇതുവരെ ശ്രമിച്ചോ ?
മേര്ക്കുവണ്ണാ എനിക്കൊരു സംശയം, ഈ പരിപാടിയുടെ പ്രായോജകര്‍ ആരാണ്? പണ്ടൊക്കെ കത്തോലിക്കാ സഭ യുവാക്കളെ ഇളക്കി വിടുമ്പോള്‍ പറയാറുണ്ടായിരുന്നു പോലും ഒരു കമ്യുണിസ്റ്റ്‌ കാരനെ എങ്കിലും കൊന്നാല്‍ അവനെ ദൈവം അനുഗ്രഹിക്കും എന്ന് (പ്രധാനമായും യൂറോപ്പിലും അമേരിക്കയിലും). ഇനിയിപ്പോ അങ്ങനെ വല്ലതും ആണോ? അല്ല ആദ്യം പറഞ്ഞതാണ് കാര്യമെങ്ങ്കില്‍ ഒരു രാവണനെ ജീവചരിത്രം കുഴിച്ച് ഒന്നു ചെളി തേക്കാന്‍ ഉണ്ടായിരുന്നു. എങ്ങനെ ആണ് കാര്യങ്ങള്‍? പല നിക്ഷ്പക്ഷ മാധ്യമ പ്രമുഖരുടെയും സത്യസന്ധതയുടെ പ്രായോജകര്‍ പുറത്തായിട്ടുണ്ട്. അപ്പൊ ഇവിടത്തെ ഉദ്ദേശ്യം..

സ്വവർഗ്ഗ രതിയും മത വിശ്വാസങ്ങളും പിന്നെ നമ്മളും..

2009-07-18T21:46:00.000+05:30

സ്വവർഗ്ഗ രതി ദില്ലി ഹൈക്കോടതി ശരി വച്ചപ്പോൾ മുതൽ തുടങ്ങിയതാണ്‌ മത നേതാക്കന്മാരുടെ ബഹളം. നമ്മുടെ പ്രചാരകനെ പോലെ ഉള്ളവരും പിന്നെ കത്തോലിക്കാ സഭയുടെ ബ്ലോഗും ഒക്കെ ലോകം അവസാനിക്കാൻ പോകുന്നതുപോലെ ആണ്‌ മുറവിളി കൂട്ടുന്നത്‌. അങ്ങനെ പ്രകൃതി വിരുദ്ധ ലൈംഗികത എന്നത്‌ കഴിഞ്ഞ കുറേ ദിവസങ്ങളിലായി ഏറ്റവും അധികം കേൾക്കുന്ന വാക്കും ആയി. അങ്ങനെ ഇരിക്കുമ്പോളാണ്‌ എനിക്കൊരു സംശയം വന്നത്‌. എന്താണ്‌ പ്രകൃതി വിരുദ്ധം എന്നത്‌ കൊണ്ട്‌ ഉദ്ദേശ്ശിക്കുന്നത്‌? പ്രകൃതി എന്ന വാക്ക്‌ പ്രധാനമായും രണ്ട്‌ അർത്ഥത്തിൽ ഉപയോഗികാറുണ്ട്‌ . ഒന്ന്‌ അത്‌ നമ്മുടെ ചുറ്റുപാടും കാണുന്നവയെ ( അതായത്‌ മരങ്ങളും മറ്റുള്ളവരും വിവിധ ജന്തുക്കളും ഒക്കെ അടങ്ങിയ ആ സംഭവം ) പൊതുവായി പ്രതിനിധീകരിക്കുന്ന വാക്ക്‌. മറ്റേ അർഥം പെരുമാറ്റ ശീലം എന്നൊക്കെ പറയുന്ന ആ അത്‌. പക്ഷെ രണ്ടാമത്തേതിനുള്ള ശരിയായ വാക്ക്‌ പ്രകൃതം എന്നാണല്ലോ. ആ നിലയിൽ പ്രകൃതി വിരുദ്ധം എന്നതു കൊണ്ട്‌ എന്തായിരിക്കും അർഥമാക്കുന്നത്‌? ന്യായമായും അത്‌ ആദ്യം പറഞ്ഞ ആ സംഭവത്തിന്‌ മൊത്തത്തിൽ കേടുപാടുകൾ വരുത്തുന്ന എന്തെങ്കിലും കാര്യം ആയിരിക്കില്ലേ?
ആണെന്നു തന്നെ ഞാൻ കരുതുന്നു. അനിയന്ത്രിതമായ മരം മുറിക്കൽ, മണൽ വാരൽ, കുന്ന്‌ നികത്തൽ ഇവയൊക്കെ തീർച്ചയായും പ്രകൃതി വിരുദ്ധം ആണെന്ന്‌ ഞാൻ കരുതുന്നു. ഈ സ്വവർഗ്ഗ രതി എങ്ങനെ പ്രകൃതി വിരുദ്ധമാകുന്നു എന്നത്‌ എനിക്കിനിയും മനസ്സിലാകാത്ത ഒരു കാര്യമാണ്‌. ചിലർ പറയുന്നു അത്‌ പ്രകൃതിയുടെ ആ ഒരു ഒഴുക്കിനും നിയമങ്ങൾക്കും വിരുദ്ധമാണെന്ന്‌. അതിപ്പൊ എങ്ങനെ പറയാൻ സാധിക്കും എന്നതാണ്‌ എന്റെ സംശയം. ഈ പറയുന്നവരുടെ അവകാശവാദം അനുസരിച്ച്‌ ബൈബിളും ഖുറാനും ആണ്‌ ഇതൊക്കെ തീരുമാനിക്കുന്നത്‌. ശാസ്ത്രത്തെക്കുറിച്ച്‌ പ്രത്ത്യേകിച്ച്‌ അവബോധം ഒന്നും ഇല്ലാതിരുന്ന കാലത്ത്‌ എഴുതപ്പെട്ടതും അന്നത്തെ ആളുകളുടെ ജീവിത രീതികളും സാമൂഹിക വ്യവസ്ഥിതികളും അനുസരിച്ച്‌ ചിട്ടപ്പെടുത്തിയതുമായ ഈ മത ഗ്രന്ഥങ്ങളുടെ ഇന്നത്തെ പ്രസക്തി ചോദ്യം ചെയ്ത്‌ വികാരങ്ങളെ വ്രണപ്പെടുത്തി ഒരു പ്രശ്നം ഉണ്ടാക്കാൻ എനിക്ക്‌ തൽക്കാലം ആഗ്രഹമില്ല. പക്ഷെ ഈ ഗ്രന്ഥങ്ങൾ അനുസരിച്ച്‌ വേണം ഒരു മതേതര രാജ്യത്തെ നിയമനിർമ്മാണം നടത്തേണ്ടതെന്ന്‌ വാശി പിടിക്കുന്നവരുടെ വാദത്തിലുള്ള ന്യായം എന്താണെന്ന്‌ എനിക്കിനിയും ഉൾക്കൊള്ളാൻ സാധിക്കുന്നില്ല. ന്യൂനപക്ഷ അവകാശങ്ങളെക്കുറിച്ച്‌ വായ തോരാതെ സംസാരിക്കുന്നവർ ഈ ലൈംഗിക ന്യൂനപ്ക്ഷത്തിന്റെ കാര്യത്തിൽ മാത്രം ഇങ്ങനെ ഒരു സമീപനം എടുക്കുന്നതിലെ ഉദ്ദേശ്യം ഏതായാലും നല്ലതാകാൻ വഴിയില്ല.
സ്വവർഗ്ഗ ലൈംഗികതയെ എതിർത്ത്‌ കത്തോലിക്കരുടെ ബ്ലോഗിൽ വന്ന പോസ്റ്റ്‌ പണ്ടൊരു കത്തോലിക്കൻ ആയിരുന്ന എന്നെ ആശയക്കുഴപ്പത്തിലാക്കിയ ഒന്നാണ്‌. മത പഠന ക്ലാസ്സുകളിൽ ഞങ്ങളേയൊക്കെ പഠിപ്പിച്ചതും പുസ്തകങ്ങളിൽ പറയുന്നതും പ്രകാരം ലൈംഗികത സന്താനോൽപാദനം ഉദ്ദേശിച്ചുള്ള ഒരു പ്രക്രിയ മാത്രമാണ്‌. ഇതിനെ സുഖാസ്വാദനത്തിനു വേണ്ടി ഉപയോഗിക്കുന്നത്‌ മാരകമായ പാപമാണെന്നും ആണ്‌. ഏഴാം ക്ലാസ്സിൽ ഇത്‌ കേൾക്കുന്ന കുട്ടികൾ ന്യായമായും പേടിച്ചു പോകും. ഇതിൽ വിവാഹേതരം എന്നോ വൈവാഹിക ബന്ധത്തിൽ ഉള്ളതെന്നോ ഒന്നും വ്യത്യാസം ഇല്ലെന്നാണ്‌ അന്നു പറഞ്ഞത്‌. പക്ഷെ ആ ബ്ലോഗിൽ ലേഖകൻ പറയുന്നത്‌ ലൈംഗികത ജീവിതത്തിന്റെ വിവിധ ഭാഗങ്ങളെയും ആസ്വാദ്യകരമാക്കുന്നു എന്നാണ്‌. പാപം! ഇതിനെ ന്യായീകരിക്കാൻ നൽകിയ ബൈബിൾ റഫറൻസുകൾ ഒന്നും തന്നെ സ്വവർഗ്ഗ ലൈംഗികത പ്രകൃതി വിരുദ്ധമാണെന്നോ പാപമാണെന്നോ പറയുന്നില്ല. ഞാൻ വായിച്ചിട്ടുള്ളാ ബൈബിൾ ഒന്നും ഇതിനെ പാപം എന്ന്‌ വിളിക്കുന്നുമില്ല. വ്യഭിചാരത്തിന്റെ പഴയനിയമത്തിലോ പുതിയ നിയമത്തിലോ ഉള്ള നിർവചനങ്ങൾ ഒന്നും സ്വവർഗ്ഗ രതിയിൽ ബാധകമാകുന്നില്ല. ഒരുപക്ഷെ ദൈവം ബൈബിൾ ഫാക്സ്‌ അയച്ചു കൊടുത്തപ്പോൾ അത്‌ വഴിയിൽ വീണു പോയതായിരിക്കും. ഏതായാലും അത്‌ വ്യഭിചാരത്തിന്റെ പരിധിയിൽ വരാത്തതിനാൽ (ബൈബിൾ പ്രകാരം) ദൈവ കൽപനകളുടെ ലംഖനവും നടക്കുന്നില്ല.
അപ്പോൾ ഈ സംഭവം എങ്ങനെ പാപവും പ്രകൃതി വിരുദ്ധവും ആയി? ആ ബ്ലോഗിൽ തന്നെ ഇക്കാര്യം ഏതോ മാർപ്പാപ്പ തീരുമാനിച്ചെന്ന മട്ടിലാണ്‌ കണ്ടത്‌. അത്‌ കുടുംബ ബന്ധങ്ങളുടെ പവിത്രത തകർക്കുമെന്നും സന്താനോൽപാദനകരം അല്ലാത്തതിനാൽ ലൈംഗികതയെക്കുറിച്ചുള്ള ക്രിസ്തീയ പ്രബോധനത്തിന്‌ നിരക്കാത്തത്താണെന്നും കണ്ടുപിടിക്കപ്പെട്ടിരിക്കുന്നു. ഈ മാർപ്പാപ്പ വത്തിക്കാനിലേയോ മറ്റോ എന്തൊ രാജാവൊക്കെയണ്‌ എന്നറിയാം. സ്വവർഗരതി നിയമവിധേയമാക്കിയ മറ്റു രാജ്യങ്ങളോടൊന്നും ഈ രാജാവ്‌ യുദ്ധം ഒന്നും ചെയ്തതായി അറിയില്ല. അപ്പൊ വത്തിക്കാനിലെ രാജാവിനെ അനുസരിക്കാൻ ഇന്ത്യക്കാർക്കുള്ള കടപ്പാട്‌ എന്താണെന്നും എനിക്കറിയില്ല. ഈ പ്രവണത അത്യന്തം അപകടകരമാണ്‌.
ഒരാൾക്ക്‌ ലൈംഗികമായ താത്പര്യം അയാളുടെ തന്നെ വർഗ്ഗത്തിൽ പെട്ട ആളൊടാണെങ്കിൽ അയാൾക്ക്‌ ഒരു സാധാരണ വിവാഹ ജീവിതം സാധ്യമാകില്ല എന്നുള്ളത്‌ എല്ലാവർക്കും അറിയാം. പിന്നെ പണ്ടു പറയാറുള്ളത്‌ പോലെ ഒരു കല്യാണം കഴിപ്പിച്ചാൽ നന്നായേക്കും എന്ന ലൈനാണെങ്കിൽ എനിക്കൊന്നും പറയാനില്ല.
അപ്പോൾ ബൈബിളിൽ ഉള്ള ചെറിയൊരു ഭാഗം ഓർമ്മ വന്നു. ഒരിക്കൽ അന്ധനോ മുടന്തനോ എന്നൊർമ്മയില്ല, ആയ ഒരാളെ കണ്ടപ്പോൾ ശിഷ്യന്മാർ യേശുവിനോട്‌ ചോദിച്ചു ആരുടെ പാപം നിമിത്തമാണ്‌ ഇയാൾ ഇങ്ങനെ ആയതെന്ന്‌. അയാളെ സുഖപ്പെടുത്തിക്കൊണ്ട്‌ യേശു പറഞ്ഞു, ഇത്‌ ആരുടേയും പാപം നിമിത്തം സംഭവിച്ചതല്ല, മറിച്ച്‌ ദൈവത്തിന്റെ പ്രവർത്തികൾ ഇവനിലൂടെ പ്രകടമാകുവാൻ വെണ്ടിയാകുന്നു. That hits it.. ബൈബിൾ അനുസരിച്ചാണെങ്കിൽ ഇത്‌ ദൈവത്തിന്റെ നേരം പോക്ക്‌ മാത്രം. എന്നിരുന്നാലും എതിർ ലിംഗത്തിൽ പെട്ട ഒരാളെ ആസക്തിയോടെ നോക്കുന്നതുവരെ വ്യഭിചാരം ആണെന്നു പറയുന്നവരുടെ ഇടയിൽ ഈ പാപത്തിനെ ചെറുത്ത്‌ തോൽപ്പിച്ച്‌ സ്വ ലിംഗവർഗ്ഗത്തിൽ പെട്ട ഒരാളിലേക്ക്‌ തന്റെ താത്പര്യത്തെ വഴി തിരിച്ചു വിടുന്നതു വഴി Defined ആയ പാപങ്ങൾ ഒന്നും ചെയ്യാതിരിക്കാൻ ചിലരെയങ്കിലും അനുഗ്രഹിച്ച പരമ കാരുണികനായ ദൈവത്തോട്‌ നന്ദി പറയുന്നതിനു പകരം അവർക്ക്‌ രോഗമാണെന്നും അവരെ ചികിത്സിക്കണം എന്നും ഒക്കെ പറയുന്നത്‌ ദൈവത്തിന്റെ ഇഷ്ടത്തിന്‌ വിരുദ്ധമല്ലേ? പരമസത്യവും കാലങ്ങൾക്കവസാനം വരേയും മാറ്റമില്ലാതെ തുടരുന്നതുമായ വിശുദ്ധ ഗ്രന്ധം തെറ്റാണെന്ന്‌ പറയാത്ത ഒരു കാര്യം മനുഷ്യ സഹജമായ സകല ബലഹീനതകളും ഉള്ള മാർപ്പാപ്പ എന്ന സാധാരണക്കാരൻ തെറ്റാണെന്ന്‌ പറയുന്നതേങ്ങനെ? അല്ല മെത്രാന്മാർ സദാ കാലുമാറുകയും പറഞ്ഞത്‌ മാറ്റിപ്പറയുകയും ചെയ്യുന്നതുപോലെ ഇതും അങ്ങ്‌ പറഞ്ഞേക്കാമെന്നോ? അവർക്ക്‌ വേണ്ടതുപോലെ ബൈബിൾ മാറ്റി എഴുതാമെന്നോ? ദിസ്‌ ഈസ്‌ ചീറ്റിംഗ്‌..
സഭ ഗർഭനിരോധനത്തെ എത്തിർക്കുന്നതിന്റെ പ്രധാന കാരണം പണ്ട്‌ ഏദൻ തോട്ടത്തിൽ നിന്ന്‌ ആദത്തേയും ഹൗവ്വായേയും പുറത്താക്കിയ ദൈവം അവരേ ഭൂമിയിലേക്കയച്ചപ്പോൾ പറഞ്ഞു.. "പെരുകി വർദ്ധിക്കുവിൻ.. ഭൂമിയിൽ നിറഞ്ഞ്‌ അതിനെ കീഴ്പ്പെടുത്തുവിൻ". അപ്പോൾ ദൈവഹിതം അനുസരിക്കാൻ അത്യന്തം കടപ്പെട്ടവരായ പുരൊഹിത വർഗ്ഗത്തിന്‌ ബ്രഹ്മചര്യം നിർബന്ധമാക്കിയത്‌ ഒരു വിരോധാഭാസമല്ലേ? കൽപനകൾ അനുസരിക്കാത്തത്‌ഇന്റെ പേരിലുള്ള ദൈവകോപം അനുഭവിച്ചത്‌ പാവം അഭയയും മറ്റും. ഇവർക്കിതോക്കെ ആകാമായിരുന്നെങ്കിൽ അഭയ ചിലപ്പോ രക്ഷപ്പെടുമായിരുന്നു. പാവം. ഈ പറയുന്ന സ്നേഹനിധിയും പരമ കാരുണികനുമായ ദൈവം, തന്റെ ഏക പുത്രനെ മനുഷ്യനു നൽകാൻ തക്കവണ്ണം അവനെ സ്നേഹിച്ച ദൈവത്തിന്‌ ആദത്തോടും മറ്റും ഒന്ന്‌ ക്ഷമിച്ചാലും മതിയായിരുന്നു. ഇത്രയധികം വിരോധാഭാസങ്ങൾ ഉള്ള ഒരു പഴയ കഥാപുസ്തകമാണല്ലോ പലരുടെയും നിയമ നിർമ്മാണത്തിനു വരെയുള്ള റഫറൻസ്‌ എന്നോർക്കുമ്പോൾ ലജ്ജ തോന്നുന്നു.
നമ്മുടെ പ്രചാരകന്റെ പോസ്റ്റിന്‌ ഞാൻ മറുപടി എഴുതുന്നില്ല. കാരണം ആയിരത്തൊന്നു രാവുകൾ ഞാനും വായിച്ചിട്ടുണ്ട്‌. കാസർഗോഡെ ബ്ലാക്ക്മെയിലിംഗ്‌ കഥയും മറ്റും അറിയുകയും ചെയ്യാം. നമ്മൾ സ്വവർഗ്ഗ രതിക്കാരോട്‌ സഹാനുഭൂതി ഉള്ള കുറെ സംസ്കാര ശൂന്യർ. സമൂഹത്തിലെ സംസ്കാര സമ്പന്നരുടെ വാതിലിനു പിന്നിലെ കഥകൾ ഇങ്ങനെ ജെസ്മിയിലൂടെയും അഭയയിലൂടെയും ഒക്കെ പുറത്തുവരുമ്പൊ നമ്മൾക്ക്‌ മൂക്കിൽ വിരൽ വയ്ക്കാമോ ആവോ.. എന്തായാലും ഒന്ന്‌ ഞാൻ പറയാം, ഒരു മതേതര രാജ്യത്തിന്റെ നിയമ നിർമ്മാണം ഒരു ന്യൂനപക്ഷത്തിന്റെ പഴംകഥാ പുസ്തകത്തിനെ അടിസ്ഥാനമാക്കി വേണം എന്നൊക്കെ വന്നാൽ.. പിന്നെ ജീവിച്ചിരിക്കുന്നതിൽ കാര്യമില്ല..

അപരന്റെ കണ്ണിലെ കരടും അവന്റെ കണ്ണിലെ തടിക്കഷണവും

2009-07-09T23:56:00.000+05:30

കത്തോലിക്കരുടെ ബ്ലോഗ്‌ വീണ്ടും വായിച്ചു നോക്കി. അങ്ങനെയാണ്‌ എനിക്ക്‌ വിലയേറിയ മറ്റൊരു അറിവ്‌ ലഭിച്ചത്‌. മെത്രാന്മാർ കമ്യൂണിസത്തെ എത്തിർക്കുന്നത്‌ (എല്ലാ കത്തോലിക്കരും കമ്യൂണിസത്തെ എതിർക്കുന്നില്ലല്ലോ) അതിൽ ശ്രേഷ്ഠമായി ഒന്നും ഇല്ലാത്തതു കൊണ്ടാണത്രെ. അതേ ബ്ലോഗിൽ വത്തിക്കാന്റെ കമ്യൂണിസത്തെ കുറിച്ചുള്ള ഡിക്രിയും ഉണ്ട്‌. ആദ്യം ഏതോ ഭാഷയും പിന്നെ ഭയങ്കര ഇംഗ്ലീഷും. വായിച്ചപ്പോൾ ഒരു കാര്യം മനസ്സിലായി. കമ്യൂണിസ്റ്റ്‌ പുസ്തകങ്ങൾ വായിക്കുന്നത്‌ വരെ കത്തോലിക്കർക്ക്‌ വലിയ പാപമാണ്‌. അപ്പോൾ പാപമില്ലാത്ത മെത്രാന്മാർ പുസ്തകങ്ങൾ ഒന്നും വായിച്ചിരിക്കാൻ ഇടയില്ല. അതു പിന്നാലേ. കമ്യൂണിസ്റ്റ്കളുടെ നിരീശ്വര വാദവും ഇതിനൊരു പ്രധാന കാരണം ആണ്‌. ഇനിയിപ്പോ ബ്ലോഗിലെ ചെറിയ ഭാഗം അടർത്തിയെടുത്ത്‌ വിമർശനം ഉയർത്തി എന്ന്‌ പറയുമോ എന്നറിയില്ല. അങ്ങനെ മുൻപ്‌ ഉണ്ടായിട്ടുണ്ട്‌. കഴിഞ്ഞ പോസ്റ്റിൽ ഞാനത്‌ ആദ്യം തന്നെ കൊടുത്തിട്ടുണ്ട്‌. മാർ പൗവ്വത്തിലും മാർ താഴത്തിലും മാർ പെരുന്തോട്ടവും പിന്നെ പേരു വിട്ടുപോയ മാറുകളും ക്ഷമിക്കുമല്ലോ.

കമ്യൂണിസത്തിൽ ശ്രേഷ്ഠമായി ഒന്നുമില്ല എന്ന്‌ പറയാൻ നിങ്ങൾക്ക്‌ കമ്യൂണിസത്തെ പറ്റി എന്തറിയാം? അപ്പൊ എനിക്കൊരു സംശയം, ഈ കുർബാന മധ്യെ സ്വന്തം ഗുരുവിന്റെ ശരീരം ഭക്ഷിക്കുകയും രക്തം കുടിക്കുകയും അതിന്റെ മഹത്വത്തെ പറ്റി കൊച്ചു കുട്ടികളെ പഠിപ്പിക്കുകയും ചെയ്യുന്ന നിങ്ങൾ നരഭോജികൾ അല്ലേ? പള്ളിയിൽ തന്നെ വീഞ്ഞ്‌ വിതരണം ചെയ്യുന്ന നിങ്ങളാണോ മദ്യനിരോധനത്തിനു ബഹളം വക്കുന്നത്‌? ഇപ്പോൾ നിങ്ങൾ പറയും ഇതിനെക്കുറിച്ച്‌ അറിയാതെ ആണ്‌ ഞാൻ സംസാരിക്കുന്നതെന്നും അവയെ വളച്ചൊടിക്കുകയാണെന്നും. അപ്പോൾ നിങ്ങൾ ചെയ്തതോ? പച്ചക്കള്ളവും വിവരക്കേടും പറയുന്നതിന്‌ നിങ്ങൾക്ക്‌ ഒരു പരിധിയുമില്ലേ? ഇനി നിങ്ങൾ ചിലപ്പൊ പറയും അതൊക്കെ വിശുദ്ധ ആചാരങ്ങളാണ്‌ അവയെ അപമാനിക്കരുതെന്ന്‌. അപ്പോൾ തിരുമേനിമാരേ ഞങ്ങൾക്ക്‌ ഞങ്ങളുടെ ആശയങ്ങളും വിശ്വാസങ്ങളും വിശുദ്ധം തന്നെയാണ്‌. നിങ്ങൾക്ക്‌ അവയെ അപമാനികാമെങ്കിൽ ഞങ്ങൾക്കെന്തെ ആയാൽ?
ഒരു പ്രധാന തിരുമേനിയുടെ പ്രസംഗം അടുത്ത കാലത്ത്‌ കേട്ടത്‌ ഓർക്കുന്നു. അതിൽ അദ്ദേഹം പറഞ്ഞതിൽ ഒരു കാര്യം ഇങ്ങനെ "കമ്യൂണിസ്റ്റ്കൾക്ക്‌ മനുഷ്യ സ്നേഹം ഇല്ല. സ്നേഹം ദൈവ വിശ്വാസികൾക്ക്‌ മാത്രം സാധിക്കുന്ന കാര്യമാണ്‌". ഇതിലെ പൊള്ളത്തരം വിശദീകരണം അർഹിക്കുന്നില്ല. എങ്കിലും ചില വ്യത്യാസങ്ങൾ ചൂണ്ടിക്കാണിക്കണമെന്ന്‌ തോന്നി. ആദ്യമായി ഈ സ്നെഹം എന്നുപറയുന്നത്‌ മെത്രാൻ കുടുംബങ്ങൾക്ക്‌ സ്ത്രീധനം കിട്ടിയതാണെന്നും ( ഈ സ്ത്രീധനം ഇന്ത്യയിൽ നിയമ വിരുദ്ധമാണെങ്കിലും കത്തോലിക്കർക്ക്‌ നിയമ വിധേയമാണ്‌. അതിന്റെയും ദശാംശം പള്ളിക്ക്‌ കൊടുക്കണം എന്ന്‌ മാത്രം- അവരെ ഭരിക്കുന്നത്‌ വത്തിക്കാനാണല്ലോ) അത്‌ അവർ ദൈവ വിശ്വാസികൾക്ക്‌ അൽപാൽപ്പമായി വിതരണം ചെയ്യുന്നതാണെന്നും ഈ വാക്കുകളെ വിശദീകരിക്കുന്നവർക്ക്‌ എന്റെ കൂപ്പുകൈ. ഞാൻ അതിലേക്ക്‌ കടക്കുന്നില്ല.വർഷങ്ങൾ നീണ്ട വേദപാഠ ബ്രയിൻ വാഷുകൾക്ക്‌ ശേഷം എനിക്ക്‌ മനസ്സിലായ അനേകം കാര്യങ്ങളിൽ ഒന്ന്‌ ഇങ്ങനെ..
"അന്യരെ സ്നെഹിക്കുന്നതും സഹായിക്കുന്നതും ദൈവത്തിന്റെ പ്രീതി നേടിത്തരുന്നു. അങ്ങനെ ചെയ്യാതിരിക്കുന്നത്‌ പാപമാണ്‌. അത്‌ ദൈവകോപം ക്ഷണിച്ച്‌ വരുത്തും"
അപ്പോൾ ദൈവ വിശ്വാസികളുടെ പരസ്പര സ്നേഹം പ്രതിഫലം ഇച്ഛിച്ചുകൊണ്ടുള്ളാതാകുന്നു. സ്നേഹിച്ചാൽ സ്വർഗ്ഗത്തിൽ വളരുന്ന നിക്ഷേപം. ഇല്ലെങ്കിൽ നരകം. മധ്യമാർഗ്ഗികൾക്ക്‌ രക്ഷ വിദൂര സ്വപ്നവും. നിഷ്കാമ കർമം വലിയ മിഥ്യയും. കമ്യൂണിസത്തെപ്പറ്റി അറിയാത്ത കുഞ്ഞാടുകളോട്‌ അതിന്റെ അടിസ്ഥാന പ്രമാണം മനുഷ്യർ തമ്മിലുള്ള സമഭാവനാപൂർണമായ സഹവർത്തിത്വമാണ്‌. മാന്യ തിരുമേനിമാരേ ഇത്‌ ഒന്ന്‌ ഓർക്കുക. നിങ്ങൾക്ക്‌ കമ്യൂണിസത്തെക്കുറിച്ച്‌ അറിയുന്നത്‌ അത്‌ നിരീശ്വരവാദം പഠിപ്പിക്കുന്നു എന്നത്‌ മാത്രമാണ്‌. എന്നാൽ അത്‌ മനുഷ്യസ്നേഹത്തിൽ അഥിഷ്ഠിതമാണ്‌. അപരൻ അപരന്റെ വാക്കുകളെ സംഗീതം പോലെ ശ്രവിക്കുന്ന അവസ്ഥയാണ്‌. സമത്വവും സാഹോദര്യവും ആണ്‌. സമത്വം നിങ്ങൾ അംഗീകരിക്കില്ലല്ലോ ഒരിക്കലും. കാരണം അൽമായനും (സാധാരണ വിശ്വാസി - സിമ്പിൾ ആയി പറയുമ്പൊൾ) പുരോഹിതനും ഒരേ നിലയിൽ ആകുന്നത്‌ നിങ്ങൾക്ക്‌ സ്വപ്നം കാണാൻ പറ്റുമോ? അരമനയിലെ സുഖജീവിതം മതിയാക്കി സാധാരണക്കാരന്റെ വിയർപ്പ്‌ കൊണ്ട്‌ ജീവിക്കുന്നത്‌ നിർത്തി മേലനങ്ങി പണിയെടുത്ത്‌ നെറ്റിയിലേ വിയർപ്പുകൊണ്ട്‌ അപ്പം ഭക്ഷിക്കുന്ന കാലം സ്വപ്നം കാണാനുള്ള മനക്കരുത്ത്‌ നിങ്ങൾക്കുണ്ടോ? ദൈവഭയം നിമിത്തമല്ലാതെ മനസ്സിന്റെ വലിപ്പം കൊണ്ട്‌ അന്യനെ സ്നേഹിക്കുന്നത്‌ ശ്രേഷ്ഠമല്ലേ? അർജന്റീനയിലെ സുഖജീവിതം ബലികഴിച്ച്‌ ലാറ്റിനമേരിക്കയിലാകമാനം കുഷ്ഠരോഗികളെ പരിചരിച്ചും അന്യദേശക്കാർക്ക്‌ വേണ്ടി സ്വാതന്ത്ര്യ സമരം നടത്തിയും എരിഞ്ഞുതീന്ന ഏണസ്റ്റോ ചെ ഗുവേരയെ നിങ്ങൾക്കറിയുമോ? ജന്മിത്വത്തിന്റെ ലോകത്ത്‌ നിന്നും പട്ടിണിക്കാരന്റെ ഇടയിലേക്കിറങ്ങി വന്ന നമ്പൂതിരിപ്പാടിനെ നിങ്ങൾക്കറിയാമോ? ഇ എം എസ്‌ കേരളത്തിനെന്ത്‌ നൽകി എന്ന്‌ ലേഖനം എഴുതി കണ്ണടച്ചിരുട്ടാക്കുന്ന കുമ്പളക്കുഴിയുടെയും നിങ്ങളുടെയും തന്തയില്ലായ്മക്ക്‌ നമോവാകം. പാവങ്ങളുടെ പടത്തലവൻ എ കെ ജി യെ നിങ്ങൾ അVaramozhi Editor: Text Exported for Print or Saveറിയുമോ? അമരാവതി എന്നൊക്കെ കേട്ടിട്ടുണ്ടോ? ( പിന്നെ പണ്ടുള്ള കമ്യൂണിസ്റ്റ്കൾ നല്ലവരും ഇപ്പോൾ ഉള്ളവർ വെറെ എന്തോ ആണെന്നും നിങ്ങൾ ചിലപ്പോ പറയും. അപ്പോ പണ്ടുള്ള ക്രിസ്തിയാനികളുടെ കഥകൾ ഞങ്ങളും ചോദിക്കും. വേദപാഠ ബ്രെയിൻവാഷിനൊപ്പം പഴയ കൂട്ട്ക്കൊലകളെ പറ്റി കുട്ടികളെ പഠിപ്പിക്കാൻ നിങ്ങൾക്ക്‌ തന്റേടം ഉണ്ടോ? )
ഭൗതികവാദികൾ ഭൗതിക സ്വത്തിനായി മുറവിളി കൂട്ടിയാൽ അത്‌ മനസ്സിലാക്കാം. വിശ്വാസികളോ? ഭൗതിക സ്വത്ത്‌ സമ്പാദനത്തിനായി നിങ്ങൾ നിങ്ങൾക്കറിയാത്ത കാര്യങ്ങളെ കുറ്റം പറയുന്നു. കമ്യൂണിസ്റ്റ്‌ പ്രത്യയ ശാസ്ത്രങ്ങളുടെ അടിസ്ഥാന തത്വങ്ങൾ പോലും അറിയാതെ അതിനെ വിമർശിക്കുന്നു. അതിന്റെ ഏടുകൾ അടർത്തിയെടുത്ത്‌ വളച്ചൊടിച്ച്‌ മുറവിളി കൂട്ടുന്നു. ഇതേ കാര്യം നിങ്ങൾക്കെതിരെ ചെയ്താൽ വിശ്വാസികളെ തെരുവിലിറക്കിയും ഇടയലേഖനം വായിച്ചും ഉരഞ്ഞ്‌ തുള്ളുന്നു. ഇതാണോ നിങ്ങളുടെ സഹിഷ്ണുത? ഇതാണോ നിങ്ങൾ പറഞ്ഞ സമസ്നേഹ സിദ്ധാന്തം? നിങ്ങൾ നിർവചിച്ച അപരനോടുള്ള സ്നേഹം? ഇതാണൊ നിങ്ങളുടെ ക്രിസ്തു പഠിപ്പിച്ച സമവർത്തിത്വം? അറിയാനുള്ള അടിയന്റെ ആഗ്രഹം തെറ്റാണെങ്കിൽ ക്ഷമിക്കുമല്ലോ. വിശ്വാസികളുടെ അടിസ്ഥാന ആവശ്യമായ ആരാധനാ സ്വാതന്ത്ര്യം നിഷേധിച്ച സംഘപരിവാർ ശക്തികളെ നിങ്ങൾ പുകഴ്ത്തുന്നു. അവരുടെ നേതാക്കൾക്കൊപ്പം വേദി പങ്കിടുന്നു. സ്വകാര്യസ്വത്തവകാശം ഇന്ത്യൻ ഭരണഘടനയിൽ മൗലിക അവകാശം അല്ലെന്ന്‌ നിങ്ങൾക്കറിയുമോ?സ്വാശ്രയ നിയമത്തിൽ നിങ്ങൾക്കാവശ്യമായ കാശ്‌ വാങ്ങാൻ വ്യവസ്ഥ ഉണ്ടായിരുന്നില്ലേ? നിങ്ങളുടെ ഉദ്ദേശ്യം അതായിരുന്നിട്ടും ഇപ്പോൾ ചെയ്യുന്നത്‌ അതു തന്നെ ആയിട്ടും എന്തിനായിരുന്നു ഈ കപട നാടകം? നിങ്ങളുടെ ന്യൂനപക്ഷ സ്ഥാപനങ്ങളിൽ എത്ര കത്തോലിക്കർ സൗജന്യമായി പഠിക്കുന്നുണ്ട്‌? മാതാപിതാക്കളിൽ നിന്നും നിങ്ങൾ ഫീസീടാക്കാത്ത ഏതു കുട്ടിയുടെ പേരിലാണ്‌ കോളേജിൽ നിന്നും വിദ്യാഭ്യാസ വായ്പ ഇല്ലാത്തത്‌? ഉത്തരങ്ങൾ ഞാൻ പ്രതീക്ഷിക്കുന്നില്ല.. കാരണം ചോദ്യം ചെയ്യലുകൾ നിങ്ങൾക്ക്‌ ഇഷ്ടമല്ലല്ലോ..

അഭയക്കേസ്‌ അന്വേഷിക്കുന്ന സി ബി ഐ സമ്മർദ്ദത്തിനു വഴങ്ങുന്നവർ. ലാവലിൻ കേസ്‌ അന്വേഷിക്കുന്നവർ സത്യവാന്മാർ. അഭയക്കേസിനെക്കുറിച്ചേഴുതുമ്പോൾ മാധ്യമങ്ങൾ നിങ്ങൾക്കെതിര്‌. അല്ലെങ്കിൽ സത്യത്തിന്റെ മാലാഖമാർ. ലാവലിൻ കേസിനെക്കുറിച്ച്ച്‌ കാർട്ടൂൺ വരച്ച നിങ്ങൾ അഭയക്കേസിലേ കുറ്റാരോപിതർ അഭയഹീനരായതിന്റെ പേരിൽ നിങ്ങൾ കണ്ണീരൊഴുക്കുന്നു. അല്ലയോ മാന്യ ദേഹങ്ങളേ, പിണറായി വിജയനും ഇന്ന്‌ കുറ്റാരോപിതൻ മാത്രമാണ്‌ അല്ലാതെ കുറ്റവാളിയല്ല - കോട്ടൂരിനേയും സെഫിയേയും പോലെ തന്നെ. ഇത്‌ വത്തിക്കാനല്ല ഇന്ത്യയാണ്‌. ഇവിടത്തേ നിയമം കത്തോലിക്കനും കമ്യൂണിസ്റ്റ്കാരനും ഒന്നു തന്നെയാണ്‌.

തകർന്ന്‌ വീണ കോമാളികളുടെ സ്വപ്നം എന്ന നിങ്ങളുടെ ബ്ലോഗിലെ പോസ്റ്റുകൾ ചൈനയിൽ തകർന്ന്‌ വീണ കത്തോലിക്കാ കോമാളി സ്വപ്നങ്ങളുടെ കൊതിക്കെറുവല്ലേ? അവിടത്തെ ഗവണ്‍മന്റ്‌ മെത്രാന്മാരെ നിയമിച്ചപ്പോൾ, അത്‌ സ്വീകരിക്കാൻ പുരോഹിതന്മാർ തയ്യാറായപ്പോൾ ആഗോള ക്രൈസ്തവ സമൂഹത്തിന്റെ മേലെ വത്തിക്കാന്റെ പിടി അയഞ്ഞതല്ലേ നിങ്ങളുടെ മുറുമുറുപ്പിന്റെ കാരണം? ആ സമയത്ത്‌ തന്നെ വത്തിക്കാൻ ചൈനീസ്‌ വിശുദ്ധരെ പ്രഖ്യാപിച്ച്‌ നടത്തിയ നാലാം കിട രാഷ്ട്രീയ നാടകം വിലപ്പോകാത്തത്തല്ലേ നിങ്ങളുടെ പ്രകോപനം? എന്തേ പോളണ്ടിലേതുപോലെ ചൈനയിൽ മാർപ്പാപ്പ കമ്യൂണിസത്തിനെതിരെ യുദ്ധ പ്രഖ്യാപനം നടത്താത്തത്‌? ചങ്കുറപ്പുണ്ടോ നിങ്ങൾക്ക്‌? മുട്ടുവിറച്ചിട്ടോ അതോ എന്തൊക്കെ പറഞ്ഞാലും ആപത്ത്‌ കാലത്ത്‌ ഒരു ദൈവവും ഇറങ്ങിവരില്ലെന്ന തിരിച്ചറിവുകൊണ്ടോ? ആ ലേഖനത്തിൽ നിങ്ങൾ വാനോളം പുക്ഴ്തിയ ആണവ കരാറിന്റെ വ്യവസ്ഥകൾ ഒന്നൊന്നായി അമേരിക്ക കാറ്റിൽ പറത്തുന്നത്‌ നിങ്ങൾ അറിയുന്നുണ്ടൊ?
അന്യന്റെ ആശയങ്ങളെ മനസ്സിലാക്കി ആരോഗ്യപരമായ ഒരു സംവാദത്തിനു ശ്രമിക്കാതെ അവരെ അവഹേളിക്കുമ്പോൾ ഒന്നോർക്കുന്നത്‌ നല്ലതാണ്‌.. നിന്റെ കണ്ണിലെ തടിക്കഷനത്തിന്‌ ഭാരം കൂടി വരികയാണ്‌. ഇനിയും എത്രനാൾ?

പ്രിയപ്പെട്ട മാര്‍ . പൌവ്വത്തില്‍ ...

2009-07-06T14:07:00.000+05:30

കത്തോലിക്കരുടെ ബ്ലോഗിലെ എഴുത്തുകള്‍ വായിച്ചു. ഒരു കത്തോലിക്കന്‍ കൂടിയായ ഞാന്‍ കോരിത്തരിച്ചു പോയി. കാര്‍ടൂണ്‍ ഉഗ്രന്‍ . "പിതാവേ, തങ്ങള്‍ ചെയ്യുന്നതെന്തെന്ന്‌ ഇവര്‍ അറിയായ്കയാല്‍, ഇവരോടു ക്ഷമിക്കേണമേ" (ലൂക്ക.23:34). ഈ വേദവാക്യം അടുത്തകാലത്ത്‌ പലപ്പോഴും ഓര്‍മ്മയില്‍ വരാറുണ്ട്‌. കഴിഞ്ഞ ആഴ്ച ആലപ്പുഴയില്‍ നടത്തിയ ഒരു പ്രസംഗത്തെക്കുറിച്ച്‌ നാട്ടില്‍ എന്തെല്ലാം കോലാഹലങ്ങളാണുണ്ടായത്‌! പ്രസംഗത്തിന്റെ ഒന്ന്‌ അല്ലെങ്കില്‍ രണ്ട്‌ വാചകങ്ങള്‍ അടര്‍ത്തിയെടുത്ത്‌ അതു ചാനലില്‍ തലക്കെട്ടായി ആവര്‍ത്തിച്ചുവന്നാല്‍ പിന്നീട്‌ അതാണു ചാനലിലെ അന്നത്തെ ചര്‍ച്ചാവിഷയം. പോരെങ്കില്‍, രാഷ്ട്രീയക്കാരും ചില 'ബുദ്ധിജീവികളും' പിന്നീട്‌ അതേപ്പറ്റി തകര്‍പ്പന്‍ പ്രസ്താവനകളിറക്കുകയായി. ഒരു നേതാവു പറഞ്ഞകൂട്ടത്തില്‍ പ്രസ്തുത പ്രസംഗത്തിലെ പ്രസ്താവന'നികൃഷ്ടമായി' എന്നുപോലും പറഞ്ഞുവച്ചു. ചില പത്രങ്ങളില്‍ ലേഖനങ്ങളും ചിലതില്‍ മുഖപ്രസംഗങ്ങള്‍വരെയും ആ പ്രസംഗത്തെക്കുറിച്ചു എഴുതുകയുണ്ടായി. ഇവരാരും ആ പ്രസംഗം മുഴുവന്‍ നേരിട്ടു റെക്കോര്‍ഡുചെയ്തതു കേട്ടിട്ടു പ്രതികരിക്കുകയല്ലായിരുന്നു എന്നതാണ്‌ വിചിത്രം. സാമാന്യം ദീര്‍ഘമായ ഒരു പ്രസംഗത്തില്‍നിന്ന്‌ ഒന്നുരണ്ടു വാചകങ്ങള്‍ മാത്രം കേട്ടു ഇത്രയും ഹാലിളകുന്നരീതി അടുത്തകാലത്തായി പ്രചാരത്തിലായതാണ്‌. പ്രസംഗത്തിന്റെ ഉള്ളടക്കമോ ചിന്താഗതിയോ അറിയാതെ - അല്ലെങ്കില്‍ അറിയണമെന്ന്‌ ആഗ്രഹിക്കാതെയുള്ള കലിതുള്ളലുകളാണ്‌ ഇവ. ഈ സാഹചര്യത്തിലാണ്‌ മേലുദ്ധരിച്ച വേദവാക്യത്തെകുറിച്ചു ഓര്‍ത്തുപോകുന്നത്‌.

ഹാ സ്തോത്രം സ്തോത്രം . ഈ നികൃഷ്ട ജീവി പ്രയോഗം മത്തായി ചാക്കോ സംഭവത്തിലേതാണെന്നു തോന്നുന്നു. അങ്ങനെ ഈ ആൾക്കാർ എല്ലാം പറയുന്നതിന്റെ ചെറിയ ഭാഗങ്ങൽ അടർത്തിയെടുത്ത്‌ വിമർശനങ്ങൽ ഉന്നയിക്കുന്നവരാണ്‌. ശരി.. ഇങ്ങനെ ചെയ്യാത്തവർ കത്തൊലിക്കർ മാത്രം. എങ്ങനെ നമ്മൾ ചിരിക്കാതിരിക്കും? അപ്പോൾ ഈ ബൈബിളിലെ സൗകര്യമുള്ള വാക്യങ്ങൾ മാത്രം അടർത്തിയെടുത്ത്‌ തങ്ങളെ തന്നെ ന്യായീകരിക്കുന്ന നിങ്ങളെ ഞങ്ങൾ എന്തു വിളിക്കണം?
Varamozhi Editor: Text Exported for Print or സേവ്

അങ്ങനെ ഒരു ചെറിയ ഭാഗം അടർത്തിയെടുത്ത്‌ പ്രചരണം നടത്തുന്നതിന്‌ ഒരു ഉദാഹരണം കൂടി. വിമോചന സമര കാലത്തെ കത്തോലിക്കരുടെ മറ്റൊരു പ്രചരണം "റഷ്യയിൽ സ്ത്രീകൾ പൊതു സ്വത്താണ്‌" ,ഇതിന്റെ കാരണം കമ്മ്യൂണിസ്റ്റ്‌ മാനിഫെസ്റ്റോയിലെ ഒരു വരി "ഉൽപാദന ഉപാധികൾ പൊതു സ്വത്താക്കണം". സ്ത്രീകളെ കേവല ഉൽപാദന ഉപാധികളായി കാണുന്ന കത്തൊലിക്കരുടെ ആശയ പാപ്പരത്വം പുതിയതല്ല. ഇതിനെക്കുറിച്ചുള്ള പരാമർശം കഴിഞ്ഞ പോസ്റ്റിൽ ഉണ്ട്‌. മാത്രമല്ല പൗലോസിന്റെ ലേഖനത്തിലെ വരികൾ : "സ്ത്രീകൾ സഭയിൽ സംസാരിക്കരുത്‌. പുരുഷ്ണ്മാർ വേണം അവർക്കുവേണ്ടി സംസാരിക്കാൻ. അഥവാ സഭയിൽ സംസാരിക്കേണ്ടിവന്നാൽ സ്ത്രീ ശിരോവസ്ത്രം ധരിക്കണം". വായിച്ചിട്ടുണ്ടൊ?
കമ്മ്യൂണിസം കാലഹരണപ്പെട്ട ആശയമാണെന്ന വാക്കുകൾ കേൾക്കുമ്പൊൾ അവജ്ഞ തോന്നുന്നു. കത്തോലിക്കാ സഭയുടെ പഠിപ്പിക്കലുകൾ പ്രകാരം ഇന്നും ഭൂമി ആണ്‌ പ്രപഞ്ചത്തിന്റെ കേന്ദ്രം. ലോകത്തിന്റെ പഴക്കം 2000 വർഷവും. ഇതൊക്കെ കാലഹരണപ്പെടാത്ത ആശയങ്ങൾ. അല്ലെങ്ക്ഗിൽ തെറ്റുതിരുത്തിയ കാര്യം ഒന്നും ഇടയലേഖനം വഴി അറിയിച്ചതായി ഓർക്കുന്നില്ല.

സ്വാശ്രയ നിയമം വന്നപ്പോൾ നിങ്ങൾ നടത്തിയ ഏറ്റവും വലിയ പ്രചാരണം ഇങ്ങനെ.. "ഈ നിയമം വന്നാൽ ഓരോ ക്രിസ്തിയാനി മാതാപിതാക്കളും തങ്ങളുടെ മക്കൾക്കൊപ്പം രണ്ടു അന്യ ജാതിക്കാരെക്കൂടി പഠിപ്പിക്കേണ്ടിവരും". അപ്പോൾ എനിക്കും ചില വചനങ്ങൾ ഓർമ്മ വന്നു. "നിന്റെ ഇടതുകൈ കൊടുക്കുന്നതു വലതുകൈ അറിയാതിരിക്കട്ടെ..", നിങ്ങളിൽ രണ്ട്‌ മേലങ്കികൾ ഉള്ളവൻ ഒന്ന്‌ ഇല്ലാത്തവന്‌ കൊടുക്കട്ടെ..", "തിരിച്ച്‌ കിട്ടുമെന്ന പ്രതീക്ഷയിൽ നിങ്ങൾ കടം നൽകുന്നതിൽ എന്തു കാര്യം? ചുങ്കക്കാരും വേശ്യകളും വരെ അങ്ങനെ ചെയ്യുന്നുണ്ടല്ലോ..". പക്ഷെ ഈ വാക്യങ്ങൾ നിങ്ങൾ മറന്നു. ആദ്യ കാലത്ത്‌ കേരളത്തിലെ വിദ്യാഭ്യാസ മേഖലക്ക്‌ മിഷനറിമാർ നൽകിയ സംഭാവനകളെ അപ്പാടെ വെറുക്കപ്പെട്ടതാക്കുന്ന നിങ്ങളുടെ നയം എല്ലാ ക്രൈസ്തവരും സ്വീകരിച്ചു എന്നു നിങ്ങൾ കരുതേണ്ട.
എനിക്കറിയുന്നിടത്തോളം പൗവ്വത്തിൽ വ്യക്തിപരമായി നല്ല സമ്പന്നനാണ്‌. ഈ അവസരത്തിൽ ഞാൻ ഫാദർ ടഫറേലിനെയും ഫാ. സുക്കോളിനെയും മറ്റും ഓർത്തു പോകുന്നു. കേരളത്തിൽ ആകമാനം പ്രേക്ഷിത പ്രവർത്തനങ്ങൾ നടത്തി അനേകം പള്ളികൾ പണിതീത്ത അവരെ നിങ്ങൾ ഓർക്കുന്നുണ്ടോ? ദൈവത്തിൽ സ്വമനസ്സാ നേരുന്ന ദാരിദ്ര്യവും അനുസരണവും ബ്രഹ്മചര്യവും അങ്ങേ അറ്റം കാത്ത്‌ സൂക്ഷിച്ചവർ.. ഈ ദാരിദ്ര്യം ഏതായാലും ആത്മീയ ദാരിദ്ര്യം ആകാൻ വഴിയില്ലല്ലോ. കാലം മാറി. ഇങ്ങനെ അനേകം ത്യാഗങ്ങളുടെ മുകളിൽ ചവിട്ടിക്കയറി നിങ്ങൾ സമ്പന്നരായി. നിങ്ങളുടെ മാനേജ്‌മന്റ്‌ സ്ഥാപനങ്ങളിൽ ലക്ഷങ്ങൾ കൈക്കൂലി വാങ്ങി നിങ്ങൾ നിയമനം നടത്തുന്നു. അവർക്ക്‌ ശമ്പളം സർക്കാർ കൊടുക്കണം. സർക്കാർ എവിടെ നിന്നും ശമ്പളം കൊടുക്കുന്നു എന്ന്‌ നിങ്ങൾ ചിന്തിക്കുന്നുണ്ടൊ? അതിവിടത്തെ ജനങ്ങൾ കൊടുക്കുന്ന നികുതി അല്ലേ? ക്രിസ്തിയാനികൾ ന്യൂനപ്ക്ഷമായ സ്ഥിതിക്ക്‌ വിജാതീയർ തന്നെ അല്ലേ നിങ്ങളെ അപ്പോൾ തീറ്റി പോറ്റുന്നത്‌? മാത്രമല്ല ശബരിമലയിലും ഗുരുവായൂരിലും മറ്റും വരുന്ന നേർച്ചപ്പണം സർക്കാർ ഖജനാവിൽ വരുന്നു. മലയാറ്റൂരേയും മറ്റും..? അങ്ങനെ ഇവിടത്തേ ഭൂരിപക്ഷത്തിന്റെ ചെലവിൽ തിന്നുകൊഴുക്കുന്ന നിങ്ങൾക്ക്‌ മേൽപറഞ്ഞ പ്രചാരണം നടത്തുന്നതിൽ അൽപ്പം ലജ്ജ പോലും തോന്നിയില്ലേ? ഈ പറയുന്ന ഭൂരിപക്ഷം നൽകുന്നില്ലെങ്ങിൽ നിങ്ങളുടെ ന്യൂനപക്ഷ അവകാശത്ത്ന്‌ എന്തു വില ആണുള്ളതെന്ന്‌ ഒന്നു ചിന്തിക്കുന്നത്‌ നല്ലതായിരിക്കും.
നിങ്ങൾ ഒന്നൊർക്കുക.. വിശ്വാസികൾക്ക്‌ ബൈബിൾ വായിക്കാൻ അവകാശം ഇല്ലാതിരുന്ന 14 - ആം നൂറ്റാണ്ട്‌ അല്ല ഇത്‌. ചിന്തിക്കുന്ന വിശ്വാസികൾ ഇന്നിവിടേ ഉണ്ട്‌. സ്വന്തം സ്വത്ത്‌ കൈവിടുമ്പൊൾ മാത്രം വിശ്വാസികളേ തെരുവിൽ ഇറക്കുന്ന നിങ്ങളുടെ കാപട്യം തിരിച്ചറിയുന്നവർ. സ്വാശ്രയ നിയമത്തിന്റെ പേരിൽ ഉപവാസം നടത്തിയ നിങ്ങൾ ഒറീസ്സയിലെ പാവം വിശ്വാസികൾക്ക്‌ വേണ്ടി എന്തേ ഉപവസിച്ചില്ല? അദ്വാനിക്കൊപ്പം പൊതുവേദിയിൽ നിന്ന്‌ സംഘപരിവാറിനെ നിങ്ങൾ പുകഴ്ത്തിയപ്പൊൾ ആ ആത്മാക്കൾ വിതുമ്പിയിരിക്കില്ലേ? കാപട്യത്തിന്റെ പ്രതിരൂപമായ നിങ്ങൾ ഈ ലോകത്തിൽ അഴിക്കുന്നത്‌ ഇപ്പൊളും അഴിയുമെങ്കിൽ, നിങ്ങൾ ഇവിടെ ബന്ധിക്കുന്നത്‌ ഇപ്പൊളും ബന്ധിക്കപ്പെടുമെങ്ങിൽ ബഹുമാന്യനായ നികൃഷ്ട ജീവീ.. കൊൺഗ്രസ്സിന്റെ കൂട്ടിക്കൊടുപ്പുകാരാ, എന്നെ ശപിച്ച്‌ നിത്യ നരകത്തിൽ തള്ളിയാലും.. എന്റെ തലയിൽ വീണ മാമ്മൊദീസ്സ വെള്ളം ഇന്നവിടെ ദുർഗന്ധം വമിക്കുന്ന പാടായി അവശേഷിക്കുന്നു.. ഞാൻ അത്‌ കഴുകിക്കളയട്ടെ..

അഭിവന്ദ്യ തിരുമേനിമാർക്ക്‌ ഒരു വിയോജനക്കുറിപ്പ്‌

2009-07-03T19:35:00.000+05:30

ഈ കഴിഞ്ഞ ദിവസം ഞാൻ യാദൃശ്ചികമായി KCBC - Kerala Cathelic Bishop Council (http://www.kcbcsite.com/) ന്റെ വെബ്‌ പേജ്‌ കാണാൻ ഇടയായി. അതിൽ പുതിയ ഇടയ ലേഖനങ്ങൾ ഒക്കെ അപ്‌ ലൊഡ്‌ ചെയ്തിട്ടുണ്ട്‌. ഇതിൽ KCBC യോഗ തീരുമാനങ്ങൾ വിവരിക്കുന്ന PDF download ചെയ്യാൻ സാധിക്കും. ഇതിൽ 10.6.2009 നു വന്ന Ref: 221/KCBC/K-6/KPR/DS- രേഖ വായിച്ചപ്പോൾ വെറുതെ ഒരൽപം പുറകിലേക്കു ചിന്തിച്ചു പോയി.

ഈ ലൈംഗികത എന്നൊക്കെ കേൾക്കുന്നത്‌ നമ്മുടെ പുരോഹിതന്മാർക്കൊക്കെ വലിയ വിഷമമാണ്‌. അത്‌ ക്രൈസ്തവ വിരുധമാണ്‌. എല്ലാ ക്രിസ്തിയാനികളും ആകാശത്തിൽ നിന്നും പൊട്ടി വീണവരാണല്ലോ. കുട്ടികൾ ഇതൊക്കെ വായിച്ചാൽ വളര മോശമായിപ്പോകും. എന്നാലും ഈ ഡിഗ്രീ ക്ലാസിലൊക്കെ പൊതുവ വളർന്ന കുട്ടികളല്ലേ ഉണ്ടാവുക? അവർ ഇതൊക്കെ അറിഞ്ഞാൽ മൊശമാണൊ? പിന്നെ നളിനി ജമീലയുടെ പുസ്തകതിൽ എന്താണ്‌ ഉള്ളതെന്നു ബഹുമാനപ്പെട്ട പിതാക്കന്മാർ വായിച്ചിരുന്നോ ആവൊ? ഇതിലെ രസം മറ്റൊന്നാണ്‌. സിസ്റ്റർ ജെസ്മി യുടെ പുസ്തകം പുറത്ത്‌ വന്ന്‌ അധികമൊന്നും ആയില്ല. അഭയ കേസിലെ സിസ്റ്റർ സെഫിയുടെ കാര്യവും നമ്മൾ കേട്ടിരുന്നു. പിന്നെ പുതിയ പോപ്പ്‌ അമേരിക്കയിൽ ചെന്നപ്പോൾ അവിടത്തെ പുരോഹിതന്മാർ നടത്തിയ ലൈംഗിക പീഢനങ്ങൽക്ക്‌ മാപ്പ്‌ പറഞ്ഞതായും ഒക്കെ കേട്ടു. ആ ഇതൊക്കെ ആര്‌ ആലോചിക്കാൻ.. അച്ച്ന്മാരെയും മെത്രാന്മാരെയും ഒന്നും ചോദ്യം ചെയ്യരുത്‌. നരകത്തിൽ പോകും.. അല്ലെങ്കിലും പണ്ടു ക്രിസ്തിയൻ രാജ്യങ്ങളിൽ പരിണാമ സിദ്ധാന്തം പഠിപ്പിക്കുന്നതു വരെ നിരോദ്ധിച്ചവർ ഇതിനപ്പുറവും പറയും.
അക്രമം, അത്‌ വലിയ പാതകം തന്നെ. കത്തോലിക്കാ സഭക്ക്‌ പ്രത്യേകമായും അക്രം നിഷിദ്ധമാണ്‌. ഇതു പറയുമ്പോൾ ഓർക്കണം അക്രമം അവർക്കെതിരെ ആണെങ്കിൽ മാത്രം ആണ്‌ ഇത്‌ ബാധകം. 16 - ആം നൂറ്റാണ്ടിന്റെ കഥകൾ നമ്മൾ മറക്കേണ്ടതാകുന്നു. അന്നൊക്കെ എന്തു സുഖമായിരുന്നു കത്തൊലിക്കർക്ക്‌. ആരെയും പേടിക്കണ്ട. അന്ന്ത്തെ പ്രധാന പ്രശ്നം കുറെ ശാസ്ത്രജ്ഞന്മാർ ആയിരുന്നു. അവന്മാരെയൊക്കെ ശരിക്ക്‌ ഒതുക്കി.
"Among the subjects of this Inquisition were Francesco Patrizi, Giordano Bruno, Tommaso Campanella, Girolamo Cardano, Cesare Cremonini, and Galileo Galilei. Of these, only Bruno was executed; Galileo died under house arrest, and Campanella was imprisoned for twenty-seven years. The miller Domenico Scandella was also put to the stake on the orders of Pope Clement VIII in 1599".
ഇത്‌ വിക്കിപീഡിയ പേജിൽ നിന്നും. ഇത്‌ അറിയപ്പെട്ടവർ. റോമൻ ഇൻക്വിസിഷൻ എന്നറിയപ്പെട്ട ഈ പരിപാടികളിൽ ജീവൻ നഷ്ടമായ സാധാരണക്കാർ വേറേയും അനേകമാണ്‌. ഒരു രാജ്യത്തെ നിയമം അനുസരിക്കാത്തവർ ശിക്ഷിക്കപ്പെടുന്നതു സ്വാഭാവികം. പക്ഷെ ഇവർ ചെയ്ത കുറ്റം എന്താണന്നോ ഭൂമി സൂര്യനെ ആണ്‌ ചുറ്റുന്നത്‌ എന്ന് പറഞ്ഞു. അതീവ ഗുരുതമായ കുറ്റം. പിന്നെ knight Templars നെ അടിച്ചമർത്തിയ കഥ. ഇന്നും 13 -ആം തീയതി വെള്ളിയാഴ്ച ഏവർക്കും പേടിസ്വപ്നമായതിന്റെ കാരണവും ഇതു തന്നെ. ക്ലമന്റ്‌ അഞ്ചാമൻ മാർപ്പാപ്പയുടെ time pass. കമ്മ്യുണിസ്റ്റ്‌ നേതാക്കളെ പലരേയും കൊലപാതകികൾ എന്നൊക്കെ വിളിക്കുമ്പൊൾ ഇതു കൂടി ഓർക്കപ്പെടുന്നത്‌ നല്ലതാണ്‌. കൊടുത്താൽ കൊല്ല്ത്തും കിട്ടും പിതാക്കന്മാരേ..

ഇതൊക്കെ പറയുമ്പോൾ ഓർമ്മവരുന്ന ചില കാര്യങ്ങൾ കൂടി.. ഒറീസ്സയിൽ അനേകം ക്രൈസ്തവർ കൊല്ലപ്പെട്ടപ്പോൾ നമ്മുടെ ഒരു പ്രധാന മെത്രാന്റെ വാക്കുകൾ ഇങ്ങനെ.. "പള്ളികൾ തകർന്നാൽ ഇനിയും ഉണ്ടാക്കാം. കുട്ടികൾ ഇനിയും ഉണ്ടാകും. എന്നാൽ ഒരു തലമുറയുടെ വിസ്ശാസം തകർന്നാലോ". സ്വാശ്രയ നിയമം പാസ്സാക്കിയ സമയത്ത്‌ കേരളത്തിലെ കത്തൊലിക്കാ സഭ ഉപവാസവും പ്രാർത്ഥനകളും നടത്തിയിരുന്നു. എന്നാൽ ഒറീസ്സ സംഭവതിന്റെ പേരിൽ ഇങ്ങനെ ഒന്നും കേട്ടില്ല. സുനാമി വന്നപ്പോളും ഒന്നുമില്ല. അപ്പൊ കാശുണ്ടാക്കലിന്‌ തടസ്സം വന്നാൽ മാത്രമെ ഇവർ ഇളകുകയുള്ളു. ഇതു സാധാരണ ബുദ്ധിയുള്ള ആർക്കും മനസ്സിലാകും. ഒറീസ്സ സംഭവങ്ങൽക്ക്‌ ശേഷം നാളുകളോളം CPM ഓഫീസുകളിൽ കുർബാന നടന്ന കാര്യം ഇവർക്കറിയാമോ ആവോ. കത്തൊലിക്കർക്കു നേരെയുള്ള അതിക്രമങ്ങളെക്കുറിച്ച്‌ പഠിക്കാൻ CBCI നിയമിച്ച കമ്മീഷനിൽ സീതാറാം യെച്ചൂരി ഉണ്ടായിരുന്നതും ഇവർ കേട്ടില്ല. തിരഞ്ഞെടുപ്പിൽ സ്വീകരിക്കേണ്ട നയങ്ങളെക്കുറിച്ച്‌ CBCI പറഞ്ഞതൊന്നും ഇവർ അറിഞ്ഞിട്ടേ ഇല്ല. ഇതിനെ ആകെ ചേർത്ത്‌ multiple father disorder syndrome എന്നോ മറ്റോ വിളിക്കാവുന്നതും ആണ്‌.

19-02-2009 ന്‌ KCBC Family Commision ഇറക്കിയ സർക്കുലറിൽ സ്ത്രീകളുടെ തുല്യ്‌അതാ അവകാശങ്ങളെക്കുറിച്ചുള്ള ഭാഗങ്ങൾ
വായിച്ച്‌ ഞാൻ കോരിത്തരിച്ച്‌ പോയി. ഇങ്ങനെ സ്ത്രീകളെ കാണുന്നവർ ഇന്നും സ്ത്രീ പൗരൊഹിത്യം അമ്ഗീകരിക്കാത്തത് എന്തേ എന്നെനിക്കൊരു സംശയം. സഭയുടെ ആദ്യ കാലങ്ങളിൽ പൗരൊഹിത്യം സ്ത്രീകൾക്ക്‌ അനുവദിച്ചിരുന്നു. പിന്നീട്‌ അവരെ പുറത്താക്കി. മാത്രമല്ല പതിനായിരക്കണക്കിന്‌ സ്ത്രീകൾ ആണ്‌ മന്ത്രവാദിനി വേട്ട (witch hunt) ന്റെ പേരിൽ കൊല്ലപ്പെട്ടത്‌. മൂന്നു നൂറ്റാണ്ടുകൾ നീണ്ടുനിന്ന ഈ വേട്ടയിൽ കൊല്ലപ്പെട്ടത്‌ ഏതാണ്ട്‌ 50000 സ്ത്രീകൾ. അത്‌ ചരിത്രം. പിന്നീട്‌ നിൽക്കക്കള്ളി ഇല്ലാതെ കന്യകാ മറിയം എന്ന സങ്കൽപ്പവും സ്ത്രീ ശാക്തീകരണവും സഭ കൊണ്ടുവന്നു. കന്യകാ മറിയത്തിന്റെ കന്യകാത്വം വിശ്വാസ സത്യമായി പ്രഖ്യാപിച്ചതും പിന്നീടാണ്‌. അതു വരെ അപ്പൊ മറിയം.. ആ എനിക്കറിയില്ല.

കേരളത്തിലെ മെത്രാന്മാർക്ക്‌ മാത്രം ഈ ധാർഷ്ട്യം എന്തുകൊണ്ട്‌ എന്ന് നാം ചിന്തിക്കണം. വടക്കെ ഇന്ത്യയിൽ പലയിടത്തും കത്തൊലിക്കർ വേട്ടയാടപ്പെഴുമ്പോളും ഇവിടെ ന്യൂന പക്ഷ അവകാശവും പറഞ്ഞ്‌ കാശുണ്ടാക്കുന്നതിൽ മാത്രം ശ്രദ്ധിച്ച്‌ മദിച്ച്‌ ജീവിക്കാനുള്ള സാഹചര്യം എങ്ങനെ ഉണ്ടായി എന്നവർക്ക്‌ അറിയേണ്ട. ഒരു കാലത്ത്‌ ശാസ്ത്രം ചെകുത്താനെന്ന് പറഞ്ഞു നടന്നവർ.. ഇന്ന് You Tube ഇൽ മാർപ്പാപ്പ വരെ ഉണ്ട്‌. ഇന്റർനെറ്റ്‌, ആധുനിക സുരക്ഷാ സംവിധാനങ്ങൾ... ഇപ്പൊളും അവർക്കിഷ്ടപ്പെടാത്തതു എല്ലാം പാപം ആണ്‌. ആയിരക്കണക്കിന്‌ രോഗികൾക്ക്‌ ആശ്വാസമാകാവുന്ന വിത്തു കോശ ഗവേഷണത്തെയും മറ്റും മനുഷ്യത്ത്വതിന്റെ പേരും പറഞ്ഞ്‌ എതിർക്കുന്നത്‌ കാണുമ്പോൾ, ഗർഭനിരോധനവും മറ്റുമ്പാപമാണെന്നു പറയുമ്പോൾ.. ഇവർക്ക്‌ എത്ര തന്തമാരാണെന്നു ചോദിച്ചു പോകുന്നവൻ ശരിക്കും അവിശ്വാസിയും വഴി പിഴച്ചവനും ആണോ?

ചില രണ്ടാം വിമോചന സമര സ്വപ്നങ്ങള്‍

2009-07-01T16:05:00.000+05:30

(മെത്രാന്‍മാരെല്ലാം ആകെ ഇളകിയിരിക്കുന്നു. കേരളത്തിലെ സഭ ഇതാ ചരിത്രത്തിലെ വലിയ അപകടം നേരിടുകയാണ്‍്‌. വെറുതെ ഇരുന്നു കൂടാ, വിശ്വാസികളേ നമ്മള്‍ ഇളകേണ്ട സമയം വന്നിരിക്കുന്നു. സ്ഥലത്തെ പ്രധാന മാര്‍ കളായ പൌവ്വത്തിലും താഴത്തിലും പിന്നെ ഇപ്പൊ കേട്ടു തുടങ്ങിയ ഒരു സൂസപാക്യവും പിന്നെ കുറേ ഏറെ വെള്ളക്കുപ്പായങ്ങളും ഇളകിക്കഴിഞ്ഞു. )
പ്രധാന പ്രശ്നം ഈ കമ്മ്യുണിസ്റ്റുകാര്‍ തന്നെ. ഇവന്‍മാര്‍ മൊത്തത്തില്‍ തീരെ ശരിയല്ല. എന്തോ ഒരു സ്വാശ്രയ നിയമമെന്നൊ അങ്ങനേ എന്തൊക്കെയൊ കൊണ്ടു വന്നു പോലും. പിന്നെ വേറെയും എന്തൊക്കെയോ ഉണ്ട്‌. സ്വാശ്രയ നിയമം നമ്മള്‍ അങ്ങു കോടതിയില്‍ ഒതുക്കി. പിന്നെയല്ല നമ്മള്‍ ക്രിസ്ത്യാനികള്‍ കഷ്ടപ്പെട്ടുണ്ടാക്കിയ കാശൊക്കെ കൊടുത്ത്‌ അന്ന്യ ജാതി പിള്ളെരെയും പഠിപ്പിക്കണം പോലും. അയല്‍ക്കാരനെ സേ്നഹിക്കണമെന്നൊക്കെ കര്‍ത്താവിനു പറയാം. അങ്ങേര്‍ക്കു കാശുവേണ്ടാരുന്നു. വല്ലവനും വേണ്ടി അപ്പം വര്‍ധിപ്പിച്ചു കൊടുക്കാന്‍ നാട്ടുകാര്‍ അപ്പം കൊടുക്കുമായിരുന്നു, നമ്മള്‍ക്കൊ? ഈ വെള്ളം വീഞ്ഞാക്കുന്ന പരിപാടി ബൈബിളില്‍ വിശദമായി കൊടുത്തിരുന്നെങ്കില്‍ അതൊന്നു നോക്കാമായിരുന്നു. നമ്മള്‍ എത്ന്‌ ചെയ്യാന്‍?
പണ്ടൊരു വലിയ കമ്മ്യുണിസ്റ്റ്‌ എന്തോ ഭൂപരിഷ്കരണം എന്നൊക്കെ പറഞ്ഞു വന്നു. എന്നിട്ടെന്തായി? നമ്മള്‍ കുറുവടി പടയെ ഇറക്കി ശരിയാക്കിയില്ലേ.. ഇപ്പൊ പറയുന്നു നമ്മുടെ സ്കൂളിലെ നിയമനം പി എസ്‌ സി ക്കു വിടണമെന്ന്‌. പിന്നെടാ കൂവേ അപ്പൊ നമ്മള്‍ നിയമനത്തിന്റെ കാശ്‌, മറ്റെ ലക്ഷങ്ങളേ, ആരോട്‌ വാങ്ങും? നല്ല കഥ! ( നമ്മുടെ വിശ്വാസികള്‍ പലരുടെയും വിചാരം അത്‌ ശമ്പളം കൊടുക്കാനാണെന്നാ. അതു സര്‍ക്കാരല്ലെ കൊടുക്കണ്ടത്‌, നമ്മുടെ കാശു നമ്മള്‍ക്കു തന്നെ. ഈ ശബരിമലയില്‍ നിന്നൊക്കെ, മറ്റെ ഹിന്ദുക്കളുടെ, നല്ല വരുമാനമുണ്ടെന്ന്‌.. അതൊക്കെ എന്തോ ബോര്‍ഡിന്റെ കീഴിലായതുകൊണ്ടു കാശൊക്കെ സര്‍ക്കാരിനല്ലേ, ഏത്‌? നമ്മുടെ കാശിനു ബോര്‍ഡ്‌ ഒന്നും ഇല്ലാത്തതു കൊണ്ട്‌ കണക്കും കാര്യവും വെണ്ടെന്ന്‌. ആരേലും ചൊദിച്ചാല്‍ നമ്മള്‍ ന്യൂന പക്ഷം അല്ലേ, പിന്നെ രണ്ട്‌ ഇടയ ലേഖനവും വായിക്കും. അത്ര തന്നെ. നമ്മുടെ കോണ്‍ഗ്രെസ്‌ ഉള്ളപ്പൊ ആരു ചോദിക്കാന്‍? ചോദിച്ചാല്‍ വോട്ടില്ല, അത്‌ കാര്യം വേറെ.. അല്ല പിന്നെ).
നമ്മുടെ സമുദായത്തില്‍ നിന്നു കൊറെ എഞ്ജിനീയറുമാരൊക്കെ വരെട്ടെന്നു കരുതി നമ്മള്‍ കുറച്ചു കോളേജൊക്കെ ഉണ്ടാക്കി. കൂടെ കൊറെ കാശും കിട്ടുമല്ലോ. അപ്പോ ദേ പൊല്ലാപ്പ്‌.. പാവപ്പെട്ടോനെ പഠിപ്പിക്കണം പോലും.. ഈ പാവപ്പെട്ടവന്‍ ഒക്കെ എഞ്ജിനീയര്‍ ആയിട്ട്‌ എന്ത്‌ ചെയ്യാന്‍? പിന്നെ എന്തോ കൊറേ പിള്ളേരു കൊടിയൊക്കെ കൊണ്ട്‌ ഇറങ്ങി. എവന്‍മാര്‍ക്കൊക്കെ നമ്മുടെ കെ സി വൈ എമ്മിനേയും എല്ലിനേയും ഒക്കെ കണ്ടു പഠിച്ചുകൂടെ? അവരൊക്കെ എന്തു ദൈവഭയം ഉള്ളവരാ. എന്തു പറഞ്ഞാലും കേട്ടോളും. ഈ കോളേജിന്റെ കാര്യം പറഞ്ഞപ്പോളാ, നമ്മുടെ എടേലും ഒണ്ട്‌ കൊറെ തല തെറിച്ചവന്‍മാര്‍. അതില്‍ പ്രധാനി വെള്ളത്താടി ഒക്കെ വച്ച ഒരു ബേബി. അവനാ ഈ പാവപ്പെട്ടോരൊട്‌ വല്യ സ്നേഹം. നമ്മളെ ഒന്നും ഒരു വെലയില്ലെന്ന്‌. അവന്‍ ഇനി പള്ളീല്‍ കേറാന്‍ വരട്ടെ. കഴിഞ്ഞ വിമോചന സമരത്തിന്റെ കുറുവടി ഇനിയും എടുക്കുന്നുണ്ട്‌. കാര്യം നമ്മുടെ സീറ്റില്‍ വലിയ ഫീസൊക്കെ വാങ്ങാമെന്ന്‌ വ്യവസ്ഥ ഒക്കെ ഉണ്ട്‌. എന്നാലും നമ്മള്‍ ഇതൊക്കെ കാശിനുവേണ്ടി നടത്തുന്നതാനെന്ന്‌ പുറത്തു പറയാന്‍ ഒക്കുമോ? കാശ്‌, അത്‌ നമുക്കു വേണം. ഈ അരമനയൊക്കെ നടത്തുന്നതു വലിയ ചെലവാണെന്നേ. എ സി യൊക്കെ ഇല്ലാതെ നമുക്ക്‌ പറ്റുമൊ? നമ്മള്‍ തിരുമേനിമാര്‍ സന്തോഷമായി ഇരുന്നില്ലേല്‍ അത്‌ മൊശമല്ലേ? പണിയെടുക്കാനല്ലേ വിശ്വാസികള്‍? വെറുതെ അല്ലല്ലൊ, രക്ഷ അല്ലെ അങ്ങു സ്വര്‍ഗ്ഗത്തീന്നു വാങ്ങി കൊടുക്കുന്നത്‌? പിന്നെ ഈ ബൈബിളില്‍ പണ്ട്‌ കര്‍ത്താവ്‌ ഏതോ പള്ളിയില്‍ നിന്ന്‌ കൊറെ കച്ചോടക്കാരെ അടിച്ചു പുറത്താക്കി എന്നൊക്കെ പറയുന്നുണ്ട്‌. നമ്മള്‍ക്ക്‌ പേടിക്കണ്ട. അങ്ങേരെ എല്ലാ പള്ളീലും നമ്മള്‍ ഇപ്പോളും കുരിശേല്‍ തന്നെ കെടത്തിയിരിക്കുവല്ലേ.. പിന്നെ ഈസ്റ്റര്‍ ആകുമ്പൊ ഒരു മൂന്നുദിവസം വെറുതേ നിര്‍ത്തും. മൂന്നാം ദിവസം അങ്ങേരു സ്വര്‍ഗ്ഗത്തില്ലേക്കൊരു പോക്കുണ്ട്‌. അപ്പൊ പിന്നേം കുരിശേല്‍ കേറ്റും. ഇനി ഏതേലും പള്ളീല്‍ കുരിശിലല്ലാതെ കര്‍ത്താവുണ്ടേല്‍ അടുത്ത ഇടയ ലെഖനത്തിനു മുന്‍പെ തിരിച്ച്‌ തറച്ചേക്കാം. എങ്ങാനും എറങ്ങി വന്നാല്‍ പിന്നെ പൊല്ലാപ്പാകും.
ഒറീസ്സായിലെങ്ങാണ്ട്‌ നമ്മൊടെ കൊറേ പേരെ കൊന്നെന്നൊക്കെ പറയുന്നു. ആ സമയത്തെങ്ങാണ്ട്‌ അവിടെ ഈ കമ്യൂണിസ്റ്റ്കാരുടെ ഓഫീസില്‍ കുര്‍ബാന നടതിയെന്നും. കേന്ദ്രത്തില്‍ കോണ്‍ഗ്രെസ്സ്‌ തന്നെ ആണല്ലൊ, അപ്പൊ അത്‌ നടക്കാന്‍ എങ്ങനേം വഴിയൊന്നുമില്ല. ഇനി നടന്നാത്തന്നെ ആരൊടും പറയണ്ട. പറഞ്ഞാല്‍ കോണ്‍ഗ്രെസ്സിനു പറഞ്ഞുവച്ച വോട്ട്‌ അവന്‍മാര്‍ക്കും കൊടുക്കണ്ട വരും. അല്ലേലും കൊറേ എണ്ണം ചത്താലും എന്താവാന്‍? പൊളിച്ച പള്ളി ഇനിയും പണിയാം, പിള്ളേര്‍ ഇനിയും ഉണ്ടാകും. പക്ഷെ ഈ മതമില്ലാത്ത ജീവനൊക്കെ പഠിച്ച്‌ പിള്ളേര്‍ക്ക്‌ വിവരം വച്ചാല്‍ നമ്മള്‍ അരമനേന്നിറങ്ങി മേലനങ്ങി പണിയെടുക്കണ്ട വരില്ലേ. എന്റെ കര്‍ത്താവേ.. ഈ ഇന്ത്യയിലൊക്കെ ഏത്‌ മതത്തില്‍ വെണേലും വിശ്വസിക്കാം പോലും.. വേണേല്‍ വിശ്വസമില്ലാതേം ജീവിക്കാമെന്ന്‌. പക്ഷെ നമ്മളെ ഭരിക്കുന്നത്‌ അങ്ങു വത്തിക്കാനല്ലേ. നമ്മക്ക്‌ ഈ ഇന്ത്യക്കാരുടെ കാശും അവകാശവും മാത്രം മതി. നമ്മള്‍ ന്യൂന പക്ഷമല്ലേ. ആരാ നമ്മളെ ന്യൂനപക്ഷമായി അംഗീകരിച്ച്‌ അവകാശമൊക്കെ തരുന്നെ.. എന്തായാലും ഇവിടത്തെ ഭൂരിപക്ഷമൊന്നും അല്ല.. അതൊക്കെ അങ്ങു മേളീന്നല്ലേ..
ഇനിയും ഇവന്‍മാര്‍ക്ക്‌ കാര്യം മനസ്സിലാകുന്നില്ലെങ്കില്‍ നമ്മള്‍ കളി പഠിപ്പിക്കും. പണ്ട്‌ ഭൂമി സൂര്യനെ ചുറ്റുന്നെന്ന്‌ പറഞ്ഞതിനു ഗലീലിയോയെ പിടിച്ചു ജയിലില്‍ ഇട്ടവരാ നമ്മള്‍. അക്രമത്തിനു നമ്മളും ഒട്ടും മോശമല്ലായിരുന്നു. ഇപ്പൊ ഇതൊന്നും പറഞ്ഞു കൂടാ. അക്രമമോ? അതീ കമ്യൂണിസ്റ്റു കാരുടെ എന്തോ പരിപാടിയല്ലേ? നമ്മള്‍ക്കു സമാധാനമല്ലേ അറിയൂ. അവന്‍മാരൊക്കെ എന്തൊരു അക്രമമാ? കൊറേ രക്തസാക്ഷികളും ഉണ്ട്‌ പോലും. അവരൊക്കെ വലിയ ക്രിമിനലുകളായത്‌ കൊണ്ടാ കൊന്നുകളഞ്ഞതെന്ന്‌ ഞങ്ങള്‍ വിശാസികളെ പറഞ്ഞു മനസ്സിലാക്കിയിട്ടുണ്ട്‌. അതിനൊക്കെ നമ്മുടെ വിശുദ്ധന്‍മാര്‍. ഈ ഫ്രാന്‍സിസ്‌ അസീസിയൊക്കെ ആയകാലത്ത്‌ വലിയ ചെറ്റയൊക്കെ ആയിരുന്നു. എന്നാലും പിന്നെ നന്നായില്ലേ? പിന്നെ കുറേ പേരു കുരിശുയുദ്ധത്തിനൊക്കെ പോയി കൊറച്ച്‌ കൊലയും പെണ്ണ്‍പിടിയുമൊക്കെ നടത്തിയവരു കാണും. ഇതൊക്കെ ആരറിയാന്‍? പണ്ടൊരു മാര്‍പ്പാപ്പേടെ മോന്‍ മാര്‍പ്പാപ്പയായി എന്നൊക്കെ പറയുന്നുണ്ട്‌. അത്‌ അവര്‍ക്ക്‌ പെണ്ണ്‌ കെട്ടിക്കൂടെന്ന്‌ പറഞ്ഞു കഴിഞ്ഞാരുന്നു. ഒാ പിന്നെ, അതിലൊക്കെ എന്തിരിക്കുന്നു. പിന്നെ ഇപ്പൊ ഒരു സിസ്റ്റര്‍ ജെസ്മി വന്നിട്ടുണ്ട്‌ പൊലും. അവള്‍ ഇതു കാശിനുവേണ്ടി ചെയ്തതാണെന്ന്‌ നമ്മള്‍ വേറെ കന്യാസ്ത്രീയെക്കൊണ്ട്‌ സത്യദീപത്തിലൊക്കെ എഴുതിച്ചിരുന്നു. കാശു മാത്രമല്ല രാഷ്ട്രീയ മോഹവും. ഞങ്ങള്‍ മെത്രാന്‍മാരൊക്കെ ഈ കൊണ്‍ഗ്രസ്സിനു കൂട്ടിക്കൊടുപ്പു പണി ചെയ്യുന്നതു നമ്മുടെ കാശ്‌ വല്ലോരും കൊണ്ടുപൊകാതിരിക്കാന്‍ അല്ലേ? ജെസ്മിക്ക്‌ കാശുകൊടുക്കാമെന്നു പറഞ്ഞു. അവളു കേട്ടില്ല. നമ്മുടെ ചൊല്‍പ്പടിക്കുനിക്കുന്ന കന്യാസ്ത്രീകള്‍ വെറെ ഉണ്ടല്ലൊ, കാണാം. അത്‌ പരഞ്ഞപ്പൊളാ പണ്ടൊരു കന്യാസ്ത്രീയെ തട്ടിയതിന്റെ കേസ്‌ ഇപ്പൊളും തീര്‍ന്നില്ല. ഈ സി ബി ഐ നമ്മുടെ കോണ്‍ഗ്രസ്സിന്റെ കയ്യിലല്ലേ, എന്തു പേടിക്കാന്‍?
വിശ്വാസികളേ നമ്മള്‍ സംഘടിതരാണുകേട്ടൊ. നമ്മുടെ നേരേ ആരു വന്നാലും നമ്മുടെ കാശ്‌ നാം വിട്ട്‌ കൊടുക്കരുത്‌. നിങ്ങള്‍ വേണം തെരുവില്‍ ഇറങ്ങി ചാകാന്‍. ഞങ്ങള്‍ മെത്രാന്‍മാര്‍ക്ക്‌ ഈ വെയിലൊക്കെ കൊണ്ടാല്‍ മോശമല്ലേ.. കഴിഞ്ഞ വിമോചന സമരത്തിനു അമേരിക്കയുടെ കാശുണ്ടായിരുന്നു. ഇപ്പൊ അവിടെ എന്തൊ മാന്ദ്യമോ മറ്റൊ ആയതിനാല്‍ കാശുവരവു കുറയും. ആയതിനാല്‍ വിശ്വാസികള്‍ പട്ടിണി കിടന്നാണെങ്കിലും കാശു അരമനയില്‍ എത്തിക്കേണ്ടതാകുന്നു. ഇതിന്റെ ഇടയലേഖനം ഉടനേ..

(ഞാന്‍ വഴി തെറ്റിയ ഒരു മുട്ടനാട്‌.. അടോട്ടുകയ ഇടവക - തലശ്ശേരി അതി(കം) രൂപ( )താ യില്‍ നിന്നും. )

Is Vatican really Holy?

2008-06-16T12:21:00.000+05:30

I always wonder when Vatican people especially the Pontiff speaks about PEACE and sin. The history is open in front of us. The most manipulated history, The Christianity. From the very beginning, they played a game of power and money. The suppression of many religions, killing, history of the so called 'Holy Wars'. The tools they used to perform cruelties are still in many museums. The worst time for science and technology. The examples are a lot, Galileo is only one among a thousand. He was put in prison even at severe illness. He was forced to alter his statements. Still he is a criminal for the Vatican. And Pope John Paul II made a historic comment.. " Galileo's case is over now ". But don't the church use science and technology after all these? Don't they spend hundreds of thousands still to make an existence? And after the most blood shed and manipulated stories still they brainwash millions and enjoy power. Isn't this something so..Brutal..?
Here is what WikiPedia Says about him
Galileo's championing of Copernicanism was controversial within his lifetime. The geocentric view had been dominant since the time of Aristotle, and the controversy engendered by Galileo's opposition to this view resulted in the Catholic Church's prohibiting the advocacy of heliocentrism as potentially factual, because that theory had no decisive proof and was contrary to the literal meaning of Scripture.[7] Galileo was eventually forced to recant his heliocentrism and spent the last years of his life under house arrest on orders of the Inquisition.